ଭୁବନେଶ୍ବର: ଆନ୍ଧ୍ର ପ୍ରଦେଶ ଓ ତେଲେଙ୍ଗାନାର କେତେକ ପାଠ୍ୟ ପୁସ୍ତକରେ ଶ୍ରୀଜଗନ୍ନାଥ ଏବଂ ସନାତନ ଧର୍ମକୁ କଦର୍ଥ କରାଯାଇଛି। ଏହାର ପ୍ରତିବାଦରେ ଶ୍ରୀଜଗନ୍ନାଥ ସେନା ପକ୍ଷରୁ ସିଂହଦ୍ୱାର ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି। ‘ଜୟାମ୍ମା ଜୟମ୍ ସିରିଜ’ ଆର୍ଟ ଏଜୁକେସନ୍ ପ୍ରକାଶନୀ ପକ୍ଷରୁ ଜି. ରାଧାକ୍ରିଷ୍ଣନ୍ ଓ ଡକ୍ଟର ଏନ. ସୁବାରାଇଡୁଙ୍କ ଦ୍ୱାରା ଲିଖିତ ପୁସ୍ତକରେ ଜଗନ୍ନାଥ ଧର୍ମକୁ ବିକୃତ କରାଯାଇଥିବା ଅଭିଯୋଗ କରିଛି ଜଗନ୍ନାଥ ସେନା। ତୁରନ୍ତ ପାଠ୍ୟକ୍ରମରୁ ଏହାକୁ ହଟାଇବା ପାଇଁ ସେନା ପକ୍ଷରୁ କେନ୍ଦ୍ର ମାନବ ସଂବଳ ବିକାଶ ମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ଦିଆଯାଇଛି।