ବିଂଶ ଶତାବ୍ଦୀର ଇଂଲଣ୍ଡର ଜଣେ ମହାନ ଦାର୍ଶନିକ ବଣ୍ଡରେଡ ରଶେଲ ମତ ରଖିଥିଲେ କି, ପୃଥିବୀର ସମସ୍ତ ଅଭିଭାବକ ନିଜ ପିଲାମାନଙ୍କୁ ଦିନରେ ଅତି କମରେ ଅଧ ଘଣ୍ଟା ସମୟ ଏକୁଟିଆ କାଟିବା ଅଭ୍ୟାସ କରାଇବା ଉଚିତ । କରୋନା ସଂକ୍ରମଣ ରୋକିବା ପାଇଁ ବର୍ତ୍ତମାନ ସମୟରେ ଲାଗୁ ହୋଇଥିବା ଲକ ଡାଉନ ସ୍ଥିତି ଲୋକଙ୍କ ପାଇଁ ଏମିତି କିଛି ପରିସ୍ଥିତି ଆଣିଦେଇଛି । କିନ୍ତୁ ଏସମୟରେ ଅଧିକ ଗୁରୁତ୍ୱପୂର୍ଣ ହୋଇପଡିଛି ପିଲାଙ୍କ ପାଠପଢା । ଆଉ ଯେଉଁ ମାନେ ବିଭିନ୍ନ ଗୁରୁତ୍ୱପୂର୍ଣ୍ଣ ପରୀକ୍ଷା ଗୁଡିକର ପ୍ରସ୍ତୁତି ଚଳାଇଛନ୍ତି ସେମାନଙ୍କ ପାଇଁ ତ ଏହି ସମୟ ଅତ୍ୟନ୍ତ ମହତ୍ୱପୂର୍ଣ୍ଣ ।
ଆଜିର ପ୍ରାୟ ସମସ୍ତ ଯୁବପିଢି ବିଭିନ୍ନ ସିଭିଲ ସର୍ଭିସ ପରୀକ୍ଷା ପାଇଁ ପ୍ରସ୍ତୁତି ଚଳାଇଛନ୍ତି । ପ୍ରକୃତରେ କୌଣସି ପରୀକ୍ଷା ପ୍ରସ୍ତୁତି କେବଳ ମାତ୍ର ପାଠ ପଢା ଖୋଜି ନଥାଏ ବରଂ ଅଧ୍ୟୟନ ଦରକାର କରିଥାଏ । ବର୍ତ୍ତମାନର ଲକ ଡାଉନ ସ୍ଥିତି ପ୍ରାୟ ସମସ୍ତଙ୍କୁ ନିଜ ନିଜ ପରିବାର ଲୋକଙ୍କ ସହ ସମୟ କାଟିବା ପାଇଁ ଏକ ମୌକା ଆଣି ଦେଇଛି । ସିଭିଲ ସର୍ଭିସ ପରୀକ୍ଷା ପ୍ରସ୍ତୁତି ପାଇଁ ଏହାକୁ ଆପଣ ଏକ ସର୍ବତ୍କୃଷ୍ଟ ମାଧ୍ୟମ ଭାବେ ଗ୍ରହଣ କରିପାରିବେ । ନିଜ ପରିବାରର ଗୁରୁଜନ ବା ଅନୁଭୂତି ସମ୍ପର୍ଣ୍ଣ ବ୍ୟକ୍ତି ମାନଙ୍କ ଠାରୁ ସେମାନଙ୍କ ମତ ନେଇ ପାରିବେ ।
– ଆପଣ ପସନ୍ଦ କରନ୍ତୁ ବା ନକରନ୍ତୁ କିନ୍ତୁ ଏବେକାର ଆଧୁନିକ ସମୟରେ ସିଭିଲ ସର୍ଭିସ ପରୀକ୍ଷା ପାଇଁ ବିଭିନ୍ନ ଅନଲାଇନ ମାଧ୍ୟମ ତଥା ଇଣ୍ଟରନେଟର ସାହାଯ୍ୟ ନେବା ଜରୁରୀ । ଅବଶ୍ୟ ଏବେବି କିଛି ପରୀକ୍ଷାର୍ଥୀ ମାନେ କ୍ଲାସ ରୁମରେ ବସି ପାଠ ପଢିବାକୁ ଅଧିକ ପସନ୍ଦ କରନ୍ତି
– ବିଭିନ୍ନ କୋଚିଂଗ ସେଣ୍ଟର ସଂସ୍ଥା ବା ବ୍ୟକ୍ତିଗତଙ୍କ ତରଫରୁ ୟୁ – ଟ୍ୟୁବରେ ବିଭିନ୍ନ ଅନଲାଇନ ପ୍ରସ୍ତୁତିର ନୂଆ ନୂଆ ଭିଡିଓ ମାନ ଜାରି କରାଯାଉଛି । ଏମଧ୍ୟରୁ କିଛି ମାଗଣା ଶିକ୍ଷା ଦେଉଥିବା ବେଳେ ଆଉ କିଛି ପଇସା ନେଇ ଦେଇଥାନ୍ତି ।
– ଅଧିକାଂଶ ସମୟରେ ଦେଖାଯାଏକି, ବିଭିନ୍ନ ମହାନଗରୀ ଗୁଡିକରେ ଲକ୍ଷ ଲକ୍ଷ ଟଙ୍କାର ଫିସ ଦେଇ ପିଲା ମାନେ କୋଚିଂଗ ସେଣ୍ଟର ଗୁଡିକରେ ନାମ ଲେଖାନ୍ତି ଓ ସେଠାକୁ ଯାଇ ଶିକ୍ଷା ଗ୍ରହଣ କରିଥାନ୍ତି କିନ୍ତୁ ଲକ ଡାଉନ ସେମାନଙ୍କ ଦ୍ୱାରକୁ ଏକ ପ୍ରକାର ବନ୍ଦ କରିଦେଇଛି । ଏପରି ପରିସ୍ଥିତିରେ ସେମାନେ ଆଉ ଅପେକ୍ଷା ନକରି ବିଭିନ୍ନ ଅନଲାଇନ ମାଧ୍ୟମ ଗୁଡିକର ସାହାଯ୍ୟ ନେବା ସର୍ବୋତମ ।