ଭଦ୍ରକ: ଆବଶ୍ୟକ ଛାତ୍ରଛାତ୍ରୀ ନଥିବା ଦର୍ଶାଇ ଜିଲ୍ଲା ଶିକ୍ଷା ବିଭାଗ ବନ୍ଦ କରିଦେଲା ସ୍କୁଲ । ହେଲେ ଗ୍ରାମବାସୀମାନେ ପିଲାଙ୍କ ପରୀକ୍ଷା ଓ ସୁବିଧାକୁ ଦୃଷ୍ଟିରେ ରଖି ବିଦ୍ୟାଳୟ ବାରଣ୍ଡାରେ ଅସ୍ଥାୟୀ ଶିକ୍ଷକ ରଖି ପିଲାଙ୍କୁ ଶିକ୍ଷାଦାନ କରୁଛନ୍ତି। ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବନ୍ତ ବ୍ଲକ ନରସିଂହପୁର ପ୍ରାଥମିକ ବିଦ୍ୟାଳୟରେ। ଆଦିବାସୀ ଓ ହରିଜନ ପିଲା ପଢୁଥିବା ୬୦ ବର୍ଷର ଏହି ବିଦ୍ୟାଳୟରେ ୧୦ରୁ କମ୍ ପିଲା ହେଉଥିବା ଦର୍ଶାଇ ବିଇଓ ଏହାକୁ ବନ୍ଦ କରିଦେଇଛନ୍ତି। ଏପରିସ୍ଥଳେ ସରକାର ତାଙ୍କ ନିଷ୍ପତ୍ତିର ପୁନଃରବିଚାର କରିବାକୁ ଗ୍ରାମବାସୀ ନିବେଦନ କରିଛନ୍ତି।