ହସ ଖୁସିଆ ମଣିଷଟିଏ ଥିଲେ ପ୍ରଭାସ ସାର୍…ସମସ୍ତଙ୍କ ଆଖିରେ ଲୁହ ଦେଇ ଚାଲିଗଲେ
ଚନ୍ଦାହାଣ୍ଡି ବସ୍ ଦୁର୍ଘଟଣା ରେ ପ୍ରାଣ ହରାଇଥିବା ଉମରକୋଟ ସ୍ୱାମୀ ବିବେକାନନ୍ଦ ବିଦ୍ୟାଳୟର ଖେଳ ଶିକ୍ଷକ ପ୍ରଭାସ କୁମାର ଜେନାଙ୍କ ଏକ ଭିଜୁଆଲ୍ ଭାଇରାଲ୍ ହେଉଛି । ଯିଏ ୪୦ପିଲାଙ୍କୁ ନେଇ ବସରେ ଯାଉଥିବା ବେଳେ ବାଟରେ ଜଗି ରହିଥିଲା ମୃତ୍ୟୁ । ଅନେକ ପିଲା ଆହତ ହୋଇଥିଲା ବେଳେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
ଉମରକୋଟ(କେନ୍ୟୁଜ୍): ଖୁବ୍ ଖୁସି ମିଜାଜିଆ ମଣିଷଟିଏ ଥିଲେ । ନିଜ ବ୍ୟବହାରରେ ସମସ୍ତଙ୍କର ମନ ଜିତିଥିଲେ। ଶିକ୍ଷକ ଶିକ୍ଷୟତ୍ରୀଠାରୁ ଛାତାଛାତ୍ରୀ ସଭିଏଁ ତାଙ୍କୁ ପସନ୍ଦ କରୁଥିଲେ । ସବୁ କାର୍ଯ୍ୟକ୍ରମରେ ତାଙ୍କ ଯୋଗଦାନ ସମସ୍ତଙ୍କର ଆକର୍ଷଣ କେନ୍ଦ୍ରବିନ୍ଦୁ ଥିଲା । ହେଲେ କିଏ ଜାଣିଥିଲା ହସ ଖୁସିଆ ମଣିଷଟି ଏମିତି ସମସ୍ତଙ୍କ ଆଖିରେ ଲୁହ ଦେଇ ଚାଲିଯିବ ବୋଲି ।
ପିଛେ ମୁଡ ଏକ ଦୋ ଏକ ଏକ ଦୋ ଏକ …..କଦମତାଲ ସହ ସବୁବେଳେ ପିଲାମାନଙ୍କୁ କହୁଥିଲେ ଅଭି ଅଭି ତୋ ଆଏ ହୋ ଅଭି ଅଭି ଯାନା କା°ହା…..ପୁରା ବାୟାମ ସହ ମନୋରଞ୍ଜନ ଆଉ ନାଚ ଗୀତ କରୁଥିଲେ ଆଉ ସବୁ ଶିକ୍ଷକଶିକ୍ଷତ୍ରୀଙ୍କୁ ବି ନଚେଇଦେଉଥିଲେ । କିନ୍ତୁ କେହି ଜାଣିନଥିଲେ ଯେ ଏସବୁ କିଛି ଦିନର ଥିଲା । ଯାହା ଆଜି ଅତୀତର କେବଳ ଏକ ସ୍ମୃତି ହୋଇ ରହିଗଲା ।
କର୍ମମୟ ଜୀବନର ମନୋରଞ୍ଜନ ଭିତରେ ଯେ ଶେଷ ଚିତ୍ର ହୋଇ ରହିଯିବେ ତାହା କେହି କଳ୍ପନାରେ ସୁଦ୍ଧା ଭାବିନଥିଲେ । ଇଏ ହେଲେ ନିକଟରେ ଚନ୍ଦାହାଣ୍ଡି ବସ୍ ଦୁର୍ଘଟଣା ରେ ପ୍ରାଣ ହରାଇଥିବା ଉମରକୋଟ ସ୍ୱାମୀ ବିବେକାନନ୍ଦ ବିଦ୍ୟାଳୟର ଖେଳ ଶିକ୍ଷକ ପ୍ରଭାସ କୁମାର ଜେନା । ୪୦ପିଲାଙ୍କୁ ନେଇ ବସରେ ଯାଉଥିବା ବେଳେ ବାଟରେ ଜଗି ରହିଥିଲା ମୃତ୍ୟୁ । ଅନେକ ପିଲା ଆହତ ହୋଇଥିଲା ବେଳେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ମୃତକ ଶିକ୍ଷଙ୍କ ଘର ବାଲେଶ୍ବର ଜିଲ୍ଲା ଭୋଗରାଇ ବ୍ଲକ ଅଧୀନ ବାରବାଟିଆ ଗାଁରେ। ଅବସର ପ୍ରାପ୍ତ ରାଜସ୍ୱ ନିରୀକ୍ଷକ ସୁଧାଂଶୁ ଶେଖର ଜେନା ଙ୍କ ତିନି ପୁଅ ଙ୍କ ମଧ୍ୟ ରୁ ସାନ ପୁଅ ଥିଲେ ପ୍ରଭାସ । ଅଗଷ୍ଟ ୨୦୨୧ ମସିହା ରେ ରେ ସେ ଉମରକୋଟ ସ୍ୱାମୀ ବିବେକାନନ୍ଦ ବିଦ୍ୟାମନ୍ଦିର ରେ ଖେଳ ଶିକ୍ଷକ ଭାବରେ ଯୋଗ ଦେଇଥିଲେ ।
ତେବେ ପ୍ରଭାସ ଜେନାଙ୍କ ମୃତ୍ୟୁ ପରେ ଝରିଗାଁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଶବ ବ୍ୟବଚ୍ଛେଦ କରାଯାଇଥିଲା । ପରେ ମୃତଦେହକୁ ସ୍ୱାମୀ ବିବେକାନନ୍ଦ ବିଦ୍ୟା ମନ୍ଦିର ରେ ଆଣିବା ପରେ ସ୍କୁଲ ର ଶିକ୍ଷକ ଶିକ୍ଷୟିତ୍ରୀ ଓ କିଛି ଛାତ୍ରଛାତ୍ରୀ ଶିକ୍ଷକଙ୍କ ଶେଷ ଦର୍ଶନ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ । ପରେ ତାଙ୍କ ବାରବାଟିଆ ଗାଁକୁ ଜିଲା ପ୍ରଶାସନ ପକ୍ଷରୁ ମହା ପ୍ରୟାୟଣ ଗାଡି ରେ ମୃତଦେହ ପଠାଯାଇଥିଲା ।
ଚାରି ଜଣ ଶିକ୍ଷକ ଙ୍କ ସହ ଏକ ଏସକଟ ଗାଡି ମଧ୍ୟ ପଠା ଯାଇଛି । ଅନ୍ତିମ ସଂସ୍କାର ପାଇଁ ବିଦ୍ୟାଳୟ ପକ୍ଷରୁ ୧୦ ହଜାର ଟଙ୍କା ପ୍ରଦାନ କରାଯାଇଛି । ତେବେ ଶିକ୍ଷକ ଙ୍କ ବିୟୋଗ ରେ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କ ସହ ସମସ୍ତ ସହପାଠୀ ମଧ୍ୟ ମର୍ମାହତ ହେବା ସହ ଦୁଃଖ ରେ ଭାଙ୍ଗି ପଡିଛନ୍ତି । ନିଜର ପ୍ରିୟ ଖେଳ ଶିକ୍ଷକ କୁ ଝୁରୁଛନ୍ତି ଛାତ୍ର ଛାତ୍ରୀ ଏବଂ ଶିକ୍ଷକ ଶିକ୍ଷୟତ୍ରୀ ଓ ସମସ୍ତ କର୍ମଚାରୀ ।
ସତରେ ଜୀବନ ଟା ପାଣିଫୋଟକା ଆଉ ମୃତ୍ୟୁ ହିଁ ବାସ୍ତବ ସତ । କିଏ ଜାଣିଛି ଆର କ୍ଷଣିକେ କଣ ହବ କିଏ ଥିବ କିଏ ନଥିବ । ତେଣୁ ଯେତିକି ସମୟ ବଞ୍ଚିଥିବା ଭଲ ସମ୍ପର୍କ ଆଉ ଭଲ ବ୍ୟବହାର ସହ ବଞ୍ଚିବା । ଯାହା ସମସ୍ତଙ୍କୁ ଶିଖେଇ ଦେଇଗଲେ ପ୍ରଭାସ ସାର୍ ।