ଯାଜପୁର: ଦୂର୍ଗାପୁର ଗାଁରେ ସିଆଳ ଆକ୍ରମଣରେ ଦୁଇ ନାବାଳିକା ଆହତ
ଯାଜପୁର ଟାଉନ(କେନ୍ୟୁଜ୍): ଯାଜପୁର ସଦର ଥାନା ଦୂର୍ଗାପୁର ଗାଁରେ ସିଆଳ ଆତଙ୍କ । ସିଆଳ ଆକ୍ରମଣରେ ଦୁଇ ନାବାଳିକା ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଆଜି ଭୋରୁ ଦୂର୍ଗାପୁର ଗାଁର ପଦ୍ମଲୋଚନ ବେହେରାଙ୍କ ଦୁଇ ଝିଅ ନିଜ ମାଙ୍କ ସହିତ ଶୌଚ ହେବାକୁ ଯାଇଥିବା ବେଳେ ତାଙ୍କୁ ଗୋଟିଏ ଶିଆଳ କାମୁଡିଦେଇଥିଲା । କିନ୍ତୁ କୌଶଳ କ୍ରମେ ଶିଆଳକୁ ନାବାଳିକାଙ୍କ ମା କାବୁ କରିବାକୁ ସକ୍ଷମ ହୋଇଥିଲେ । ଆହତ ନାବାଳିକାଙ୍କୁ ଯାଜପୁର ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଛି । ଗତ କିଛି ଦିନ ହେଲା ଏହି ଶିଆଳଟି ପାଗଳ ହୋଇ ଆଖ ପାଖ ଗାଁରେ ଆକ୍ରମଣ ଜାରି ରହିଛି । ତୁରନ୍ତ ଏଥିପ୍ରତି ବନବିଭାଗ ଦୃଷ୍ଟି ଦେବାକୁ ଦାବି ହୋଇଛି ।
