ଭୋଟ ଦେଲେ ସିନେମା ଟିକେଟ ଓ ଖାଦ୍ୟରେ ମିଳିବ ଡିସକାଉଣ୍ଟ
ଲୋକସଭା ନିର୍ବାଚନ ପାଇଁ ମେ ୨୫ ତାରିଖରେ ହେବାକୁ ଥିବା ଷଷ୍ଠ ପର୍ଯ୍ୟାୟ ନିର୍ବାଚନରେ ମତଦାନ ହାର ବୃଦ୍ଧି କରିବା ପାଇଁ ଗୁରୁଗ୍ରାମର ବିଭିନ୍ନ ମଲ୍ଟିପ୍ଲେକ୍ସରେ ଥିବା ସିନେମା ହଲ୍ ଓ ରେସ୍ତୋରାଁରେ ମିଳିବ ଡିସକାଉଣ୍ଟ ।
ଚାଲିଛି ଭାରତୀୟ ଗଣତନ୍ତ୍ରର ମହାପର୍ବ- ନିର୍ବାଚନ । ଏହି ମହାପର୍ବରେ ମତଦାନ ହାର ବୃଦ୍ଧି ପାଇଁ ହରିଆଣାର ଗୁରୁଗ୍ରାମ ଜିଲ୍ଲା ପ୍ରଶାସନ ନେଇଛି ନିଆରା ପଦକ୍ଷେପ । ଲୋକସଭା ନିର୍ବାଚନ ପାଇଁ ମେ ୨୫ ତାରିଖରେ ହେବାକୁ ଥିବା ଷଷ୍ଠ ପର୍ଯ୍ୟାୟ ନିର୍ବାଚନରେ ମତଦାନ ହାର ବୃଦ୍ଧି କରିବା ପାଇଁ ଗୁରୁଗ୍ରାମର ବିଭିନ୍ନ ମଲ୍ଟିପ୍ଲେକ୍ସରେ ଥିବା ସିନେମା ହଲ୍ ଓ ରେସ୍ତୋରାଁରେ ମିଳିବ ଡିସକାଉଣ୍ଟ ।
ଭୋଟରମାନେ ମତଦାନ କରିଥିବା ପ୍ରମାଣ ଦେଖାଇ ମଲ୍ଟିପ୍ଲେକ୍ସରେ ଥିବା ସିନେମା ହଲ କାଉଣ୍ଟରରେ ମିଳୁଥିବା ଅଫଲାଇନ ଟିକେଟରେ ଏହି ସୁବିଧା ପାଇପାରିବେ । ସେହିପରି ସିନେମା ହଲ ପରିସରରେ ଥିବା ଖାଦ୍ୟ ଓ ପାନୀୟ କାଉଣ୍ଟରରେ ମଧ୍ୟ ଡିସକାଉଣ୍ଟ ପାଇପାରିବେ।
ମେ ୨୫ ତାରିଖରେ ମତଦାତାଙ୍କୁ ଏହି ସୁବିଧା ପ୍ରଦାନ ପାଇଁ ଗୁରୁଗ୍ରାମ ଏଡିସି ହିତେଶ କୁମାର ମୀଣା ବିଭିନ୍ନ ମଲ୍ଟିପ୍ଲେକ୍ସର ପ୍ରତିନିଧିମାନଙ୍କ ସହ ଆଲୋଚନା କରିଛନ୍ତି । ମେ ୨୫ ତାରିଖରେ ହରିଆଣାର ସମସ୍ତ ୧୦ଟି ଲୋକସଭା ଆସନ ପାଇଁ ମତଦାନ ହେବ ।
