ICMR କ୍ଷୀର ଚାକୁ ସବୁଠାରୁ ବିପଜ୍ଜନକ ବୋଲି କହିଛି, ଜାଣନ୍ତୁ କେଉଁ ଚା ପିଇବା ଉଚିତ୍ ?

ଆପଣ ପ୍ରତିଦିନ ସକାଳେ ଉଠିବା ମାତ୍ରେ ଚା ଏବଂ କଫି ପିଉଛନ୍ତି କି ? ଯଦି ହଁ ତାହେଲେ ଆପଣଙ୍କୁ ଚା ପିଇବାକୁ ନମି, ଆପଣଙ୍କ ମୁଡ୍‌ ଖରାପ ହୋଇଯାଉଛି କି ? ଯଦି ଆପଣଙ୍କ ସହ ଏହା ହେଉଛି, ତେବେ ଆପଣଙ୍କୁ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚର ରିପୋର୍ଟ ପଢିବା ଉଚିତ । ତେବେ ICMR ର ରିପୋର୍ଟ ଆପଣଙ୍କୁ ଆଶ୍ଚର୍ଯ୍ୟ କରିପାରେ, କାରଣ କେବଳ ଆପଣ ନୁହଁନ୍ତି ଦେଶର ବହୁତ ଲୋକ କ୍ଷୀର ଚାକୁ ପସନ୍ଦ କରନ୍ତି । କିଛି ଲୋକ ଅଛନ୍ତି ସକାଳ, ଅପରାହ୍ନ ଏବଂ ସନ୍ଧ୍ୟାରେ ଚା ପିଅନ୍ତି । କିନ୍ତୁ ଏହାର ବର୍ତ୍ତମାନା ରିପୋର୍ଟ ଅନୁସାରେ ଏହି କ୍ଷୀର ଚା ସ୍ୱାସ୍ଥ୍ୟ ପାଇଁ ବିପଦଜନକ ବୋଲି କୁହାଯାଇଛି ।

କ୍ଷୀର ଚା ଏବଂ କଫି ସ୍ୱାସ୍ଥ୍ୟ ବିପଜ୍ଜନକ :
ICMR ର ନୂଆ ଅଧ୍ୟୟନ ଅନୁଯାୟୀ, ଯଦି ଆପଣ କ୍ଷୀରରେ ତିଆରି ଚା କିମ୍ବା କଫି ପିଉଛନ୍ତି ତେବେ ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ । ରିପୋର୍ଟ ଅନୁଯାୟୀ, କ୍ଷୀର ଚା କିମ୍ବା କଫି ସ୍ନାୟୁ ପ୍ରଣାଳୀକୁ କ୍ଷତି ପହଞ୍ଚାଉଛି । ଆହୁରି ମଧ୍ୟ, ଯଦି ଆପଣ ଖାଇବା ପୂର୍ବରୁ କିମ୍ବା ପରେ ଚା କିମ୍ବା କଫି ପିଉଛନ୍ତି । ତେବେ ଏହା ହାଇ ବ୍ଲଡ ପ୍ରେସର କାରଣ ହୋଇପାରେ । ଖାଇବା ପୂର୍ବରୁ କିମ୍ବା ପରେ ଚା ’ପିଇବା ଦ୍ୱାରା ହାର୍ଟ ଆଟକର ଆଶଙ୍କା ମଧ୍ୟ ବଢିପାରେ ।

ଜାଣନ୍ତୁ କ୍ଷୀର ଚା ବଦଳରେ କ’ଣ ପିଇବା ଉଚିତ୍ ?
ଅଧିକାଂଶ ଲୋକଙ୍କ ସକାଳ ଚା ବିନା ଦିନଟି ଅସମ୍ପୂର୍ଣ୍ଣ ହୋଇଥାଏ । ସେମାନଙ୍କ ମଧ୍ୟରେ ଅନେକ ଲୋକ ଅଛନ୍ତି ଯେଉଁମାନେ ବ୍ରେକ୍‌ଫାଷ୍ଟ, ଲଞ୍ଚ୍‌ ଏବଂ ଡିନର୍‌ ପରେ ମଧ୍ୟ ଚା ଏବଂ କଫି ପିଇବାକୁ ପସନ୍ଦ କରନ୍ତି । ଏପରି ଲୋକଙ୍କୁ ICMR ଦ୍ୱାରା କ୍ଷୀର ବିନା କଳା ଚା କିମ୍ବା କଫି ପିଇବାକୁ ପରାମର୍ଶ ଦିଆଯାଇଛି ।

କ୍ଷୀର ଚା ହେଉଛି ଏହି ରୋଗର କାରଣ :
ରିପୋର୍ଟରେ କୁହାଯାଇଛି ଯେ ଯେତେବେଳେ ଆପଣ କ୍ଷୀର ବିନା ଚା ପିଅନ୍ତି, ଏହା ଆପଣଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । କ୍ଷୀର ବିନା ଚା ଏବଂ କଫି ପିଇବା ଦ୍ୱାରା ରକ୍ତ ପ୍ରବାହରେ ଉନ୍ନତି ହୋଇଥାଏ । ଏହାଦ୍ୱାରା ହାର୍ଟ ରୋଗ ଏବଂ ପେଟ କ୍ୟାନ୍ସର ହେବାର ଆଶଙ୍କା ମଧ୍ୟ କମିପାରେ । ରିପୋର୍ଟରେ ଦର୍ଶାଯାଇଛି ଯେ ଯେତେବେଳେ ଆମେ କଫିନ୍ ଧାରଣ କରିଥିବା ଜିନିଷ ଖାଇଥାଉ, ଏଥିରେ ଥିବା ଟେନିନ୍ ଆମ ଶରୀରରେ ଆଇରନ୍‌ ଅବଶୋଷଣରେ ବାଧା ସୃଷ୍ଟି କରିଥାଏ । ଏହା ଦ୍ୱାରା ଶରୀରରେ ଆଇରନ୍‌ ଅଭାବର କାରଣ ହୋଇପାରେ । ଏହି ସମସ୍ୟା ଏନିମିୟା ଆଶଙ୍କା ସୃଷ୍ଟି କରେ ।

ସେଥିପାଇଁ ଯଦି ଆପଣ ମଧ୍ୟ କ୍ଷୀର ଚା ପସନ୍ଦ କରନ୍ତି, ତାହେଲେ ଆପଣ ଏହି ଚା ପିଇବା ବନ୍ଦ କରନ୍ତୁ । ନଚେତ ଆପଣ ଅନେକ ସମସ୍ୟାର ସମ୍ମୁଖୀନ ହୋଇପାରନ୍ତି । ଏହା କେବଳ ଆପଣଙ୍କୁ ସୁସ୍ଥ ରଖିବ ନାହିଁ ବରଂ ଅନେକ ଗମ୍ଭୀର ରୋଗର ବିପଦକୁ ମଧ୍ୟ ଏଡ଼େଇ ଦେଇପାରେ ।