୭ ଦଶନ୍ଧି ଧରି ମାଲକାନଗିରି ଜିଲ୍ଲାବାସୀଙ୍କ ପ୍ରତୀକ୍ଷାର ଅନ୍ତ, ସିଲେରୁ ନଦୀ ଉପରେ ଉଦଘାଟିତ ହେଲା କାଲେରୁ ପୋଲ
କାଲିମେଳା: ୭ ଦଶନ୍ଧି ଧରି ମାଲକାନଗିରି ଜିଲ୍ଲାବାସୀଙ୍କ ପ୍ରତୀକ୍ଷାର ଅନ୍ତ ଘଟିଛି । ମାଲକାନଗିରି ଜିଲ୍ଲା ସୀମାନ୍ତରେ ଥିବା ମୋଟୁ ସ୍ଥିତ ସିଲେରୁ ନଦୀ ଉପରେ କାଲେରୁ ପୋଲ ଉଦଘାଟିତ ହୋଇଛି । ଏହାକୁ ମିଳିତ ଭାବେ ଆନ୍ଧ୍ର, ଓଡ଼ିଶା ସରକାର ଉଦଘାଟନ କରିଥିଲେ । ବର୍ଷ ବର୍ଷର ଜଳଯାତ୍ରାରେ ବିରାମ ଦେଇଥିବା ଏହି ପୋଲ ଆନ୍ଧ୍ରପ୍ରଦେଶ, ଛତିଶଗଡ଼, ତେଲଙ୍ଗାନା ଓ ଓଡ଼ିଶାକୁ ସଂଯୋଗ କରିବାରେ ସହାୟକ ହେବାସହ ଅଞ୍ଚଳର ଉନ୍ନତିରେ ମଧ୍ୟ ସହାୟକ ହେବ । ୩୦ କୋଟି ଟଙ୍କା ବ୍ୟୟରେ ନିର୍ମୀତ ଏହି ପୋଲର ନିର୍ମାଣ କାମ ଅଢ଼େଇ ବର୍ଷ ତଳେ ସରିଥିଲେ ବି ଉଦ୍ଘାଟନରେ ବିଳମ୍ବକୁ ନେଇ ମଧ୍ୟ ଅଞ୍ଚଳବାସୀ ଧର୍ମଘଟରେ ବସିଥିଲେ। ମାଲକାନଗିରି ଜିଲ୍ଲାର ଅଧିକାଂଶ ଜନତା ସ୍ୱାସ୍ଥ୍ୟସେବା ଓ ବ୍ୟବସାୟ ପାଇଁ ବିପଦପୂର୍ଣ୍ଣ ଭାବେ ଏହି ନଦୀ ପାର୍ ହୋଇ ଯାଇଥାନ୍ତି। ଓଡ଼ିଶା ସରକାର ସେତୁ ନିର୍ମାଣରେ ବିଫଳ ହେବାପରେ ଆନ୍ଧ୍ରକୁ ଦାୟିତ୍ୱ ଦେଇଥିଲା କେନ୍ଦ୍ର। ଯାହାର ଉଦଘାଟନ ପରେ ଅଞ୍ଚଳବାସୀଙ୍କ ଭାଗ୍ୟ ବଦଳି ଯାଇଛି।
