ଯାଜପୁର: ଛାତ୍ରୀଙ୍କୁ ପ୍ରେମ ଜାଲରେ ଫସାଇ ଗର୍ଭବତୀ କରିଥିବା ଅଧ୍ୟାପକକୁ ୭ ବର୍ଷ ଜେଲ ଦଣ୍ଡ ସହିତ ୧୦ ହଜାର ଟଙ୍କା ଜରିମାନା
ଯାଜପୁର ଟାଉନ(କେନ୍ୟୁଜ୍): ନିଜ କଲେଜ ଛାତ୍ରୀଙ୍କୁ ପ୍ରେମ ଜାଲରେ ଫସାଇ ଗର୍ଭବତୀ କରିଥିବା ଅଧ୍ୟାପକକୁ ୭ ବର୍ଷ ଜେଲ ଦଣ୍ଡ ସହିତ ୧୦ ହଜାର ଟଙ୍କା ଜରିମାନା ଆଦାୟ ପାଇଁ ନିର୍ଦ୍ଦେଶ ଦେଇଛନ୍ତି ଯାଜପୁର ଜିଲା ଦୌରାଜଜ୍ । ବଡଚଣା ଅଞ୍ଚଳର ଏକ ମହିଳା ମହାବିଦ୍ୟାଳୟରେ ଅଧ୍ୟାପକ ଥିବା ନବକିଶୋର ରଣା ନିଜ କଲେଜ ଛାତ୍ରୀଙ୍କୁ ପ୍ରଥମେ ପ୍ରେମ ଜାଲରେ ଫସାଇବା ସହିତ ତାଙ୍କୁ ବିବାହର ପ୍ରତିଶୃତି ଦେଇ ଗର୍ଭବତୀ କରିଥିଲେ । ପରେ ଧରାଛୁଆଁ ଦେଇନଥିଲେ । ଏଭଳି ସ୍ଥିତିରେ ଛାତ୍ରୀର ମା ନିଜର ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିଲେ ।
୨୦୧୫ ମସିହାରେ ଏ ନେଇ ବଡଚଣା ଥାନାରେ ନବ କିଶୋରଙ୍କ ବିରୋଧରେ ଲିଖିତ ଅଭିଯୋଗ ହୋଇଥିଲା । ଆଜି ଏହି ଘଟଣାର ବିଚାର କରି ମୋଟ ୧୫ ଜଣ ସାକ୍ଷ୍ୟ ମାନଙ୍କ ବୟାନ ରେକର୍ଡ କରିବା ପରେ ଜିଲା ଦୌରାଜଜ ଅଭିଯୁକ୍ତ ନବକିଶୋରଙ୍କୁ ୭ ବର୍ଷ ଜେଲ ଦଣ୍ଡାଦେଶ ଦେବା ସହିତ ୧୦ ହଜାର ଟଙ୍କାର ଜରିମାନା ପାଇଁ ନିର୍ଦ୍ଦେଶ ଦେଇଛନ୍ତି ।