ଏୟାର ଇଣ୍ଡିଆ ଏକ୍ସପ୍ରେସର ୭୫ ବିମାନ ଆଜି ବାତିଲ, ସହିବାକୁ ପଡିଲା କୋଟି କୋଟି ଟଙ୍କାର କ୍ଷତି
ଏୟାର ଇଣ୍ଡିଆ ଏକ୍ସପ୍ରେସର କ୍ୟାବିନ କ୍ରୁ ସମୂହ ଛୁଟିରେ ଯିବା ପରେ ଏୟାରଲାଇନ୍ସକୁ କୋଟି କୋଟି ଟଙ୍କାର କ୍ଷତି ସହିବାକୁ ପଡିଛି । ଆଜି ପୁଣି ଏୟାରଲାଇନ୍ସର ୭୫ ବିମାନ ବାତିଲ ହୋଇଛି । ଫଳରେ ଏୟାରଲାଇନ୍ସଙ୍କୁ ୩୦ କୋଟି ଟଙ୍କାର କ୍ଷତି ସହିବାକୁ ପଡିଛି ।
ଏୟାର ଇଣ୍ଡିଆ ଏକ୍ସପ୍ରେସର କ୍ୟାବିନ କ୍ରୁ ସମୂହ ଛୁଟିରେ ଯିବା ପରେ ଏୟାରଲାଇନ୍ସକୁ କୋଟି କୋଟି ଟଙ୍କାର କ୍ଷତି ସହିବାକୁ ପଡିଛି । ଆଜି ପୁଣି ଏୟାରଲାଇନ୍ସର ୭୫ ବିମାନ ବାତିଲ ହୋଇଛି । ଫଳରେ ଏୟାରଲାଇନ୍ସଙ୍କୁ ୩୦ କୋଟି ଟଙ୍କାର କ୍ଷତି ସହିବାକୁ ପଡିଛି । ତେବେ ଏୟାର ଇଣ୍ଡିଆ ଏକ୍ସପ୍ରେସର ବିମାନ ପରିଚାଳନା ରବିବାରକୁ ସାମାନ୍ୟ ହୋଇପାରେ ବୋଲି ଆଶା କରାଯାଉଛି ।
ସୂଚନା ମୁତାବକ, ଏୟାର ଇଣ୍ଡିଆ ଏକ୍ସପ୍ରେସର କର୍ମଚାରୀମାନେ ସାମୂହିକ ଛୁଟି ଏବଂ କର୍ମଚାରୀମାନଙ୍କ ଛଟେଇ କାରଣରୁ ଯୋଗୁଁ କମ୍ପାନୀ ବିମାନ ରଦ୍ଦ କରିଛି । କମ୍ପାନୀ ଏନେଇ ଯାତ୍ରୀଙ୍କୁ ପୂର୍ବରୁ ସୂଚନା ଦେଇସାରିଛି । ମଙ୍ଗଳବାର ରାତିରେ ପାଖାପାଖି ୧୦୦ଟି ଫ୍ଲାଇଟ୍ ବାତିଲ କରାଯାଇଥିଲା । ଏହାଛଡା ପ୍ରତ୍ୟେକ ଦିନ ୪୦ ବିମାନକୁ ରଦ୍ଦ କରିବାକୁ ନିଷ୍ପତ୍ତି ନେଇଛି ଏୟାର ଲାଇନ୍ସ । ଏଭଳି ୧୩ ମଇ ପର୍ଯ୍ୟନ୍ତ ହେବ ବୋଲି ଜଣାପଡିଛି ।
ସୂଚନାଯୋଗ୍ୟ, ବୁଧବାର ଦିନ ୩୦୦ରୁ ଅଧିକ କର୍ମଚାରୀ ସମୂହ ଛୁଟିରେ ଯିବାକୁ ଏୟାର ଇଣ୍ଡିଆ ଏକ୍ସପ୍ରେସରେ ଏଭଳି ସମସ୍ୟା ଦେଖାଦେଇଥିଲା । ଗତ ମାସରେ ଏୟାର ଇଣ୍ଡିଆ ଏକ୍ସପ୍ରେସ୍ କ୍ୟାବିନ କ୍ରୁ୍ୟ ମେମ୍ବରଙ୍କ ଏକ ଟିମ୍ ଅଭିଯୋଗ କରିଥିଲେ କି, ମ୍ୟାନେଜମେଣ୍ଟ ଠିକ୍ ଭାବେ କାମ କରୁନି । କର୍ମଚାରୀଙ୍କ ସହ ସମାନ ବ୍ୟବହାର ପ୍ରଦର୍ଶନ କରାଯାଉନି । ପରିଚାଳନାଗତ ତ୍ରୁଟି ହେତୁ କ୍ରୁ ସଦସ୍ୟା ଏଭଳି ନିଷ୍ପତ୍ତି ନେଇଥିବା କୁହାଯାଉଛି । କମ୍ପାନୀ ଏଥିପାଇଁ ୨୫ ରୁ ୩୦ ସଦସ୍ୟଙ୍କୁ ବହିଷ୍କୃତ କରିଛି ।
କମ୍ପାନୀ ପକ୍ଷରୁ ଯାତ୍ରୀମାନଙ୍କୁ ରିଫଣ୍ଡ ବା ବିମାନ ସେବା ଅପସନ ଦିଆଯାଇଛି । ଏହା ବ୍ୟତୀତ ଏୟାରଲାଇନ ପକ୍ଷରୁ ରିଭାଇଜଡ୍ ଫ୍ଲାଇଟ ସେଡ୍ୟୁଲ ମଧ୍ୟ ଜାରି କରାଯାଇଛି । କମ୍ପାନୀ ଲଗାତାର ଲୋକଙ୍କୁ ଅପିଲ କରିଆସୁଛି ଏୟାରପୋର୍ଟ ଯିବା ପୂର୍ବରୁ ଚେକ କରନ୍ତୁ ।
