ମାଗଣାରେ ନିଅନ୍ତୁ ଆଧାର କେନ୍ଦ୍ରର ଫ୍ରାଞ୍ଚାଇଜ୍ ଆଉ ପ୍ରତିମାସରେ କରନ୍ତୁ ବଢିଆ ରୋଜଗାର
ଟଙ୍କା ରୋଜଗାର କରିବା ପାଇଁ ଆପଣ କୌଣସି ଏକ ବ୍ୟବସାୟ ଆରମ୍ଭ କରିବାକୁ ଚିନ୍ତା କରୁଛନ୍ତି କି ? ତେବେ ଆଧାର ଫ୍ରାଞ୍ଚାଇଜ୍ ନେବା ପାଇଁ ଆପଣଙ୍କ ପାଖରେ ଏକ ଭଲ ସୁଯୋଗ ଅଛି । ଆଧାର କାର୍ଡର ଫ୍ରାଞ୍ଚାଇଜ୍ ନେଇ ଆପଣ ଭଲ ରୋଜଗାର କରିପାରିବେ । ତେବେ ବର୍ତ୍ତମାନ ଆପଣ ଭାବୁଥିବେ ଯେ ଏହି ଫ୍ରାଞ୍ଚାଇଜ୍ ଆପଣ କିପରି ନେବେ ? ତାହେଲେ ଶୁଣନ୍ତୁ ଏହି ବ୍ୟବସାୟ ଆରମ୍ଭ କରିବାକୁ, ଆପଣଙ୍କୁ ଏକ ଲାଇସେନ୍ସ ନେବାକୁ ପଡିବ । ଏହି ଲାଇସେନ୍ସ ପାଇବାକୁ ହେଲେ ଆପଣଙ୍କୁ ପରୀକ୍ଷାରେ ଉତ୍ତୀର୍ଣ୍ଣ ହେବାକୁ ପଡିବ । ତାହେଲେ ଆସନ୍ତୁ ଜାଣିବା କଣ ରହିଛି ସମ୍ପୂର୍ଣ୍ଣ ପ୍ରକ୍ରିୟା..
ଏଥିପାଇଁ ଆପଣଙ୍କୁ ଏକ ପରୀକ୍ଷା ଦେବାକୁ ପଡିବ ଯାହା ଅନଲାଇନରେ ହେବ ଏବଂ ଏହାକୁ UIDAI ନେଇଥାଏ । ଏହି ପରୀକ୍ଷା UIDAI ସାର୍ଟିଫିକେଟ୍ ପାଇଁ କରାଯାଇଥାଏ । ଯଦି ଆପଣ ପରୀକ୍ଷାରେ ଉତ୍ତୀର୍ଣ୍ଣ ହୁଅନ୍ତି, ତେବେ ଆପଣଙ୍କୁ ଆଧାର ଏନରୋଲମେଣ୍ଟ ଏବଂ ବାୟୋମେଟ୍ରିକ୍ ଯାଞ୍ଚ କରାଇବାକୁ ପଡିବ । ଫ୍ରାଞ୍ଚାଇଜ୍ ନେବା ପରେ, ଆପଣ ଏହାକୁ କେନ୍ଦ୍ର ଦ୍ୱାରା ସ୍ୱୀକୃତିପ୍ରାପ୍ତ ସେଣ୍ଟରରେ ପରିଣତ କରିପାରିବେ । ଏଥିପାଇଁ ସାଧାରଣ ସେବା କେନ୍ଦ୍ର (Common Service Centre) ରେଜିଷ୍ଟ୍ରେସନ କରିବାକୁ ପଡିବ ।
ଆଧାର କାର୍ଡ ସେଣ୍ଟରର କାମ
- ନୂଆ ଆଧାର କାର୍ଡ ବନାଇବା ।
- ଆଧାର କାର୍ଡରେ ନାମ ବନାନରେ ଥିବା ତ୍ରୁଟିକୁ ସୁଧାରିବା ।
- ଯଦି ଆଧାର କାର୍ଡରେ ଥିବା ଠିକଣା ଭୁଲ ଅଛି କିମ୍ବା ବଦଳିଛି, ତେବେ ଏହାକୁ ସଂଶୋଧନ କରିବା ।
- ଯଦି ଆଧାର କାର୍ଡରେ ଜନ୍ମ ତାରିଖ ଭୁଲ, ତେବେ ଏହାକୁ ସଂଶୋଧନ କରିବା ।
- ଯଦି ଫଟୋ କ୍ଲିୟର ନଥାଏ, ତେବେ ଆପଣ ଏହାକୁ କ୍ଲିୟର କରିପାରିବେ ନଚେତ ଏଠାରେ ଅନ୍ୟ ଏକ ଫଟୋ ମଧ୍ୟ ଲଗାଇପାରିବେ ।
