ମୟୁରଭଞ୍ଜ: ରାଇରଙ୍ଗପୁର ଟାଉନ ଥାନା ଲିଙ୍କ୍ ରୋଡରେ ଦୁଇ ଭାଇଙ୍କୁ ଗୁଳିମାଡ, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
ମୟୁରଭଞ୍ଜ(କେନ୍ୟୁଜ୍): ଦୁଇ ଭାଇଙ୍କୁ ଗୁଳିମାଡ। ୩ଜଣ ଦୁର୍ବୃତ୍ତ ବାଇକ୍ରେ ଆସି ଗୁଳିମାଡ କରି ଫେରାର। ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ଲିଙ୍କ୍ ରୋଡରେ ଗୁଳିମାଡ ହୋଇଛି। ଗୁରୁତର ଦୁଇ ଭାଇ ହେଲେ ଦୟା ଶଙ୍କର ସାହୁ ଓ ଗୌରୀ ଶଙ୍କର ସାହୁ। ସେମାନଙ୍କୁ ଟାଟା ହସ୍ପିଟାଲରେ ଭର୍ତ୍ତି କରାଯାଇଛି। ଆଜି ସକାଳେ ଦୁଇ ଭାଇ ଧାନ ଗୋଦାମରେ ଥିବାବେଳେ ୩ ଜଣ ଦୁର୍ବୃତ୍ତ ଧାନ ବିକିବା ବାହାନାରେ ଆସି ଦୁଇ ଭାଇଙ୍କ ଉପରେ ଗୁଳି ଚଳାଇ ଫେରାର ହୋଇଯାଇଥିଲେ। ତେବେ ବ୍ୟବସାୟିକ ଶତୃତାରୁ ଗୁଳିକାଣ୍ଡ ହୋଇଥିବା ସନ୍ଦେହ କରାଯାଉଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ବାରିପଦାରୁ ମଧ୍ୟ ସାଇଣ୍ଟିଫିକ୍ ଟିମ୍ ଆସୁଛି।