ରାଜଧାନୀରେ ଉପର ମୁହାଁ କରୋନା ଗ୍ରାଫ୍, ଭୁବନେଶ୍ୱରରୁ ଆଜି ମୋଟ୍ ୫୪୧ ଜଣ କରୋନା ପଜିଟିଭ୍ ଚିହ୍ନଟ
କେନ୍ୟୁଜ୍(ବ୍ୟୁରୋ): ରାଜଧାନୀରେ ଉପର ମୁହାଁ ହେଉଛି କରୋନା ଆକ୍ରାନ୍ତଙ୍କ ସଂଖ୍ୟା। ଭୁବନେଶ୍ୱରରୁ ଆଜି ମୋଟ୍ ୫୪୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏଥିମଧ୍ୟରୁ କ୍ବାରେଣ୍ଟାଇନରୁ ୨୨୦ ଜଣ ଓ ଲୋକାଲ କେସରୁ ୩୨୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଆଜି ରାଜଧାନୀର ୩୦୦ ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବାର ଟ୍ବିଟ ଯୋଗେ ସୂଚନା ଦେଇଛି ବିଏମସି।
Update on newly detected & cured #COVID19 cases in the last 24 hrs under the BMC area on 2nd Sep 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/Rm5xJsC5Lm— BMC (@bmcbbsr) September 2, 2020
ବିଏମ୍ସି ସୂଚନା ଅନୁସାରେ ୧୬ ଜଣ ପୋଲିସ କର୍ମଚାରୀ କରୋନା ଆକ୍ରାନ୍ତ ହୋଇଛନ୍ତି। ସେହିପରି ଉତ୍କଳ ବିଶ୍ୱବିଦ୍ୟାଳୟ ପରିସର, ୟୁନିଟ-୬ରୁ ୯ ଜଣ ଲେଖାଏଁ, ନିଳାଦ୍ରୀ ବିହାର ପଣ୍ଡା ପାର୍କରୁ ୭ ଜଣ, ଝାରପଡ଼ା ମହାବୀର ନଗରରୁ ୬ ଜଣ, ମାଷ୍ଟର କ୍ୟାଣ୍ଟିନରୁ ୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ଲୋକାଲା କଣ୍ଟାକ୍ଟ ମଧ୍ୟରେ ପଟିଆ ଓ ଭୀମପୁର କେଳାବସ୍ତିରୁ ୧୧ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ୧୧ ଜଣ ବ୍ୟାଙ୍କ କର୍ମଚାରୀ ମଧ୍ୟ କରୋନାରେ ସଂକ୍ରମିତ ହୋଇଛନ୍ତି । ନୟାପଲ୍ଲୀ ନୂଆସାହିରୁ ୭ ଜଣ ଚିନ୍ତାମଣିଶ୍ୱରରୁ ୭ ଜଣ, ଖଣ୍ଡଗିରିରୁ ୬ ଜଣ, ମଞ୍ଚେଶ୍ବରରୁ ୬ ଜଣ, ସୁନ୍ଦରପଦାରୁ ୬ ଜଣ, ଭିଏସ୍ଏସ୍ ନଗର, ନିଳାଦ୍ରୀ ବିହାର, ନହରକଣ୍ଟାରୁ ୫ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
