ନୂଆଦିଲ୍ଲୀ: ଏଲନ୍ ମସ୍କ, ଟ୍ୱିଟର ବୁଝାମଣା ନିଜ ତରଫରୁ ବାତିଲ କରିଦେଇଛନ୍ତି । ବିଶ୍ୱର ସବୁଠାରୁ ଧନୀ ବ୍ୟକ୍ତି ଗତ ଏପ୍ରିଲ ୨୫ ତାରିଖରେ ଟୁଇଟରକୁ ୫୪.୨୦ ବିଲିୟନ ଡଲାରରେ କିଣିବାକୁ ଅଫର ଦେଇଥିଲା । ମାତ୍ର ପରେ ଏହା ୪୪ ବିଲିୟନ ଡଲାରକୁ ଖସିଥିଲା । ଶୁକ୍ରବାର ମସ୍କ କହିଛନ୍ତି ଯେ ସେ ଟ୍ୱିଟରକୁ କିଣିବା ପାଇଁ ତାଙ୍କର ୪୪ ବିଲିୟନ ଡଲାରର ଚୁକ୍ତିକୁ ସମାପ୍ତ କରୁଛନ୍ତି । ସୋସିଆଲ ମିଡିଆ କମ୍ପାନୀ ଟ୍ୱିଟର ଫେକ୍ ଆକାଉଣ୍ଟ ବିଷୟରେ ସୂଚନା ପ୍ରଦାନ କରିବାରେ ବିଫଳ ହୋଇଛି । ତେଣୁ ସେ ଡିଲ୍ ବାତିଲ କରୁଛନ୍ତି ବୋଲି କହିଛନ୍ତି ।
ଏହି ବୁଝାମଣାରୁ ହଟିବା ପରେ ଏବେ ଏଲନ ମାକ୍ସଙ୍କ ଉପରେ ଟୁଇଟର ମୋକଦ୍ଦମା କରିବାକୁ ଅଣ୍ଟା ଭିଡିଛି । ଅନେକ ସପ୍ତାହ ପର୍ଯ୍ୟନ୍ତ ଚାଲିଥିବା ଟେକ୍ ୱାର୍ଲ୍ଡର ଏହି ହାଇ ଭୋଲଟେଜ ଡ୍ରାମାରେ ନୂଆ ମୋଡ଼ ନେଇସାରିଛି । ଏଲନ ମସ୍କ କହିଛନ୍ତି ଯେ, ଟୁଇଟର ବୁଝାମଣାର ଅନେକ ସର୍ତ୍ତ ଉଲ୍ଲଂଘନ କରିଛନ୍ତି । ଏଥି ପାଇଁ ବୁଝାମଣାରୁ ହଟୁଛି ।
The Twitter Board is committed to closing the transaction on the price and terms agreed upon with Mr. Musk and plans to pursue legal action to enforce the merger agreement. We are confident we will prevail in the Delaware Court of Chancery.
— Bret Taylor (@btaylor) July 8, 2022
ଏବେ ଟ୍ରେଡିଂରେ ଟ୍ୱିଟରର ସେୟାର ୭% ହ୍ରାସ ପାଇଛି । ମସ୍କ ଏପ୍ରିଲରେ ପ୍ରତି ସେୟାର ପିଛା ୫୪.୨୦ ଡଲାର ଅଫର କରିଥିଲେ । ଅନ୍ୟପଟେ ମାଇକ୍ରୋ ବ୍ଲଗିଂ ପ୍ଲାଟଫର୍ମରେ ଟ୍ୱିଟରର ଅଧ୍ୟକ୍ଷ ବ୍ରେଟ୍ ଟେଲୋ କହିଛନ୍ତି ଯେ, ବୋର୍ଡ ଏହି ମିଶ୍ରଣ ଚୁକ୍ତିକୁ କାର୍ଯ୍ୟକାରୀ କରିବା ପାଇଁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯୋଜନା କରିଛି । ମସ୍କଙ୍କ ସହ ସହମତି ହୋଇଥିବା ମୂଲ୍ୟ ଏବଂ ସର୍ତାବଳୀ ଉପରେ କାରବାର ବନ୍ଦ କରିବା ପାଇଁ ପ୍ରତିଶ୍ରୁତିବଦ୍ଧ ।
ମସ୍କଙ୍କ ଓକିଲ ଟ୍ୱିଟରରେ ଲେଖିଛନ୍ତି ଯେ, ସେମାନେ ଚୁକ୍ତି ବାତିଲ କରୁଛନ୍ତି । କାରଣ ଟ୍ୱିଟର ଚୁକ୍ତିର ଉଲ୍ଲଙ୍ଘନ କରିଛି । ଟ୍ୱିଟର୍ ଭ୍ରମିତ କଲା ଭଳି କାମ କରିଛି । ମସ୍କ ଟ୍ୱିଟର ପ୍ରତି ବିଶ୍ୱାସ କରିଥିଲେ ଯାହା ଭୁଲ ଥିଲା । ଟ୍ୱିଟର କହିଛି ଯେ, କମ୍ପାନୀ ଏହି ଚୁକ୍ତିକୁ ପୂରଣ କରିବାକୁ ଚାହୁଁଛି । ତେଣୁ ସେମାନେ ଆଇନର ଆଶ୍ରୟ ନେବେ । ଟ୍ୱିଟରର ଚେୟାରମ୍ୟାନ୍ ବ୍ରେଟ୍ ଟେଲର କହିଛନ୍ତି ଯେ, ଟ୍ୱିଟର ବୋର୍ଜ ଏଲନ ମସ୍କଙ୍କ ସହ କରିଥିବା ଡିଲକୁ ପୁରା କରିବାକୁ ଚାହୁଁଛି । ତେଣୁ ସେମାନେ ଲିଗାଲ ଆକ୍ସନ ନେବାକୁ ପ୍ରସ୍ତୁତ ଅଛନ୍ତି । କୋର୍ଟ ସେମାନଙ୍କୁ ନ୍ୟାୟ ଦେବେ ବୋଲି ସେ କହିଛନ୍ତି ।