- ଆଧାର କାର୍ଡରେ ନୂଆ ମୋବାଇଲ୍ ନମ୍ବର ଅପଡେଟ୍ କରିବା ।
- ଇମେଲ୍ ID ଅପଡେଟ୍ କରିବା ।
ତେବେ ଏଠାରେ ଆମେ ପୁଣିଥରେ କହିରଖୁଛୁ ଯେ ଆଧାର କାର୍ଡ କେନ୍ଦ୍ର ଖୋଲିବାକୁ ହେଲେ ଆପଣଙ୍କୁ ଅନଲାଇନ୍ ଲାଇସେନ୍ସ ପାଇଁ ଆବେଦନ କରିବାକୁ ପଡିବ । ଏହା ପରେ ଆପଣଙ୍କୁ ଏକ ପରୀକ୍ଷା ଦେବାକୁ ପଡିବ । ଏହି ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଲୋକମାନେ ଆଧାର କାର୍ଡ ଲାଇସେନ୍ସ ପାଆନ୍ତି । ତେବେ ଆସନ୍ତୁ ଜାଣିବା ଏହି ପରୀକ୍ଷା ଆପଣ କିପରି ଦେବେ..
- ସର୍ବପ୍ରଥମେ NSEITର ଏହି (https://uidai.nseitexams.com/UIDAI/LoginAction_input.action) ୱେବସାଇଟକୁ ଯାଆନ୍ତୁ ।
- ଏଠାରେ ଆପଣ Create New User ଉପରେ କ୍ଲିକ୍ କରନ୍ତୁ ।
- ବର୍ତ୍ତମାନ ଏକ XML ଫାଇଲ୍ ଖୋଲିବ ।
- ବର୍ତ୍ତମାନ ଆପଣଙ୍କୁ Share Code enter କରିବାକୁ କୁହାଯିବ ।
- XML ଫାଇଲ୍ ଏବଂ ସେୟାର୍ କୋଡ୍ ପାଇଁ, ଆପଣ ଆଧାରର ଏହି https://resident.uidai.gov.in/offline-kyc ୱେବସାଇଟକୁ ଯାଇ
- ଆପଣଙ୍କର ଅଫଲାଇନ୍ ଇ ଆଧାର ଡାଉନଲୋଡ୍ କରିପାରିବେ ।
- ଯେତେବେଳେ ଆପଣ ଏଠାରୁ ଡାଉନଲୋଡ୍ କରିବେ । ଉଭୟ XML ଫାଇଲ୍ ଏବଂ Share Code ଡାଉନଲୋଡ୍ ହେବ । ସେଗୁଡିକୁ
- ଆପଣ ପୂର୍ବରୁ କୁହାଯାଇଥିବା ସ୍ଥାନରେ ବ୍ୟବହାର କରିବାକୁ ପଡିବ ।
- ବର୍ତ୍ତମାନ ଅନ୍ୟ ଏକ ଫର୍ମ ଆସିବ ଯେଉଁଥିରେ ଆପଣଙ୍କୁ କିଛି ବ୍ୟକ୍ତିଗତ ସୂଚନା ଦେବାକୁ ପଡିବ ।
- ଏହି ଫର୍ମ ଦାଖଲ କରିବା ପରେ, ଆପଣଙ୍କର ମୋବାଇଲ୍ ନମ୍ବର ଏବଂ ଇମେଲ୍ id ରେ ୟୁଜର୍ ID ଏବଂ ପାସୱାର୍ଡ ଆସିବ ।
- ଏଥିରୁ ଆପଣ Aadhaar Testing and Certification ପୋର୍ଟାଲରେ ଲଗ୍ଇନ୍ କରିବାକୁ ସମର୍ଥ ହେବେ ।
