କରୋନା ଭାଇରସର ବିପଦ ମଧ୍ୟରେ ଚୀନରେ ଫସି ରହିଥିବା କିଛି ଭାରତୀୟ ଛାତ୍ର ଓ କିଛି ନାଗରିକ ଗତକାଲି ସକାଳେ ଭାରତ ଫେରିଛନ୍ତି । ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ୩୨୪ ଜଣ ଭାରତୀୟଙ୍କୁ ଚୀନରୁ ଭାରତକୁ ଫେରାଇ ଆଣିଛି । ତେବେ ଏହା ମଧ୍ୟରେ ଏକ ଖବର ଆସିଛି ଯେ ୬ ଜଣ ଭାରତୀୟ ପ୍ରବଳ ଜ୍ୱରରେ ପୀଡିତ ହୋଇଥିବା କାରଣରୁ ତାଙ୍କୁ ଭାରତ ଫେରିବାକୁ ଅନୁମତି ମିଳିନାହିଁ । ଏହି ଲୋକମାନେ ବର୍ତ୍ତମାନ ବୁହାନରେ ଫସି ରହିଛନ୍ତି । ତେବେ ସୂଚନା ଅନୁଯାୟୀ ବୁହାନ କରୋନା ଭାଇରସର ସବୁଠାରୁ ଅଧିକ ପ୍ରଭାବିତ ସହର ଅଟେ ।
ଛଅ ଜଣ ଭାରତୀୟ ଏୟାର ଇଣ୍ଡିଆର ସ୍ୱତନ୍ତ୍ର ବିମାନରେ ଆସିପାରିଲେ ନାହିଁ କାରଣ ସେମାନେ ପ୍ରବଳ ଜ୍ୱରରେ ପୀଡିତ ହୋଇଥିଲେ ଏବଂ ସେମାନଙ୍କର ଟେଷ୍ଟ କରାଇବା ପରେ ଚୀନ ଅଧିକାରୀମାନେ ତାଙ୍କୁ ଭାରତ ଆସିବାକୁ ରୋକିଥିଲେ । ଖବର ମୁତାବକ ସେମାନେ ସମସ୍ତେ ଚୀନରେ ପଢ଼ୁଥିବା ଛାତ୍ର ତେବେ ସେମାନଙ୍କୁ କରୋନା ଭାଇରସ ଆକ୍ରମଣ କରୁଥିବା ନେଇ ସନ୍ଦେହ କରାଯାଉଛି ।
ବେଜିଂ ଛାଡିବା ପୂର୍ବରୁ ସମସ୍ତଙ୍କର ଟେଷ୍ଟ କରାଯିବା ସହିତ ଭାରତ ପହଂଚିବା ପରେ ୧୪ ଦିନ ସମସ୍ତେ ଚିକିତ୍ସାରେ ରହିବେ ବୋଲି ଭାରତୀୟ ଦୂତାବାସ ପକ୍ଷରୁ ସୂଚନା ଦିଆଯାଇଥିଲା । ୩୨୪ ଜଣ ଭାରତୀୟଙ୍କୁ ନେଇ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ଗତକାଲି ସକାଳ ୭.୩୦ ମିନିଟରେ ଦିଲ୍ଲୀରେ ପହଞ୍ଚିଥିଲା । ତେବେ ଏହା ମଧ୍ୟରେ ବୁହାନ ପ୍ରାନ୍ତରେ ଫାଶୀ ରହିଥିବା ଅନ୍ୟ ଭାରତୀୟମାନଙ୍କୁ ଉଦ୍ଧାର କରିବା ପାଇଁ ଏୟାର ଇଣ୍ଡିଆର ଦ୍ଵିତୀୟ ବିମାନ ବେଜିଙ୍ଗରେ ପହଞ୍ଚି ଯାଇଛି ।
ଚିନି ଅଧିକାରୀଙ୍କ କହିବା ଅନୁଯାୟୀ କରୋନା ଭାଇରସ କାରଣରୁ ବର୍ତ୍ତମାନ ପର୍ଯ୍ୟନ୍ତ ୩୦୦ ଲୋକଙ୍କର ମୃତ୍ୟୁ ହୋଇସାରିଛି ଏବଂ ୧୨,୦୦୦ ଲୋକ ଚିହ୍ନଟ କରାଯାଇଛନ୍ତି ।ଏପଟେ ଭାରତ ସରକାର ଚୀନରୁ ଆସିଥିବା ସମସ୍ତ ଭାରତୀୟଙ୍କୁ ଦିଲ୍ଲୀର ଛାଵଲା ଓ ହରିୟାଣାର ମାନେସର କ୍ୟାମ୍ପରେ ରହିବା ପାଇଁ ବ୍ୟବସ୍ଥା କରିଛନ୍ତି ଏବଂ ସେମାନେ ଦୁଇ ସପ୍ତାହ ପର୍ଯ୍ୟନ୍ତ ବାକି ଭାରତୀୟମାନଙ୍କ ଠାରୁ ଦୁରେଇ ରହିବେ ବୋଲି ନିଷ୍ପତ୍ତି ନିଆଯାଇଛି ।