ଉମରକୋଟ(କେନ୍ୟୁଜ୍): କୋଟଲଡିହି ଗାଁରେ ଘଟିଛି ଅଘଟଣ। ଗାଧୋଇବାକୁ ଯାଇ ତେଲ ନଦୀରେ ଭାସିଗଲେ ୩ ଶିଶୁ। ମୃତ ୩ ଶିଶୁ ମଧ୍ୟରେ ୨ଜଣ ଝିଅ ଓ ଜଣେ ପୁଅ ଥିବାର ସୂଚନା ମଳିଛି।
ମିଳିଥିବା ସୂଚନା ମୁତାବକ ନବରଙ୍ଗପୁର ଜିଲ୍ଲା ତୋହରା କୋଟଲଡିହି ଗାଁ ନିକଟ ଦେଇ ଯାଇଥିବା ତେଲ ନଦୀକୁ ଆଜି ସକାଳେ ୩ ଶିଶୁ ଗାଧୋଇବାକୁ ଯାଇଥିଲେ। ନଦୀରେ ଗାଧୋଇବା ବେଳେ ପ୍ରଖର ସ୍ରୋତରେ ୩ ଶିଶୁ ଭାସି ଯାଇଥିଲେ। ଏହା ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ କର୍ମଚାରୀ ନଦୀରୁ ୩ ଶିଶୁଙ୍କ ମୃତ ଦେହ ଉଦ୍ଧାର କରିଥିଲେ। ଏହି ମୃତ ୩ ଶିଶୁଙ୍କ ବୟସ ୪ ରୁ ୬ ବର୍ଷ ଭିତରେ ହେବ ବୋଲି ଜଣାପଡିଛି।