ଢେଙ୍କାନାଳ କଣ୍ଟାନାଳି ବସ୍ତି ଅଞ୍ଚଳରେ ୩ ବର୍ଷର ଝିଅକୁ ଚୋରି ଉଦ୍ୟମ ଅଭିଯୋଗ, ଜଣେ ବ୍ୟକ୍ତିଙ୍କୁ ଅଟକ ରଖି ପୋଲିସକୁ ହସ୍ତାନ୍ତର କଲେ ଲୋକେ
ଢେଙ୍କାନାଳ: ଢେଙ୍କାନାଳ ଟାଉନ ଥାନା କଣ୍ଟାନାଳି ବସ୍ତି ଅଞ୍ଚଳରେ ପିଲା ଚୋର ଅଭିଯୋଗରେ ଜଣେ ବ୍ୟକ୍ତିଙ୍କୁ ସ୍ଥାନୀୟ ବାସିନ୍ଦା ଅଟକ ରଖି ଟାଉନ୍ ପୋଲିସକୁ ହସ୍ତାନ୍ତର କରିଛନ୍ତି। ବିଚିତ୍ର ଦେହୁରୀଙ୍କ ଘରେ ପଶି ତାଙ୍କର ୩ ବର୍ଷର ଝିଅକୁ ଚୋରି ଉଦ୍ୟମ ଅଭିଯୋଗ ହୋଇଛି।
ଏହି ସମୟରେ ବାପା, ମାଆ ଓ ସ୍ଥାନୀୟ ଲୋକ ପିଲା ଚୋରକୁ କାବୁ କରି ପୋଲିସ ଜିମା ଦେଇଛନ୍ତି। ପୋଲିସ ଅନୁସନ୍ଧାନରରୁ ଅଭିଯୁକ୍ତର ଘର ରାଉରକେଲା ଅଞ୍ଚଳର ବୋଲି ସୂଚନା ମିଳିଛି। ତାର ପରିବାରବର୍ଗଙ୍କୁ ଯୋଗାଯୋଗ କରାଯାଇଛି। ଅଭିଯୁକ୍ତ ଗତ ଆଠ ଦିନ ଧରି ଘରୁ ପଳାଇ ଆସିଛନ୍ତି।