କରୋନାର ଟୀକା ବାହାର କରିବା ପାଇଁ ସମଗ୍ର ବିଶ୍ୱର ବୈଜ୍ଞାନିକ ଅଣ୍ଟା ଭିଡିଛନ୍ତି। ଏହା ମଧ୍ୟରେ ଏକ ଭଲ ଖବର ମିଳିଛି। ବୈଜ୍ଞାନିକମାନଙ୍କୁ ଏମିତି ଏକ ଜୀବ ମିଳିଛି ଯାହାର ରକ୍ତରୁ କରୋନା ଭାଇରସ ଟୀକା ତିଆରି ହୋଇପାରିବ ବୋଲି ବୈଜ୍ଞାମାନେ କହିଛନ୍ତି। ଏହି ଜୀବର ରକ୍ତ ବହୁ ମୂଲ୍ୟବାନ । ବୈଜ୍ଞାନିକଙ୍କ ଅନୁସାରେ ଏହି ଜୀବଙ୍କ ରକ୍ତରୁ କୋଭିଡ -୧୯ କରୋନା ଭାଇରସ ଟୀକା ତିଆରି ହୋଇପାରିବ। ଏହା ହେଉଛି ଏକମାତ୍ର ଜୀବ ଯାହାର ରକ୍ତ ପାଇଁ ଫାର୍ମାସ୍ୟୁଟିକାଲ୍ କମ୍ପାନୀ ବହୁତ ପଇସା ଖର୍ଚ୍ଚ କରନ୍ତି । କାରଣ ଏହି ଜୀବର ନୀଳ ରକ୍ତରୁ ଟୀକା, ଔଷଧ ଏବଂ ଷ୍ଟରାଇଲ ଲିକ୍ୱିଡ ଉତ୍ପାଦନ ହୋଇଥାଏ।
ଏହି ଜୀବଙ୍କ ନାମ ହେଉଛି ହର୍ଷ ସୁ କ୍ରାବ୍ (Horseshoe crab)। ଏହା ଏକ ବିରଳ ପ୍ରଜାତିର କଙ୍କଡ଼ା। ଏହି ଜୀବର ଏକ ଲିଟର ନୀଳ ରକ୍ତର ମୂଲ୍ୟ ୧୧ ଲକ୍ଷ ଟଙ୍କା । ବିଶେଷଜ୍ଞମାନେ କହିଛନ୍ତି ଯେ ହର୍ଷ ସୁ ଦୁନିଆର ସର୍ବ ପୁରାତନ ଜୀବଙ୍କ ମଧ୍ୟରୁ ଅନ୍ୟତମ ଏବଂ ସେମାନେ ଅତି କମରେ ୪୫ ନିୟୁତ ବର୍ଷ ଧରି ପୃଥିବୀରେ ରହିଆସିଛନ୍ତି।
ଅନେକ ଔଷଧ ଏହି ଜୀବଙ୍କ ରକ୍ତରୁ ସୁରକ୍ଷିତ ଭାବେ ତିଆରି କରାଯାଇଥାଏ ବୋଲି ଫାର୍ମାସ୍ୟୁଟିକାଲ୍ କମ୍ପାନୀଗୁଡିକ ବିଶ୍ବାସ କରନ୍ତି । ଏହାର ରକ୍ତରେ ଲିମୁଲସ୍ ଅମିବୋସାଇଟ୍ ଲାଇସେଟ୍ ନାମକ ଏକ ଉପାଦାନ ଅଛି ଯାହା ଶରୀରରେ ଏଣ୍ଡୋଟୋକ୍ସିନ୍ ନାମକ ଏକ ଖରାପ ରାସାୟନିକ ଉପାଦାନ ଖୋଜେ । କୌଣସି ସଂକ୍ରମଣ ସମୟରେ ଏହି ଉପାଦାନଗୁଡ଼ିକ ଶରୀରରେ ବାହାରିଥାଏ । ଆଟଲାଣ୍ଟିକ୍, ଭାରତ ଏବଂ ପ୍ରଶାନ୍ତ ମହାସାଗରରେ ମିଳୁଥିବା ହର୍ଷ ସୁ କଙ୍କଡ଼ା ବସନ୍ତ ଋତୁରୁ ମେ – ଜୁନ୍ ମାସ ପର୍ଯ୍ୟନ୍ତ ଦେଖାଯାଏ ।
