ମାଲକାନଗିରି: ‘ସ୍ବାଭିମାନ ଅଞ୍ଚଳର ବିକାଶରେ ଯିଏ ବାଧାଦେବ ତାକୁ ଛାଡିବୁ ନାହିଁ’, ପୋଲିସ ସହ ମିଶି ମାଓଦମନ କରିବାକୁ ଅଣ୍ଟାଭିଡିଛନ୍ତି ଅଞ୍ଚଳବାସୀ
ମାଲକାନଗିରି ଜିଲ୍ଲା ସ୍ବାଭିମାନ ଅଞ୍ଚଳରେ ଶୁଭୁଛି ମାଓ ବିରୋଧୀ ସ୍ବର । ବିକାଶ କାର୍ଯ୍ୟରେ ଯିଏ ବାଧା ଦେବ ତାକୁ ଛଡାଯିବା ନାହିଁ ବୋଲି ଉଭୟ ପ୍ରଶାସନ ଓ ସ୍ବାଭିମାନ ଅଞ୍ଚଳବାସୀ କହିଛନ୍ତି। ୨୫ ତାରିଖରେ ମାଓବାଦୀ ଓ ଜନ୍ତୁରାୟ ଲୋକଙ୍କ ମଧ୍ୟରେ ଖଣ୍ଡଯୁଦ୍ଧ ହୋଇଥିଲା ଯେଉଁଥିରେ ଜଣେ ମାଓ କ୍ୟାଡେର ମୃତ୍ୟୁ ଓ ଆଉଜଣେ ମାଓବାଦୀର ଗୁରୁତର ଆହତ ହୋଇଥିଲେ। ଏହା ପରେ ପ୍ରତିଶୋଧ ପରାୟଣ ହୋଇ ମାଓବାଦୀମାନେ ଜୋଡାମ୍ବୁ ଗାଁରେ ଦଶରୁ ଅଧିକ ଘର ଓ ମଟୋର ସାଇକେଲ ଜାଳିଦେଇଥିଲେ । କିନ୍ତୁ ଏହା ପରେ ମଧ୍ୟ ମାଓମାଦୀମାନଙ୍କ ବିରୋଧରେ ଲଢେଇ କରିବାକୁ ଓ ବିକାଶ କାମକୁ ଆଗେଇ ନେବାକୁ ଅଣ୍ଟାଭିଡିଛନ୍ତି ଗ୍ରମବାସୀ। ମାଓବାଦୀର ନାଲି ଆଖିକୁ ନଡିରି ପୋଲିସ ସହ ମିଶି ବିକାଶ ଲଢିବେ ବୋଲି ସ୍ବାଭିମାନ ଅଞ୍ଚଳବାସୀ କହିଛନ୍ତି। ସେପଟେ ପୋଲିସ ଓ ପ୍ରଶାସନ ତରଫରୁ ସବୁ ପ୍ରକାର ସୁରକ୍ଷା ଯୋଗାଇଦିଆଯିବ ବୋଲି କୁହାଯାଇଛି ।
ସେପଟେ ପ୍ରଶାସନ କହିଛି ସ୍ବାଭିମାନ ଅଞ୍ଚଳର ଯେଉଁ ଲୋକଙ୍କ ଘର କିମ୍ବା ସମ୍ପତ୍ତି କ୍ଷୟକ୍ଷତି ହୋଇଛି ସେମାନଙ୍କୁ ସରକାରଙ୍କ ତରଫରୁ ସମସ୍ତ ସୁବିଧା ଯୋଗାଇଦିଆଯିବ ଓ ବିଜୁ ପକ୍କା ଘର ଯୋଜନାରେ ଘର କରାଇଦିଆଯିବ। ଏହା ସହିତ ସ୍ବାଭିମାନ ଅଞ୍ଚଳରେ ବିକାଶକାମକୁ ତ୍ବାରନିତ୍ବ କରାଯିବ।
