ଭାରତୀୟ ବଜାରରେ ସ୍ମାର୍ଟଫୋନ କ୍ଷେତ୍ରରେ ସଫଳତା ହାସଲ କରିବା ପରେ କମ୍ପାନୀ ଏବେ ଅନ୍ୟ ପ୍ରଡକ୍ଟ ଗୁଡିକୁ ବି ଭାରତୀୟ ବଜାରରେ ଲଞ୍ଚ କରିବା ନେଇ ପ୍ରସ୍ତୁତି ଚଳାଇଛି । ସୂଚନା ମୁତାବକ କମ୍ପାନୀ ଖୁବ ଶୀଘ୍ର ନିଜ ପ୍ରସ୍ତୁତ ସ୍ମାର୍ଟ ଟିଭି ବଜାରରେ ଲଞ୍ଚ କରିବା ନେଇ ଯୋଜନା କରୁଛି । କମ୍ପାନୀ ଚିଫ ଏକଜୟୁକେଟିଭ ଅଫିସରଙ୍କ ଅନୁଯାୟୀ ଚଳିତ ବର୍ଷ ଶେଷ ସୁଦ୍ଧା କମ୍ପାନୀ ସ୍ମାର୍ଟ ଟିଭି ଭାରତ ବଜାରରେ ଲଞ୍ଚ କରିବ । ଏହି ସ୍ମାର୍ଟ ଟିଭିରେ ପ୍ରିମିୟମ ଫିଚର୍ସ ଯେମିତିକି କ୍ୟୁଏଲଇଡି ଡିଷ୍ପ୍ଲେ, ୮ କେ ଭିଡିଓ ସପୋର୍ଟ , ଏଚ ଡି ଆର ୧୦ ପ୍ଲସର ସପୋର୍ଟ ମିଳିବ । କମ୍ପାନୀ ତରଫରୁ ଘୋଷଣା କରାଯାଇଥିଲା କି ଇଣ୍ଟରନେଟ ଅଫ ଥିନଂଗସ (ଫିଟ୍ନେସ ଟ୍ରେକର ଠାରୁ ଆରମ୍ଭ କରି ଅଡିଓ ପ୍ରଡକ୍ଟ) ପର୍ଯ୍ୟନ୍ତ କୁ ମଧ୍ୟ ଭାରତୀୟ ବଜାରରେ ଲଞ୍ଚ କରିବା ନେଇ ଲକ୍ଷ ରଖିଛି ।
ମିଳିଥିବା ସୂଚନା ଅନୁଯାୟୀ ଏବେକା ସମୟରେ ଭାରତୀୟ ବଜାରରେ ସବୁଠୁ ଅଧିକ ରିଏଲ୍ମ ଫୋନ ହିଁ ଲୋକ ପ୍ରିୟତା ହାସଲ କରିଛି । କମ୍ପାନୀ ମୁଖ୍ୟଙ୍କ ଅନୁଯାୟୀ ସର୍ବ ପ୍ରଥମେ କମ୍ପାନୀ ତାର ସ୍ମାର୍ଟ ଟିଭିକୁ ଚୀନ ବଜାରରେ ଲଞ୍ଚ କରିବ । ପରେ ଭାରତୀୟ ବଜାରରେ ପ୍ରବେଶ କରାଇବା । ସାଓମି ୨୦୧୮ ମସିହାରେ ଭାରତରେ ସ୍ମାର୍ଟ ଟିଭି ଲଞ୍ଚ କରିବା ସହ ମାତ୍ର ୮ ମାସ ଭିତରେ ହିଁ କମ୍ପାନୀ ନିଜ ଲୋକପ୍ରିୟତା ହାସଲ କରିଥିଲା । ଏହାର ପରେ ପରେ ବନପ୍ଲସ, ମୋଟୋରୋଲା, ନୋକିଆ ପରି କମ୍ପାନୀ ମଧ୍ୟ ନିଜ ନିଜ ସ୍ମାର୍ଟ ଟିଭିକୁ ବଜାରରେ ଲଞ୍ଚ କରିଥିଲେ ।