ବର୍ତ୍ତମାନ ଏହି କଙ୍କଡ଼ାର ୧ ଲିଟର ନୀଳ ରକକ୍ତ ଅନ୍ତରାଷ୍ଟ୍ରୀୟ ବଜାରରେ ୧୧ ଲକ୍ଷ ଟଙ୍କା ପର୍ଯ୍ୟନ୍ତ ବିକ୍ରି ହେଉଛି । ଏହାକୁ ଦୁନିଆର ସବୁଠାରୁ ମହଙ୍ଗା ତରଳ ବୋଲି ମଧ୍ୟ କୁହାଯାଏ । କୁହାଯାଏ କି, ୧୯୭୦ରୁ ହର୍ଷ ସୁ କଙ୍କଡ଼ା ରକ୍ତର ବ୍ୟବହାର ବୈଜ୍ଞାନି ମାନେ କରିଆସୁଛନ୍ତି। ଏହା ମାଧ୍ୟମରେ ବୈଜ୍ଞାନିକମାନେ ଚିକିତ୍ସା ଉପକରଣ ଏବଂ ଔଷଧର ଅନୁପସ୍ଥିତି ଯାଞ୍ଚ କରନ୍ତି । ଏଥିରେ ଆଇଭି ଏବଂ ଟୀକାକରଣ ପାଇଁ ବ୍ୟବହୃତ ଚିକିତ୍ସା ଉପକରଣ ଅନ୍ତର୍ଭୁକ୍ତ । ଆଟଲାଣ୍ଟିକ୍ ଷ୍ଟେଟସ୍ ସାମୁଦ୍ରିକ ମତ୍ସ୍ୟ ଆୟୋଗ ଅନୁଯାୟୀ, ପ୍ରତିବର୍ଷ ୫ କୋଟି ଆଟଲାଣ୍ଟିକ୍ ହର୍ଷ ସୁ କଙ୍କଡ଼ାର ବ୍ୟବହାର ଚିକିତ୍ସା ଉଦ୍ଦେଶ୍ୟରେ ବ୍ୟବହୃତ ହୁଏ ।
Conservationists worry our reliance on horseshoe crab blood for COVID-19 vaccines and related therapeutics may imperil the crabs and their ecosystems https://t.co/zsCdVLQKBy
— National Geographic (@NatGeo) July 6, 2020
ହର୍ଷ ସୁ କଙ୍କଡ଼ାର ନୀଳ ରକ୍ତରେ ତମ୍ବା ରହିଛି। ଆହୁରି ମଧ୍ୟ, ଏକ ସ୍ୱତନ୍ତ୍ର ରାସାୟନିକ ପଦାର୍ଥ ଅଛି ଯାହା ଏକ ଜୀବାଣୁ କିମ୍ବା ଭାଇରସ ଚାରିପାଖରେ ଜମା ହୋଇ ଏହାକୁ ଚିହ୍ନଟ କରେ । ଏହାକୁ ନିଷ୍କ୍ରିୟ କରିବାରେ ମଧ୍ୟ ସାହାଯ୍ୟ କରେ । ଜୁଲାଇ ପ୍ରାରମ୍ଭରେ, ସ୍ୱିଜରଲ୍ୟାଣ୍ଡର ଫାର୍ମାସ୍ୟୁଟିକାଲ୍ କମ୍ପାନୀ ଲୋଞ୍ଜା ଏହାର କୋଭିଡ -୧୯ ଟିକା ମାନବ ପରୀକ୍ଷା ପାଇଁ ପ୍ରସ୍ତୁତ ହେଉଛି। ଏହି ଔଷଧ କମ୍ପାନୀକୁ ଆମେରିକାରେ ପରୀକ୍ଷା କରାଯିବା ପାଇଁ ବହୁ ପରିମାଣର ଲିମୁଲସ୍ ଆମୋବୋସାଇଟ୍ ଲାଇସେଟ୍ ଆବଶ୍ୟକ ହେବ। ଯାହା ଏହି କଙ୍କଡାରୁ ମିଳିଥାଏ।