ଗଣଶିକ୍ଷା ବିଭାଗ ସ୍କାନରରେ ଶତାଧିକ ନକଲି ଶିକ୍ଷକ, ଯୋଗ୍ୟତା ପ୍ରମାଣପତ୍ର କଡାକଡି ଯାଞ୍ଚ କରିବାକୁ ଶିକ୍ଷାଧିକାରୀଙ୍କୁ ନିର୍ଦ୍ଦେଶ
ରାଜ୍ୟରେ ନକଲି ଶିକ୍ଷକ ପ୍ରସଙ୍ଗ ଥମିବାର ନାଁ ନେଉନି । ଗଣଶିକ୍ଷା ବିଭାଗର ସ୍କାନରରେ ଆଉ ଶତାଧିକ ଶିକ୍ଷକ ଥିବା ବେଳେ ସଂପୃକ୍ତ ଶିକ୍ଷକଙ୍କ ଯୋଗ୍ୟତା ପ୍ରମାଣପତ୍ର କଡାକଡି ଯାଞ୍ଚ କରିବାକୁ ୩୦ଟି ଜିଲ୍ଲାର ଶିକ୍ଷାଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ରାଜ୍ୟ ତଥା ରାଜ୍ୟ ବାହାରୁ ଡିଗୀ ହାସଲ କରିଥିବା ସମସ୍ତ ଶିକ୍ଷକଙ୍କ ଯୋଗ୍ୟତା ପ୍ରମାଣପତ୍ର ଠିକ୍ କି ନୁହେଁ ତାହାକୁ ଭଲ ଭାବେ ଯାଞ୍ଚ କରିବାକୁ ବିଭାଗ କହିଛି ।
ଭୁବନେଶ୍ୱର (କେନ୍ୟୁଜ): ଗଣଶିକ୍ଷା ବିଭାଗ ସ୍କାନରରେ ଶତାଧିକ ନକଲି ଶିକ୍ଷକ । ରାଜ୍ୟରେ ନକଲି ଶିକ୍ଷକ ପ୍ରସଙ୍ଗ ଥମିବାର ନାଁ ନେଉନି । ଗଣଶିକ୍ଷା ବିଭାଗର ସ୍କାନରରେ ଆଉ ଶତାଧିକ ଶିକ୍ଷକ ଥିବା ବେଳେ ସଂପୃକ୍ତ ଶିକ୍ଷକଙ୍କ ଯୋଗ୍ୟତା ପ୍ରମାଣପତ୍ର କଡାକଡି ଯାଞ୍ଚ କରିବାକୁ ୩୦ଟି ଜିଲ୍ଲାର ଶିକ୍ଷାଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ରାଜ୍ୟ ତଥା ରାଜ୍ୟ ବାହାରୁ ଡିଗୀ ହାସଲ କରିଥିବା ସମସ୍ତ ଶିକ୍ଷକଙ୍କ ଯୋଗ୍ୟତା ପ୍ରମାଣପତ୍ର ଠିକ୍ କି ନୁହେଁ ତାହାକୁ ଭଲ ଭାବେ ଯାଞ୍ଚ କରିବାକୁ ବିଭାଗ କହିଛି ।
ରାଜ୍ୟରେ ଏବେ ମାଳ ମାଳ ନକଲି ଶିକ୍ଷକ ଧରାପଡୁଛନ୍ତି । କିଏ ନକଲି ଜାତିଗତ ପ୍ରମାଣପତ୍ର ଦେଇ ଚାକିରୀ ହାତେଇଛି ତ ଆଉ କିଏ ବିଏଡ, ଓଟିଇଟି, ମାଟ୍ରିକ୍ ଓ ଯୁକ୍ତ ୨ ସାର୍ଟିଫିକେଟର ଜାଲିଆତି କରି ଦୀର୍ଘବର୍ଷ ହେବ ସରକାରୀ ଚାକିରୀ କରିଛନ୍ତି । ଅନେକ ନକଲି ଶିକ୍ଷକ ମଧ୍ୟ ଚାକିରୀରୁ ଅବସର ନେଇ ସାରିଲେଣି ।
ବିଭାଗ ପକ୍ଷରୁ ୧୨୦ରୁ ଅଧିକ ଜଣ ଶିକ୍ଷକଙ୍କ ତାଲିକା ପ୍ରକାଶ କରାଯିବା ସହ ସେମାନଙ୍କ ମାର୍କସିଟ୍, ସାର୍ଟିଫିକେଟ ଓ ଅନ୍ୟାନ୍ୟ କାଗଜପତ୍ର ତନ୍ନ ତନ୍ନ କରି ଯାଞ୍ଚ କରିବା ଲାଗି ଜିଲ୍ଲା ଓ ବ୍ଲକ ଶିକ୍ଷା ଅଧିକାରୀଂକୁ ନିର୍ଦ୍ଦେଶ ଦିଆଯାଇଛି । ଏପରିକି ସେମାନଂକ ନାଁରେ ଥାନାରେ ମାମଲା ଦାୟର କରିବାକୁ ମଧ୍ୟ ନିର୍ଦ୍ଦେଶ ରହିଛି । ଫଳରେ ନକଲି ଶିକ୍ଷକଙ୍କ ମନରେ ଛନକା ପଶିଛି ।
