ଖୁବ୍ଶୀଘ୍ର ଖୋଲିବ ରାଜ୍ୟରେ ଥିବା ବିଭିନ୍ନ ଧର୍ମାନୁଷ୍ଠାନ, ପ୍ରକ୍ରିୟା ଆରମ୍ଭ ହୋଇଥିବାର କହିଲେ ମୁଖ୍ୟ ଶାସନ ସଚିବ
କେନ୍ୟୁଜ୍(ବ୍ୟୁରୋ): ପୁରୀ ଶ୍ରୀମନ୍ଦିର ପରେ ଖୁବ୍ଶୀଘ୍ର ଖୋଲିବ ରାଜ୍ୟରେ ଥିବା ବିଭିନ୍ନ ଧର୍ମାନୁଷ୍ଠାନ । ଧର୍ମପୀଠ ଖୋଲିବା ନେଇ ଆରମ୍ଭ ହୋଇଛି ପ୍ରକ୍ରିୟା । ଏନେଇ ଟ୍ଵିଟ୍ କରି ସୂଚନା ଦେଇଛନ୍ତି ମୁଖ୍ୟ ସଚିବ ଅସିତ ତ୍ରିପାଠୀ । ବିଭିନ୍ନ ଜିଲ୍ଲାରେ ଥିବା ଧର୍ମପୀଠ ଖୋଲାଯିବ । ଜିଲ୍ଲାସ୍ତରୀୟ ନିଷ୍ପତ୍ତି ନେବାକୁ କ୍ଷମତା ଦିଆଯାଇଛି । ନିଜ ଜିଲ୍ଲାରେ ଧର୍ମାନୁଷ୍ଠାନ ଖୋଲିବା ନେଇ ରାଜ୍ୟ ସରକାର ଜିଲ୍ଲାପାଳଙ୍କୁ କ୍ଷମତା ଦେଇଛନ୍ତି । ଏନେଇ ମନ୍ଦିର ପ୍ରଶାସକ ଓ ବିଭିନ୍ନ କମିଟି ସହ ଆଲୋଚନା କରାଯିବ ।
State govt have earlier empowered Collectors to take local level decisions to open religious instns for public worship after discussing with stakeholders & putting SoPs in place. It is understood that the process in on for opening religious institutions in different districts.
— ChiefSecyOdisha (@SecyChief) December 14, 2020
କୋଭିଡ୍ ସ୍ଥିତି ଦେଖି ସେମାନେ ମନ୍ଦିର ଖୋଲିବା ସମ୍ପର୍କରେ ନିଷ୍ପତ୍ତି ନେବେ । ଆଲୋଚନା ପରେ SOP ଜାରି କରାଯିବ । କୋଭିଡ୍ ଗାଇଡ୍ଲାଇନ୍ ପାଳନ କରାଯାଇ ଭକ୍ତଙ୍କୁ ଦର୍ଶନ ପାଇଁ ଅନୁମତି ଦିଆଯିବ । ମନ୍ଦିର ଖୋଲିବା ନେଇ ପ୍ରତିକ୍ରିୟା ରଖିଛନ୍ତି ଦେବୋତ୍ତର କମିଶନଙ୍କ ଭୁବନେଶ୍ୱର ନିରୀକ୍ଷକ ନିରଜ ଛୋଟରାୟ । ସେ କହିଛନ୍ତି, ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ମୋଡାଲିଟିଜ ପ୍ରସ୍ତୁତ କରି ରାଜ୍ୟ ସରକାରଙ୍କୁ ସୁପାରିସ କରାଯାଇଛି। କେମିତି ମନ୍ଦିର ଖୋଲିବେ ସେନେଇ ରାଜ୍ୟ ସରକାରଙ୍କୁ ପ୍ରସ୍ତାବ ଦିଆଯାଇଛି। ମନ୍ଦିର ଖୋଲିବା ପାଇଁ ରାଜ୍ୟ ସରକାର ଚୂଡାନ୍ତ ନିଷ୍ପତ୍ତି ନେବେ।
