ଏହି ଘଟଣାର ଭିଡିଓ ଦେଖିଲେ ଆପଣଙ୍କ ହୃଦସ୍ପନ୍ଦନ ବି ବଢି ଯାଇପାରେ କାରଣ ଭିଡ଼ିଓଟି ହିଁ ସେମିତି । ଘଟଣାଟି ଘଟିଛି ଚୀନର ହୁୱାଈ ପ୍ରାନ୍ତରେ । ଏଠାରେ ଜଣେ ୨ବର୍ଷର ଶିଶୁ ମୃତ୍ୟୁ ମୁଖରୁ ଫେରି ଆସିଛି ତେବେ ଦୁର୍ଘଟଣାଟି ଏପରି ଥିଲା ଯେ ଆପଣ ଫୁଟେଜ ଦେଖିଲେ ଅବାକ ହୋଇ ରହିଯିବେ । ତାହେଲେ ଆସନ୍ତୁ ଜାଣିବା କଣ ଥିଲା ସମ୍ପୂର୍ଣ ଘଟଣା ।
ମିଳିଥିବା ଖବର ଅନୁଯାୟୀ ଏକ ଦୁଇ ବର୍ଷର ପିଲା ନିଜକୁ ବେଡ୍ରୁମ ଭିତରେ ବନ୍ଦ କରିଦେଇଥିଲା । ଏହାପରେ ସେ ଏକ ଷ୍ଟୁଲ ସାହାଯ୍ୟରେ ରୁମର ଝରକା ପାଖରେ ପହଂଚି ଯାଇଥିଲା ଆଉ ତାପରେ ବାହାରେ ଲାଗିଥିବା ଏୟାର କଣ୍ଡିସନର ୟୁନିଟକୁ ଧରିବା ସମୟରେ ତଳକୁ ଲଟକି ପଡିଥିଲା । ତେବେ ଏହି ସମୟରେ ତାଙ୍କ ପଡୋଶୀ ଲି ଦେହାଇ ତାଙ୍କୁ ଏପରି ଅବସ୍ଥାରେ ଦେଖି ତୁରନ୍ତ ତାଙ୍କୁ ରକ୍ଷା କରିବା ପାଇଁ ଚେଷ୍ଟା କରିଥିଲେ ।
ଲି ଙ୍କ କହିବା ଅନୁଯାୟୀ ଯେତେବେଳେ ସେ ଶିଶୁଟିକୁ ଏପରି ଅବସ୍ଥାରେ ଦେଖିଲେ ସେତେବେଳେ ସେ ସଂଗେ ସଂଗେ ଏକ ବଡ଼ କମ୍ବଳ ଆଣି ତାକୁ ଘେରାଇ ଧରିଥିଲେ ଯାହାଦ୍ୱାରା ଶିଶୁଟି ତାହା ଉପରେ ପଡି । ତେବେ ଶିଶୁଟି ଖସିବା ସ୍ଥାନରେ କାଚ ଥିବାରୁ ସେ ତା ଉପରେ ମଧ୍ୟ କିଛି କମ୍ବଳ ପକାଇ ଦେଇଥିଲେ । ଶିଶୁଟି ଯେତେବେଳେ ତାଳକୁ ଖସି ପଡିଥିଲା ସେତେବେଳେ ଲି ଏକ ଷ୍ଟୁଲ ଉପରେ ଠିଆ ହୋଇ ତାକୁ କ୍ୟାଚ କରିଥିଲେ ।
ତେବେ ଏହି ଘଟଣା ପରେ ତୁରନ୍ତ ଶିଶୁଟିକୁ ହସ୍ପିଟାଲ ନିଆଯାଇଥିଲା ଏବଂ ଜଣାପଡିଥିଲା ଯେ ଶିଶୁଟିକୁ କୌଣସି ଗଭୀର କ୍ଷତ ଆସିନାହିଁ । କିନ୍ତୁ ବ୍ୟକ୍ତିଙ୍କର ହାତରେ ଗଭୀର ଆଘାତ ଲାଗିଥି । ତେବେ ଲି ଦେହାଇଙ୍କ ଏପରି କାମପାଇଁ ସାରା ଅଂଚଳରେ ତାଙ୍କୁ ସମସ୍ତେ ପ୍ରଶଂସା କରିଛନ୍ତି ।