ଆରେ କିଛି ନୂଆ କର ଭାଇ…କେତେ କପି କରିବ ! ଭାରତୀୟ ଟିମ୍ ଭଳି ପାକିସ୍ତାନ ଟିମରେ ଆରମ୍ଭ ହେଲା ଡ୍ରେସିଂ ରୁମ୍ ଆଓ୍ଵାର୍ଡ
ନ୍ୟୁଜିଲାଣ୍ଡ ବିପକ୍ଷ ମ୍ୟାଚ ପରେ ଶାହିନ ଆଫ୍ରିଦିକୁ ଶ୍ରେଷ୍ଠ ଖେଳାଳି, ମହମ୍ମଦ ଆମିରଙ୍କୁ ଇମ୍ପାକ୍ଟ ପ୍ଲେୟାର ଆଓ୍ଵାର୍ଡ ମିଳିଛି । ଭାରତୀୟ ଟିମ୍ ୨୦୨୩ରେ ବିଶ୍ୱକପ ସମୟରେ ପ୍ରତି ମ୍ୟାଚ ପରେ ଡ୍ରେସିଂ ରୁମରେ ଶ୍ରେଷ୍ଠ ଫିଲ୍ଡର ଆଓ୍ଵାର୍ଡ ଦେବା ଆରମ୍ଭ କରିଥିଲା । ଭାରତୀୟ ଟିମର ଡ୍ରେସିଂ ରୁମ ପରେ ଏବେ ପାକିସ୍ତାନ ଏହାକୁ କପି କରିଛି ।
ଆଇସିସି ଟି୨୦ ବିଶ୍ୱକପ ୨୦୨୪କୁ ଦୃଷ୍ଟିରେ ରଖି ପାକିସ୍ତାନ କ୍ରିକେଟ ଟିମ୍ ଘରୋଇ ମାଟିରେ ନ୍ୟୁଜିଲାଣ୍ଡ ବିପକ୍ଷରେ ୫ଟି ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳୁଛି । ଏହାର ପ୍ରଥମ ମ୍ୟାଚ ବର୍ଷା ଯୋଗୁଁ ରଦ୍ଦ ହୋଇଥିବା ବେଳେ ଦ୍ୱିତୀୟ ମ୍ୟାଚ ଗତକାଲି ରାଓ୍ଵଲପିଣ୍ଡିରେ ଖେଳାଯାଇଥିଲା । ଏହି ମ୍ୟାଚକୁ ପାକିସ୍ତାନ ୭ ଓ୍ଵିକେଟ ଜିତିନେଇଥିଲା । ଏହି ମ୍ୟାଚରେ ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ ଟିମ ଡ୍ରେସିଂ ରୁମର ଏକ ଭିଡିଓ ସେୟାର କରାଯାଇଛି । ଯାହାକୁ ନେଇ ଫ୍ୟାନ୍ସ ପାକିସ୍ତାନକୁ ଟ୍ରୋଲିଂ କରିଛନ୍ତି ।
ପାକିସ୍ତାନ ଟିମ୍ ନ୍ୟୁଜିଲାଣ୍ଡ ବିପକ୍ଷରେ ଦ୍ୱିତୀୟ ଟି୨୦ ମ୍ୟାଚରେ ଜିତିବା ପରେ ଡ୍ରେସିଂ ରୁମରେ ଶ୍ରେଷ୍ଠ ଫିଲ୍ଡର ଏବଂ ଇମ୍ପାକ୍ଟ ପ୍ଲେୟାର ଆଓ୍ଵାର୍ଡ ମିଳିଛି । ଭାରତୀୟ ଟିମ୍ ୨୦୨୩ରେ ବିଶ୍ୱକପ ସମୟରେ ପ୍ରତି ମ୍ୟାଚ ପରେ ଡ୍ରେସିଂ ରୁମରେ ଶ୍ରେଷ୍ଠ ଫିଲ୍ଡର ଆଓ୍ଵାର୍ଡ ଦେବା ଆରମ୍ଭ କରିଥିଲା । ପ୍ରଥମ ଥର ଭାରତ ଏଭଳି ଆରମ୍ଭ କରିଥିଲା । ଯାହାକୁ ନେଇ ସମସ୍ତେ ପ୍ରଶଂସା କରିଥିଲେ । ଏବେ ଭାରତ ପରେ ପାକିସ୍ତାନ ଟିମ୍ ମ୍ୟାଚ ସରିବା ପରେ ଡ୍ରେସିଂ ରୁମରେ ଆଓ୍ଵାର୍ଡ ଦେବା ଆରମ୍ଭ କରିଛି । ନ୍ୟୁଜିଲାଣ୍ଡ ବିପକ୍ଷ ମ୍ୟାଚ ପରେ ଶାହିନ ଆଫ୍ରିଦିକୁ ଶ୍ରେଷ୍ଠ ଖେଳାଳି ଆଓ୍ଵାର୍ଡ ଦିଆଯାଇଛି । ସେହିପରି ମହମ୍ମଦ ଆମିରଙ୍କୁ ଇମ୍ପାକ୍ଟ ପ୍ଲେୟାର ଆଓ୍ଵାର୍ଡ ମିଳିଛି ।
📹 Dressing room cam: Special awards for the Best Fielder and Impact Player of the second T20I 🏆#PAKvNZ | #AaTenuMatchDikhawan pic.twitter.com/EWsbmkk1kg
— Pakistan Cricket (@TheRealPCB) April 20, 2024
ତେବେ ଏହି ଭିଡିଓ ଭାଇରଲ ହେବା ପରେ ଫ୍ୟାନ୍ସ ଟ୍ରୋଲ କରୁଛନ୍ତି । ଆଉ କେତେ କପି କରିବ ବୋଲି ଫ୍ୟାନ୍ସ ପଚାରୁଛନ୍ତି । ପୂର୍ବରୁ ଏହି ଆଓ୍ଵାର୍ଡ ଭାରତୀୟ ଟିମର ଡ୍ରେସିଂ ରୁମରେ ଆରମ୍ଭ ହୋଇଥିଲା । ଏବେ ପାକିସ୍ତାନ ଏହାକୁ କପି କରିଛି ।
ସୂଚନାଯୋଗ୍ୟ, ପାକିସ୍ତାନ ଏବଂ ନ୍ୟୁଜିଲାଣ୍ଡ ମ୍ୟାଚରେ ପ୍ରଥମେ ଟସ୍ ଜିତି ପାକିସ୍ତାନ ବୋଲିଂ ନିଷ୍ପତ୍ତି ନେଇଥିଲା । ଏହାପରେ ନ୍ୟୁଜିଲାଣ୍ଡ ଟିମ୍ ୧୮.୧ ଓଭରରେ କେବଳ ୯୦ ରନ୍ କରି ଅଲଆଉଟ ହୋଇଥିଲା । ପାକିସ୍ତାନ ଏହି ଟାର୍ଗେଟକୁ ପିଛା କରି ୧୨.୧ ଓଭରରେ ୩ ଓ୍ଵିକେଟ ହରାଇ ମ୍ୟାଚ ଜିତିନେଇଥିଲା ।
