ନୂଆପଡ଼ା ଜିଲ୍ଲାପାଳଙ୍କ ବାସଭବନରେ ଭାଲୁ, ବନବିଭାଗ ପକ୍ଷରୁ ଘଉଡାଇବାକୁ ଉଦ୍ୟମ ଜାରି
ନୂଆପଡ଼ା(କେନ୍ଯୁଜ୍): ନୂଆପଡ଼ା ଜିଲ୍ଲାପାଳଙ୍କ ବାସଭବନରେ ଭାଲୁ । ଜିଲ୍ଲାପାଳ ସ୍ୱଧାଦେବ ସିଂଙ୍କ ସରକାରୀ ବାସଭବନ ପରିସରରେ ଏକ ଭାଲୁ ଦେଖାଦେଇଛି। ଭାଲୁ ନିକଟସ୍ଥ ଜଙ୍ଗଲରୁ ଜିଲ୍ଲାପାଳଙ୍କ ବାସଭବନକୁ ଆମ୍ବ ଖାଇବାକୁ ପଶିଆସିଛି ।
ଜିଲ୍ଲାପାଳଙ୍କ ବାସଭବନ ପରିସରରେ ଥିବା ଏକ ଗଛବୁଦା ମୂଳେ ଭାଲୁଟି ଲୁଚି ରହିଛି । ଭାଲୁକୁ ଦେଖିବା ପରେ ଜିଲ୍ଲାପାଳଙ୍କ ବାସଭବନ କର୍ମଚାରୀ ମାନେ ଆତଙ୍କିତ ହୋଇପଡିଥିଲେ । ନୂଆପଡ଼ା ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଭାଲୁର ଗତିବିଧି ଉପରେ ନଜର ରଖିବା ସହ ଘଉଡାଇବା ପାଇଁ ଉଦ୍ୟମ ଜାରି ରହିଛି।
