ମାହାଙ୍ଗା: ଦଶ ମାସ ଦଶ ଦିନ ଯେଉଁ ଶିଶୁକୁ ଗର୍ଭରେ ରଖି ଅନେକ ଯନ୍ତ୍ରଣା ସହି ତାକୁ ମା” ଟିଏ ଜନ୍ମଦିଏ । ସେହି ପିଲା ଯଦି ବଡ ହେବା ପରେ ସେହି ବୁଢା ବାପା ମା’ ଲାତ ମାରି ଘରୁ ତଡିଦିଏ । ତେବେ ତା ଠାରୁ ଲଜ୍ୟାଜନକ ଓ ସ୍ପର୍ଶ କାତର ଘଟଣା ଆଉ କିଛି ନାହିଁ । ପ୍ରଶ୍ନ ଉଠେ ସମାଜରେ ଆଉ ମାନବିକତା ବଂଚିଛି ତ ? ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମହାଙ୍ଗା ଥାନା ବାସୁଦେବପୁର ଅଂଚଳରେ l
ପୁଅ-ବୋହୁଙ୍କ ଠାରୁ ମାଡାଗାଳି ଖାଇ ବାରଦ୍ୱାର ଶୁଣ୍ଢି ପିଣ୍ଡା ହେଉଥିଲେ ମାହାଙ୍ଗା ଅଂଚଳର ବୃଦ୍ଧ ଦମ୍ପତ୍ତି ମହମ୍ମଦ ଜଇ ରୁଦ୍ଦିନ ଓ ଗାନ୍ଧୀ ବିବି । ମାହାଙ୍ଗା ଥାନାରେ ପହଂଚି ଜନ୍ମିତ ପୁଅଙ୍କ ଅତ୍ୟାଚାରରୁ ମୁକ୍ତିପାଇଁ ଆକୁଳ ନିବେଦନ କରିବା ଘଟଣା ଯେତିକି ସ୍ପର୍ଶକାତର ସେତିକି ଲୋମହର୍ଷଣ କାରି ବି । ବର୍ଷା କାଚୁଥିବା ରାତିରେ ଘରକୁ ଫେରିବାର ସବୁ ରାସ୍ତା ବାଣ୍ଡ ହୋଇଯିବାରୁ ଏହି ବୃଦ୍ଧ ଦମ୍ପତ୍ତି ଦ୍ବୟ ଏକ ଡାକ୍ତର ଖାନାରେ ପହଂଚିଥିଲେ ।
ସ୍ଥାନୀୟ ସରକାରୀ ମୁଖ୍ୟ ଡାକ୍ତରଖାନାରେ ପହଂଚି ପୁଅ-ବୋହୂ ଓ ପରିବାର ଲୋକଙ୍କ ମାଡ଼ର କଷ୍ଟ ଲାଘବ ପାଇଁ କେଇପାନ ଔଷଧ ଖାଇ ସେଇ ବାରଣ୍ଡାରେ ହିଁ ରାତି କଟାଇଥିଲେ ଏହି ଦମ୍ପତ୍ତି । ପୁଅ, ବୋହୁ ତଥା ପରିବାରର ସମସ୍ତେ ଥିଲେ ମଧ୍ୟ ହସ୍ପିଟାଲ ବାରଣ୍ଡାରେ ବୁଢା ବାପା ମା” ଦି ଜଣ ରାତି କାଟିବା ଏକ ଅତ୍ୟନ୍ତ ଦୁଃଖଦାୟକ ଓ ଲଜ୍ୟାସ୍ପଦ ବିଷୟ ।