- ଏହା ପରେ Continuee ବଟନ୍ ଉପରେ କ୍ଲିକ୍ କରନ୍ତୁ ।
- ବର୍ତ୍ତମାନ ଏକ ଫର୍ମ ଆପଣଙ୍କ ସାମ୍ନାକୁ ଆସିବ, ଯେଉଁଥିରେ ମାଗିଥିବା ସୂଚନା ସଠିକ୍ ଭାବରେ ପୂରଣ କରନ୍ତୁ ।
- ଏହି ଫର୍ମ ପୂରଣ କରିବା ପରେ ନିଜର ଫଟୋ ଏବଂ ସିଗ୍ନେଚର ଅପଲୋଡ୍ କରିବାକୁ ପଡିବ ।
- ବର୍ତ୍ତମାନ ଆପଣ ପ୍ରିଭ୍ୟୁର ଅପ୍ସନ୍ ଦେଖିବେ । ଏଥିରେ ଦେଖନ୍ତୁ ଆପଣ ଫର୍ମରେ ଦେଇଥିବା ସୂଚନା ସଂପୂର୍ଣ୍ଣ ସଠିକ୍ କି ନୁହେଁ ।
- ବର୍ତ୍ତମାନ Declaration Boxକୁ ଟିକ୍ କରନ୍ତୁ ଏବଂ Proceed to submit form ଉପରେ କ୍ଲିକ୍ କରନ୍ତୁ ।
ତେବେ ଏସବୁ ପ୍ରକ୍ରିୟା କରିବା ପରେ ଆପଣଙ୍କୁ ପେମେଣ୍ଟ କରିବାକୁ ପଡିବ । ପେମେଣ୍ଟ ପରେ ସାଇଟର ମେନୁକୁ ଯାଆନ୍ତୁ ଏବଂ ପେମେଣ୍ଟ ଉପରେ କ୍ଲିକ୍ କରନ୍ତୁ ତାପରେ ଆପଣଙ୍କର ବ୍ୟାଙ୍କ ଆକାଉଣ୍ଟ୍ ଚୟନ କରନ୍ତୁ । ଏହା ପରେ, ନିମ୍ନରେ ଦିଆଯାଇଥିବା Please Click Here to generate receipt ଉପରେ କ୍ଲିକ୍ କରନ୍ତୁ । ଏଠାରୁ ଆପଣଙ୍କୁ ଚାଲାଣ ରସିଦ ଡାଉନଲୋଡ୍ପ୍ରି କରି ଏହାକୁ ପ୍ରିଣ୍ଟ୍ କରିବାକୁ ପଡିବ ।
ଶେଷରେ ଜାଣନ୍ତୁ କିପରି ବୁକ କରିବେ ସେଣ୍ଟର ?
ଏହି ସମସ୍ତ ସୂଚନା ପୁରଣ କରିବା ପରେ Submit ବଟନ ଉପରେ କ୍ଲିକ୍ କରନ୍ତୁ । ବର୍ତ୍ତମାନ ଆପଣଙ୍କୁ 24 ରୁ 36 ଘଣ୍ଟା ଅପେକ୍ଷା କରିବାକୁ ପଡିବ । ଏହା ପରେ ଆପଣ ୱେବସାଇଟକୁ ପୁନର୍ବାର ଲଗ୍ ଇନ କରନ୍ତୁ । ବର୍ତ୍ତମାନ ବୁକ୍ ସେଣ୍ଟର୍ ଉପରେ କ୍ଲିକ୍ କରନ୍ତୁ । ଏହାପରେ ଆପଣ ନିକଟସ୍ଥ କୌଣସି ସେଣ୍ଟରକୁ ଚୟନ କରନ୍ତୁ ଯେଉଁ ସେଣ୍ଟରରେ ଆପଣଙ୍କୁ ଆଧାର ପରୀକ୍ଷା ଦେବାକୁ ପଡିବ । ଏହା ସହିତ, ଆପଣଙ୍କୁ ତାରିଖ ଏବଂ ସମୟ ଚୟନ କରି ଫର୍ମ ଦାଖଲ କରିବାକୁ ପଡିବ । ଏହା ପରେ ଆପଣ ଅଳ୍ପ ସମୟ ପରେ ଆଡମିଟ୍ କାର୍ଡ ପାଇବେ । ଏହି ଆଡମିଟ୍ କାର୍ଡ ଡାଉନଲୋଡ୍ କରି ପ୍ରିଣ୍ଟ କରନ୍ତୁ ।
