ଭାରତୀୟ କ୍ରିକେଟ ଟିମର କ୍ୟାପଟେନ ତଥା ସବୁ ଝିଅଙ୍କ ହୃଦୟରେ ରାଜ କରୁଥିବା ବିରାଟ କୋହଲି ଆଧୁନିକ ଯୁଗର ସବୁଠାରୁ ଲୋକପ୍ରିୟ ଖେଳାଳି ଭାବେ କ୍ଷାତି ଅର୍ଜନ କରିଛନ୍ତି । କେବଳ ଭାରତ ନୁହେଁ , ଭାରତ ସମେତ ବାହାର ଦେଶରେ ମଧ୍ୟ କୋହଲିଙ୍କର ଯାଦୁ ବିଛେଇ ହୋଇ ଅଛି । ଦେଶ ପ୍ରତି ନିଜର ଭଲ ପାଇବା ଓ ଖେଳରେ ନିଜର ଚମତ୍କାର ପ୍ରଦର୍ଶନ ଦ୍ୱାରା ଦେଶ ବାସୀଙ୍କ ମନ ଜିଣି ନେଇଥିବା ଦିଲ୍ଲୀର ଏହି କ୍ରିକେଟର ବିରାଟ କୋହଲିଙ୍କ ନାମରେ ଅନ୍ୟ ଏକ ଉପଲବ୍ଧି ଯୋଡି ହୋଇ ଯାଇଛି । ଫଟୋ ସେୟାରିଙ୍ଗ ଆପ ଇନଷ୍ଟାଗ୍ରାମରେ ତାଙ୍କ ସହିତ ୭୫.୫ ମିଲିଅନ ଫଲୋଅର୍ସ ଯୋଡି ହୋଇ ଯାଇଛନ୍ତି ।
ଏହା ସହିତ କୋହଲିଙ୍କୁ ଫେସବୁକରେ ପାଖାପାଖି ୩୬.୯ ମିଲିଅନ ଓ ଟ୍ଵିଟରରେ ୩୭.୭ ମିଲିଅନ ଲୋକ ଫଲୋ କରୁଛନ୍ତି । ଅର୍ଥାତ ତିନୋଟି ସୋସିଆଲ ନେଟଓ୍ଵର୍କିଙ୍ଗ ସାଇଟକୁ ମିଶାଇଲେ କହୋଲିଙ୍କର ଫ୍ୟାନ ବା ଫଲୋଅର୍ସଙ୍କ ସଂଖ୍ୟା ପାଖାପାଖି ୧୫୦ ମିଲିଅନ ରହିଛି ।
ଇନ୍ସଟାଗ୍ରାମରେ ୭୫.୫ ମିଲିଅନ ଅବିଶ୍ୱସନୀୟ ଫଲୋଅର୍ସଙ୍କ ସହିତ ବିରାଟ ଇନ୍ସଟାଗ୍ରାମରେ ୭୫ ମିଲିଅନରୁ ଅଧିକ ଫଲୋଅର୍ସ ହାସଲ କରିଥିବା ପ୍ରଥମ ଏସିଆନ ସେଲିବ୍ରିଟି ଭାବରେ ନିଜ ନାମ ଦାଖଲ କରିଛନ୍ତି । କୋହଲି ଏସିଆର ଏକମାତ୍ର ବ୍ୟାଟ୍ସମ୍ୟାନ ସେଲିବ୍ରିଟି ଯିଏକି ସୋସିଆଲ ମିଡିଆରେ ସବୁଠାରୁ ଅଧିକ ଫଲୋ କରାଯାଉଥିବା ଟପ୍ ୪୦ ସେଲିବ୍ରିଟିଙ୍କ ମଧ୍ୟରୁ ଜଣେ । ନିକଟରେ ସେ ସଙ୍ଗୀତକାର କାର୍ଡିଙ୍କୁ ପଛରେ ପକାଇ ୨୯ ତମ ସ୍ଥାନ ଅଧିକାର କରିଛନ୍ତି ।
ଭାରତୀୟ ଲୋକପ୍ରିୟ କ୍ୟାପଟେନ ବିରାଟ କହୋଲି ପୃଥିବୀର ସବୁଠାରୁ ଅଧିକ ଫଲୋ କରଯାଇଥିବା ଏଥଲେଟଙ୍କ ମଧ୍ୟରୁ ଚତୁର୍ଥ ସ୍ଥାନ ହାସଲ କରିଛନ୍ତି । ସେହିଭଳି ପ୍ରଥମ ଦ୍ୱିତୀୟ ଓ ତୃତୀୟ ସ୍ଥାନରେ ଯଥାକ୍ରମେ ରୋନାଲ୍ଡୋ, ମେସି ଓ ନେମାର ଜୁନିଅର ରହଛନ୍ତି । ସୋସିଆଲ ମିଡିଆରେ ପର୍ତୁଗାଲର ଫୁଟବଲର କ୍ରିଷ୍ଟିଓନା ରନାଲ୍ଡୋଙ୍କର ସର୍ବାଧିକ ୨୩୮ ମିଲିଅନ ଫଲୋଅର୍ସ ରହିଛନ୍ତି । ସଙ୍ଗୀତକାର ଏବଂ ଅଭିନେତା ଏରିୟାନ ଗ୍ରାଣ୍ଡେ ୧୯୯ ମିଲିଅନ ଫଲୋଅର୍ସ ସହିତ ଦ୍ୱିତୀୟ ଓ ତାଙ୍କ ପରେ ହଲିଉଡ ଷ୍ଟାର ଡ୍ରବେନ ‘ଦି ରୋକ ’ ଜୋନସନ ୧୯୪ ମିଲିଅନ ଫଲୋଅର ସହ ତୃତୀୟ ସ୍ଥାନରେ ରହିଛନ୍ତି ।