କେନ୍ୟୁଜ୍(ବ୍ୟୁରୋ): କୋଭିଡ ହସ୍ପିଟାଲର ମିଆଦିକୁ ଆଉ ତିନି ମାସ ବୃଦ୍ଧି କଲେ ରାଜ୍ୟସରକାର। ଅକ୍ଟୋବର ୧ରେ ସରିବାକୁ ଥିବା ମିଆଦିକୁ ଆଉ ତିନି ମାସ ଅର୍ଥାତ ଡିସେମ୍ବର ୩୧ ପର୍ଯ୍ୟନ୍ତ ବଢାଯାଇଛି। ଏ ବାବଦରେ ରାଜ୍ୟ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ଜିଲ୍ଲାପାଳମାନଙ୍କୁ ପତ୍ର ଲେଖି ସୂଚୀତ କରିଛନ୍ତି।
ରାଜ୍ୟ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ସୂଚନା ଅନୁସାରେ ସରକାରଙ୍କ ବୈଷୟିକ କମିଟିର ସୁପାରିଶକ୍ରମେ ଯେଉଁ କୋଭିଡ-୧୯ ହସପିଟାଲଗୁଡ଼ିକ ରାଜ୍ୟ ସରକାର ଓ ପାଣ୍ଠି ଯୋଗାଣକାରୀମାନଙ୍କ ସହ ଚୁକ୍ତି କରିଛନ୍ତି,ସେଗୁଡିକର କାର୍ଯ୍ୟ ମିଆଦକୁ ଆଉ ତିନିମାସ ଅର୍ଥାତ ଅକ୍ଟୋବର ୧ରୁ ଡିସେମ୍ବର ୩୧ ପର୍ଯ୍ୟନ୍ତ ବୃଦ୍ଧି କରାଯାଇଛି ।ଏହା ସହ ମଞ୍ଜୁରପ୍ରାପ୍ତ କୋଭିଡ ହସ୍ପିଟାଲରେ ସାଧାରଣ ଶଯ୍ୟା ସଂଖ୍ୟା ୫୦ ପ୍ରତିଶତ ହ୍ରାସ କରାଯାଇଛି । କିନ୍ତୁ ଏହି ସବୁ ହସ୍ପିଟାଲ ଗୁଡିକରେ ଆଇସିୟୁ, ମାଟର୍ନିଟି ଓଟି, ଲେବର ରୁମ,ଡାୟାଲିସିସ ଆଦି କ୍ଷମତା ଅପରିବର୍ତ୍ତିତ ରହିବ ।