କଲରା ପତରିଆ ବାଘର ମୃତଦେହ ଉଦ୍ଧାର
ସମ୍ବଲପୁର ଜିଲ୍ଲାର ରେଢ଼ାଖୋଲ ବନଖଣ୍ଡରେ କଲରାପତରିଆ ବାଘର ମୃତଦେହ ଉଦ୍ଧାର ହୋଇଛି ।
ରେଢ଼ାଖୋଲ : ସଂରକ୍ଷିତ ଜଙ୍ଗଲରୁ କଲରା ପତରିଆ ବାଘର ମୃତଦେହ ଉଦ୍ଧାର । ସମ୍ବଲପୁର ଜିଲ୍ଲାର ରେଢ଼ାଖୋଲ ବନଖଣ୍ଡରେ କଲରାପତରିଆ ବାଘର ମୃତଦେହ ଉଦ୍ଧାର ହୋଇଛି । ନାକଟିଦେଉଳ ରେଞ୍ଜରେ ଲାଣ୍ଡିମାଲ ସଂରକ୍ଷିତ ଜଙ୍ଗଲରୁ ବାଘର ମୃତଦେହ ଉଦ୍ଧାର କରିଛି ବନବିଭାଗ । ମୃତ କଲରାପତରିଆର ବୟସ ୧୦ ବର୍ଷ ବୋଲି ଅନୁମାନ କରାଯାଉଛି ।
ଘଟଣାସ୍ଥଳରେ ରେଢାଖୋଲ ବନଖଣ୍ଡ ଅଧିକାରୀ ଏବଂ ସମ୍ବଲପୁର ଆରସିସିଏଫଙ୍କ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଶିକାର ଉଦ୍ଦେଶ୍ୟରେ ବାଘକୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ତା ଦେହରୁ ୩ଟି ଗୁଳି ବାହାରିଥିବା ବେଳେ ୨୪ ଘଣ୍ଟା ପୂର୍ବ ରୁ ମୃତ୍ୟୁ ହୋଇଥିବା ଅନୁମାନ କରାଯାଉଛି ।
