କଟକ: ମୁଣ୍ଡଳୀ ନିକଟରେ ମହାନଦୀ ପୋଲରୁ ଡେଇଁଥିବା ଯୁବକକୁ ଉଦ୍ଧାର କଲା ଅଗ୍ନିଶମ ବାହିନୀ
କଟକ(କେନ୍ୟୁଜ୍): କଟକ ମୁଣ୍ଡଳୀ ନିକଟରେ ମହାନଦୀ ପୋଲରୁ ଡେଇଁଥିବା ଯୁବକ ଉଦ୍ଧାର । ଅଗ୍ନିଶମ ବାହିନୀ ତାଙ୍କୁ ଉଦ୍ଧାର କରିଛି । ଘରୋଇ କଳହରୁ ନଦୀକୁ ଡେଇଁଥିଲେ ଆଠଗଡ଼ ବ୍ଲକ ନୂଆବନ୍ଧ ଗାଁର ରତି ରଂଜନ ମୁଦୁଲି । ସେ ଆଜି ନିଜ ଶାଳକଙ୍କ ସହ ତ୍ରିଶୂଳିଆ ଅଞ୍ଚଳକୁ ଯାଇଥିବା ବେଳେ ଦୁହିଁଙ୍କ ମଧ୍ୟରେ ଘରୋଇ କଳିକୁ ନେଇ କଥା କଟାକଟି ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ରତିରଂଜନ ମୁଣ୍ଡଳି ପୋଲ ଉପରୁ ନଦୀ ଡେଇଁ ପଡ଼ିଥିଲେ । ମହାନଦୀର ପାଣି ସୁଅରେ ଭାସି ଯାଇଥିଲେ । ଆଠଗଡ଼ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିଛି ।
