ଲଞ୍ଚ ହେବାକୁ ଯାଉଛି Hyundai Alcazar Facelift, ମିଳିବ ଜବରଦସ୍ତ ଫିଚର୍ସ

ହୁଣ୍ଡାଇ ଅଲ୍କାଜାର ମିଡ-ସାଇଜ ଏସୟୁଭି ଦେଶରେ ଏହାର ତିନି ବର୍ଷ ପୂରଣ କରିବାକୁ ଯାଉଛି । ଏହାର ସେଲ୍ ପରଫରମାନ୍ସ ବୃଦ୍ଧି କରିବାକୁ, କମ୍ପାନୀ ଏହି ମଡେଲକୁ ଆସନ୍ତା ମାସରେ ଅକ୍ଟୋବର ୨୦୨୪ ପର୍ଯ୍ୟନ୍ତ ମିଡ୍-ଲାଇଫ ଅପଡେଟ୍ ଦେବ । କ୍ୟାବିନ ଭିତରେ ପ୍ରମୁଖ ଅପଗ୍ରେଡ୍ ସହିତ ଏହା ସାମାନ୍ୟ କସ୍ମେଟିକ୍ ପରିବର୍ତ୍ତନ ହେବ ବୋଲି ଆଶା କରାଯାଉଛି । ୨୦୨୪ ହୁଣ୍ଡାଇ ଆଲକାଜର୍ ଫେସେଲିଫ୍ଟ ଚଳିତ ବର୍ଷ ଆରମ୍ଭରେ ଡେବ୍ୟୁ ହୋଇଥିବା ନୂଆ କ୍ରେଟା ସହିତ କିଛି ଡିଜାଇନ୍ ଏଲିମେଣ୍ଟସ ସେୟାର କରିବ । କ୍ରେଟା ତୁଳନାରେ ଏସୟୁଭିରେ ଏକ ବଡ଼ ଫ୍ରଣ୍ଟ୍ ଗ୍ରୀଲ୍ ରହିବ ।

ସ୍ପାଇ ଇମେଜରେ SUV କୁ ଏକ ଫ୍ରଣ୍ଟ ରଡାର ସହିତ ଦେଖାଯାଇଛି, ଯାହା ADAS ସୁଟର ଉପସ୍ଥିତି ନିଶ୍ଚିତ କରେ । ସ୍ପ୍ଲିଟ ସେଟଅପ୍ ସହିତ ଏଲଇଡି ହେଡଲ୍ୟାମ୍ପଗୁଡ଼ିକୁ ମଧ୍ୟ ପୁନଃଡିଜାଇନ୍ କରାଯାଇଛି । ଅପଡେଟ ହୋଇଥିବା ଅଲ୍କାଜାର୍ ନୂଆ ଭାବରେ ଡିଜାଇନ୍ ହୋଇଥିବା ଅଲୋୟ ଚକ ସହିତ ଆସିବ । ଏହାର ରିୟର ବମ୍ପରରେ ମଧ୍ୟ କିଛି ପରିବର୍ତ୍ତନ ଦେଖିବାକୁ ମିଳେ ।

ଇଣ୍ଟେରିୟର ଏବଂ ଫିଚର୍ସ:
ଏହାର ଇଣ୍ଟେରିୟରର ଏକ ମୁଖ୍ୟ ଆକର୍ଷଣ ହେଉଛି ଡୁଆଲ୍ ସ୍କ୍ରିନ୍ ସେଟଅପ୍, ଯେଉଁଥିରେ ଇନଫୋଟେନ୍ମେଣ୍ଟ ସିଷ୍ଟମ ପାଇଁ ୧୦.୨୫-ଇଞ୍ଚ ସ୍କ୍ରିନ୍ ଏବଂ ଇନ୍ସ୍ତୃମେଣ୍ଟ ପାଇଁ ୧୦.୨୫-ଇଞ୍ଚ ସ୍କ୍ରିନ୍ ରହିବ । ନୂଆ ୨୦୨୪ ହୁଣ୍ଡାଇ ଅଲ୍କାଜାର ଫେସେଲିଫ୍ଟରେ ଫ୍ରଣ୍ଟ ସିଟ୍, ୩୬୦-ଡ଼ିଗ୍ରୀ କ୍ୟାମେରା, ଇଲେକ୍ଟ୍ରିକ ଆଡ଼ଜଷ୍ଟେବଲ ଡ୍ରାଇଭର ସିଟ୍, ବ୍ଲାଇଣ୍ଡ ସ୍ପଟ୍ ମନିଟର ଏବଂ ଇଲେକ୍ଟ୍ରୋନିକ୍ ପାର୍କିଂ ବ୍ରେକ୍ ମଧ୍ୟ ରହିବ । ଅପଡେଟ୍ ହୋଇଥିବା ଭର୍ସନରେ ବି ୬ ଏବଂ ୭ ସିଟ୍ କନ୍ଫିଗରେସନରେ ପ୍ରଦାନ କରାଯିବ ।

ପାୱାର୍ ଟ୍ରେନ୍:
SUV ର ପାୱାର୍ ଟ୍ରେନରେ କୌଣସି ପରିବର୍ତ୍ତନ ହେବ ନାହିଁ । ନୂଆ ୨୦୨୪ ହୁଣ୍ଡାଇ ଅଲ୍କାଜାର ଫେସେଲିଫ୍ଟ ୧.୫L ଟର୍ବୋ ପେଟ୍ରୋଲ ଏବଂ ୧.୫L ଡିଜେଲ ଇଞ୍ଜିନ ବ୍ୟବହାର ଜାରି ରଖିବ, ଯାହାକି ଯଥାକ୍ରମେ ୨୫୬ Nm ସହିତ ୧୬୦ bhp ଏବଂ ୧୧୬ bhp ୨୫୦ Nm ସହିତ ଆଉଟପୁଟ୍ ଜେନେରେଟ କରିଥାଏ । ପେଟ୍ରୋଲ ୟୁନିଟ୍ ୬-ସ୍ପିଡ୍ ମାନୁଆଲ୍ ଏବଂ ୭-ସ୍ପିଡ୍ ଡୁଆଲ୍-କ୍ଲଚ୍ ଅଟୋମେଟିକ୍ ଗିଅରବକ୍ସ ସହିତ ଉପଲବ୍ଧ ଥିବାବେଳେ ଡିଜେଲ ଇଞ୍ଜିନ ୬-ସ୍ପିଡ୍ ମାନୁଆଲ୍ କିମ୍ବା ୬-ସ୍ପିଡ୍ ଅଟୋମେଟିକ୍ ଟ୍ରାନ୍ସମିସନ୍ ସହିତ ଆସିବ ।

ଦାମ ବୃଦ୍ଧି:
ଅଲ୍କାଜାର ଫେସେଲିଫ୍ଟର ମୂଲ୍ୟରେ ସାମାନ୍ୟ ବୃଦ୍ଧି ହେବାର ଆଶା କରାଯାଉଛି । ବର୍ତ୍ତମାନ ଏସୟୁଭିର ଏକ୍ସ ସୋ’ରୁମ୍ ମୂଲ୍ୟ ୧୬.୭୮ ଲକ୍ଷରୁ ୨୧.୨୮ ଲକ୍ଷ ମଧ୍ୟରେ ରହିଛି ।