ଭୁବନେଶ୍ୱରରୁ ଅନ୍ତଃରାଜ୍ୟ ମଦ ମାଫିଆ ଜଗମୋହନ ସାହୁ ଓରଫ ରାଜକୁମାର ଗିରଫ, ଗାଡିରେ ପ୍ରେସ ଲେଖି ଅବକାରୀ ବିଭାଗକୁ ଭୁଆଁ ବୁଲାଉଥିଲା
ଭୁବନେଶ୍ବର(କେନ୍ୟୁଜ୍): ଅବକାରୀ ବିଭାଗ କବ୍ଜାରେ ଆନ୍ତଃରାଜ୍ୟ ମଦ ମାଫିଆ । ଭୁବନେଶ୍ୱରରୁ ମଦ ମାଫିଆ ଜଗମୋହନ ସାହୁ ଓରଫ ରାଜକୁମାର ଗିରଫ । ଜଗମୋହନ ପାଖରୁ ୯ ଲକ୍ଷ ଟଙ୍କା, କାର୍,୧ କିଲୋ ୨୦୦ ଗ୍ରାମ ଗଞ୍ଜେଇ, ମୋବାଇଲ ଫୋନ ଓ କଂପ୍ୟୁଟର ହାର୍ଡ ଡିସ୍କକୁ ଜବତ କଲା ଅବକାରୀ ବିଭାଗ । ଅରୁଣାଚଳ ପ୍ରଦେଶରୁ ଓଡ଼ିଶା ଯାଏ ଚାଲିଥିଲା ମଦ କାରବାର । ଏହି ମଦ କାରବାର ଘଟଣାର କିଙ୍ଗଫିନ ଫେରାର ରହିଛି ।
ଗତ ମାର୍ଚ୍ଚ ୧ ତାରିଖରେ ଢେଙ୍କାନାଳରୁ ଏକ ମଦ ବୋଝେଇ କଣ୍ଟେନର ଜବତ କରିଥିଲା ଅବକାରୀ ବିଭାଗ । କଣ୍ଟେନରରୁ ହଜାର ହଜାର ଲିଟର ମଦ ଜବତ ମଧ୍ୟ ହୋଇଥିଲା । ସେହି ଘଟଣାରେ ମଧ୍ୟ ଦୁଇ ଜଣକୁ ଗିରଫ କରାଯାଇଥିଲା । ସେହି ଘଟଣାରେ ଗିରଫଙ୍କ ସୂଚନା ଆଧାରରେ ଜଗମୋହନ କୁ ଗିରଫ କରିଛି ଅବକାରୀ ବିଭାଗ । କାର୍ର ପ୍ରେସ ଲେଖି ଦୀର୍ଘ ଦିନ ହେବ ଅବକାରୀ ବିଭାଗକୁ ଭୁଆଁ ବୁଲାଉ ଥିବା ଜଗମୋହନ ଧରାପଡ଼ିଛି ।