ବଲାଙ୍ଗିର: ନବଜାତ ଶିଶୁକନ୍ୟାକୁ ବୁଦାତଳେ ଛାଡି ଚାଲିଗଲା ମା, ଉଦ୍ଧାର କରି ଲାଳନପାଳନ ଦାୟିତ୍ବ ନେବାକୁ ନିଷ୍ପତ୍ତି ନେଲେ ଆଶାକର୍ମୀ
ବଲାଙ୍ଗିର(କେନ୍ୟୁଜ୍): ପୁଣି ଆଲୋଡା ହେଲା ଶିଶୁକନ୍ୟା । ପର କରିଦେଲା ଜନ୍ମକଲା ମା। ଜଙ୍ଗଲରେ ଛାଡିଦେଲା ଅନ୍ତଃଚିରି ଜନ୍ମକରିଥିବା ଶିଶିକନ୍ୟାକୁ। ଏଭଳି ଘଟଣା ଘଟିଛି ପାଟଣାଗଡ ବ୍ଲକ ଅଧିନସ୍ଥ ସାଲେପାଲି ଓ ଚକାମାଲ ଗ୍ରାମ ମଧ୍ୟରେ ଥିବା ଏକ ପାହାଡିଆ ଜଙ୍ଗଲରେ ।
ମିଳିଥିବା ସୂଚନା ମୁତାବକ ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଲକ ଅନ୍ତର୍ଗତ ସାଲେପାଲି ଓ ଚକାମାଲ ଗ୍ରାମ ମଧ୍ୟବର୍ତ୍ତୀ ଜଙ୍ଗଲ ନିକଟରେ ଥିବା ବୁଦାମୂଳରୁ ଏକ ନବଜନ୍ମିତ ଶିଶୁ କନ୍ୟାକୁ କେହି ଜଣେ ମା ଛାଡିଦେଇଥିଲା । କିଛି ଲୋକ ଜଙ୍ଗଲକୁ ଯାଉଥିବା ବେଳେ ଶିଶୁକନ୍ୟାଟିର କାନ୍ଦଶୁଣିବାକୁ ପାଇଥିଲେ। ପରେ ସେମାନେ ଗ୍ରାମକୁ ଆସି ସାଲେପାଲି ଆଶାଦିଦି ପଙ୍କଜିନୀ ମେହେରଙ୍କୁ ଏହି ଖବର ଦେଇଥିଲେ । ଘଟଣାସ୍ଥଳକୁ ଗ୍ରାମାବସୀଙ୍କ ସହିତ ଆଶା ଦିଦି ପଙ୍କଜିନୀ ଯାଇ ସେଠାରୁ ଶିଶୁକନ୍ୟାକୁ ଉଦ୍ଧାର କରି ପାଟଣାଗଡ଼ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ । ନବଜାତ ଶିଶୁକନ୍ୟାକୁ ଉଦ୍ଧାର କରିବାପରେ ଆଶାଦିଦି ପଙ୍କଜିନୀ ମେହେର ଶିଶୁଟିକୁ ଲାଳନପାଳନ କରିବାକୁ ନିଷ୍ପତ୍ତି ନେଇଛନ୍ତି।
