ଯାଜପୁର: ଶିକ୍ଷୟିତ୍ରୀଙ୍କୁ ମିଳିଲା ଜାତୀୟ ସ୍ତରୀୟ ଟ୍ରେନର ରୂପେ ସ୍ୱିକୃତି, ଜିଲ୍ଲା ସ୍ତରୀୟ ଦିଆଗଲା ବିପୁଳ ସମ୍ବର୍ଦ୍ଧନା
ଯାଜପୁର ଟାଉନ(କେନ୍ୟୁଜ୍) : ଯାଜପୁର ହରିପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ତଥା ଇକୋକ୍ଲବ ଇନ୍ଚାର୍ଜ ଗାୟତ୍ରୀ ନାୟକଙ୍କୁ ଭାରତ ସରକାରଙ୍କ ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ନିର୍ଦ୍ଦେଶାଳୟର ତରଫରୁ ନୂଆ ଦିଲ୍ଲୀସ୍ଥିତ ଇନ୍ଦିରା ପର୍ଯ୍ୟବରଣ ଭବନର ବ୍ରହ୍ମପୁତ୍ର କନଫରେନ୍ସ ହଲରେ ଗତ ୧୮.୧୧.୨୦୧୯ ରିଖ ଓ ୧୯.୧୧.୨୦୧୯ ରିଖ ଦୁଇଦିନ ଦରି ଟ୍ରେନ ଦି ଟ୍ରେନର ୱାର୍କସପରେ ଜାତୀୟ ସ୍ତରୀୟ ଗ୍ଲୋବାଲ ଟ୍ରେନର ରୂପେ ସ୍ୱିକୃତି ପ୍ରଦାନ କରାଯାଇଥିଲା । ନାସା ପ୍ରାୟୋଜିତ ଏହି କାର୍ଯ୍ୟକ୍ରମକୁ ଏନ ଏସ ଏଫ , ଏନ ଓ ଆର ଏ, ଦ୍ୱୟ ସଂସ୍ଥା ସହାୟତା କରିଥିଲେ ।
ଗାୟତ୍ରୀ ରସୁଲପୁର ବ୍ଲକ ନରସିଂହପୁର ପଞ୍ଚାୟତ ସ୍ଥିତ ହରିପୁର ଗ୍ରାମର ଅକ୍ଷୟ କୁମାର ନାୟକଙ୍କ କନ୍ୟା ଅଟନ୍ତି । ସାରା ଜୀବନ ଅବିବାହିତ ରହି ପେଶାରେ ଶିକ୍ଷକ ହେଲେ ବି ସମାଜରେ ସେବାମୂଳକ କାର୍ଯ୍ୟରେ ସେ ନିଜକୁ ନିୟୋଜିତ କରିଛନ୍ତି । ପରିବେଶ ସୁରକ୍ଷାକୁ ତାଙ୍କର ଜୀବନର ମହାମନ୍ତ୍ରରୂପେ ବାଛିଛନ୍ତି । ପୂର୍ବରୁ ତାଙ୍କର ପ୍ରଚେଷ୍ଠାରେ ହରିପୁର ପ୍ରାଥମିକ ବିଦ୍ୟାଳୟ ସୁନ୍ଦର ପରିବେଶ ପାଇଁ ସରକାରଙ୍କ ତରଫରୁ ମଧ୍ୟ ପୁରସ୍କୃତ ହୋଇପାରିଛି ।
ଓଡିଶାରୁ ଏହି ଗ୍ଲୋବାଲ କାର୍ଯ୍ୟକ୍ରମରେ ଯୋଗଦାନ କରିବା ସହ ତାଙ୍କର ପରିବେଶ ସୁରକ୍ଷା କାର୍ଯ୍ୟଧାରା ପାଇଁ କାର୍ଯ୍ୟକ୍ରମରେ ଉପସ୍ଥିତ ଆର୍ କେ ଗର୍ଗ, ପ୍ରଫେସର ଦେଶମୁଖ , ପ୍ରଫେସର ବିଶାନ୍ତ ଅଧିକ କିଛି ତାଲିମ ପ୍ରଦାନ କରିବା ସହ ଭାରତର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ବିଭାଗୀୟ ମନ୍ତ୍ରୀଙ୍କ ତରଫରୁ ଯୁଗ୍ମ ସଂପାଦକ ଅରବିନ୍ଦ ନ୍ୟାତିଆଲ ଏବଂ ନିର୍ଦ୍ଦେଶକ ଡ. ଟୋନି , ଡ. ପି ମରଫେ, କୁମାରୀ ନାୟକଙ୍କୁ ପ୍ରମାଣ ପତ୍ର ସହ ଅନୁଷ୍ଠାନରେ ଯୋଗଦାନ କରିଥିବାରୁ ସ୍ୱାଗତ କରିଥିଲେ ।
ଶିକ୍ଷୟିତ୍ରୀ ଙ୍କ ଏହି ସଫଳତା ପାଇଁ ସମଗ୍ର ଯାଜପୁର ଜିଲ୍ଲା ସମେତ ଜୋନାଲ ଜିଲ୍ଲାସ୍ତରରେ ଆନନ୍ଦର ଲହରୀ ଖେଳି ଯାଇଛି । ଅନୁଷ୍ଠାନର ପୁରାତନ ଛାତ୍ର ଛାତ୍ରୀ, ଛାତ୍ର ଛାତ୍ରୀ ଙ୍କ ସମେତ, ରାଜ୍ୟପାଳ ପୁରସ୍କୃତ ପୂର୍ବତନ ପ୍ରଧାନ ଶିକ୍ଷକ ତଥା ଅନୁଷ୍ଠାନର ଉପେଦଷ୍ଠା ଅଜୟ କୁମାର ମହାନ୍ତି, ନୂଆ ଆଲୋକ ସଂଗଠନର ନିର୍ଦ୍ଦେଶକ ଜନ୍ମେଜୟ ମହାନ୍ତି, ସଭାପତି ଶରତ କୁମାର ଜେନା ପ୍ରମୁଖ ସ୍ୱାଗତ ସମ୍ବର୍ଦ୍ଧନା ଜଣାଇଛନ୍ତିା
