ପଳାଶୁଣୀ ଛକରେ ଦୁର୍ଘଟଣା: ରାସ୍ତା ପାର ବେଳେ ଘୋଷାଡ଼ି ନେଲା ଟ୍ରକ, ଦମ୍ପତି ମୃତ
ଭୁବନେଶ୍ୱର ପଳାଶୁଣୀ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ରାସ୍ତା ପାର ହଉଥିବା ବେଳେ ଟ୍ରକ ଧକ୍କାରେ ୨ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ମହିଳା ଓ ଜଣେ ପୁରୁଷ ଥିବା ଜଣାପଡ଼ିଛି । ମହିଳାଙ୍କ ମୃତଦେହ ପଳାଶୁଣୀରେ ପଡ଼ିରହିଥିବା ବେଳେ ପୁରୁଷଙ୍କ ମୃତଦେହ ସତ୍ୟବିହାର ଛକରେ ପଡି ରହିଛି।
ଭୁବନେଶ୍ୱର (କେନ୍ୟୁଜ): ଭୁବନେଶ୍ୱର ପଳାଶୁଣୀ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ରାସ୍ତା ପାର ହଉଥିବା ବେଳେ ଟ୍ରକ ଧକ୍କାରେ ୨ ଜଣଙ୍କର ମୃତ୍ୟୁ ହୋଇଛି । ମୃତକ ଦୁଇ ଜଣ ଦମ୍ପତି ବୋଲି ଜଣାପଡିଛି।
ଖବର ଅନୁଯାୟୀ, ପଳାଶୁଣି ଛକ ନିକଟରେ ସ୍ୱାମୀ-ସ୍ତ୍ରୀ ରାସ୍ତା ପାର୍ ହେଉଥିଲେ । ଏହି ସମୟରେ ଏକ ଟ୍ରକ୍ ଆସି ସ୍ୱାମୀ-ସ୍ତ୍ରୀଙ୍କୁ ଧକ୍କା ଦେଇଥିଲା । ଏପିରିକି ଟ୍ରକ ଧକ୍କାରେ ସ୍ତ୍ରୀଙ୍କର ପଳାଶୁଣିଛକ ନିକଟରେ ମୃତ୍ୟୁ ହୋଇଥିବା ବେଳେ ଉକ୍ତ ଟ୍ରକଟି ପୁରୁଷଙ୍କୁ ୧ କିଲୋମିଟ ପର୍ଯ୍ୟନ୍ତ ଘୋଷାଡ଼ି ନେଇ ଯାଇଥିଲା । ସେପଟେ ଦୁର୍ଘଟଣା ପରେ ମହିଳାଙ୍କ ମୃତଦେହ ପଳାଶୁଣୀରେ ପଡ଼ିରହିଥିବା ବେଳେ ପୁରୁଷଙ୍କ ମୃତଦେହ ସତ୍ୟବିହାର ଛକରେ ପଡି ରହିଛି । ଟ୍ରକ୍ ଟି ଭୁବନେଶ୍ୱରରୁ କଟକ ଯାଉଥିବା ବେଳେ ଏହି ଅଘଟଣ ଘଟିଛି। ଦୁଇ ମୃତକଙ୍କ ଘର ସୋନପୁରରେ ବୋଲି ଜଣାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ ଜାରି ରହିଛି ।
