ଦେଶରେ ବଢୁଥିବା କରୋନା ଭାଇରସ ସଂକ୍ରମଣ କାରଣରୁ ଦେଶର ପ୍ରମୁଖ କମ୍ପାନୀ ମାନେ ନିଜ କର୍ମଚାରୀ ମାନଙ୍କୁ ଘରୁ କାମ କରିବାର ସୁବିଧା ଯୋଗାଉଛି । ଏଭିତରେ ସରକାରୀ ଟେଲିକମ କମ୍ପାନୀ ବିଏସଏନଏଲ ବି ଗ୍ରାହକଙ୍କ ସୁବିଧା ପାଇଁ ପ୍ରମୋସନ ବ୍ରଡ଼ବ୍ୟାଣ୍ଡ ପ୍ଲାନର ଆରମ୍ଭ କରିଛି ।
ବିଏସଏନଏଲ ଏହି work at home ପ୍ଲାନ ଅନୁସାରେ କମ୍ପାନୀ ସମସ୍ତ ବ୍ରଡ଼ବ୍ୟାଣ୍ଡ ୟୁଜର୍ସଙ୍କୁ ୫ ଜିବି ଡାଟା ଫ୍ରିରେ ମିଳିପାରିବ । ଆଉ ସବୁଠୁ ଖାସ କଥା ହେଉଛି ଏହି ଡାଟାର ସ୍ପିଡ଼ ୧୦ ଏମବିପିଏସ ରହିବ । ବିଏସଏନଏଲର ଏହି ପ୍ଲାନର ସୁବିଧା ଲାଣ୍ଡ ଲାଇନ ୟୁଜର୍ସ ମାନଙ୍କୁ ବି ମିଳିପାରିବ । ଆଉ ସବୁଠୁ ଜରୁରୀ କଥା ହେଉଛି ଏହି ପ୍ଲାନର ସୁବିଧା ଆଣ୍ଡାମାନ ଓ ନିକୋବର ଅଂଚଳରେ ବି ଚାଲିବ ।
କହି ରଖିବା ଉଚିତକି ବିଏସଏନଏଲର ଅଧିକାଂଶ ପ୍ଲାନ ଏହି କେନ୍ଦ୍ର ଶାସିତ ଅଞ୍ଚଳରେ କାର୍ଯ୍ୟ କରିନଥାଏ । ବିଏସଏନଏଲ ଏହି ଅଫର ଅନୁଯାୟୀ ଗ୍ରାହକଙ୍କୁ ଏକ ଇ-ମେଲ ଆଇଡି ମିଳିବ । ଯାହା ସହ ୧ଜିବି ଷ୍ଟୋରେଜ ମାଗଣାରେ ଉପଲବ୍ଧ ହେବ । ପ୍ରତିଦିନ ୫ ଜିବି ଡାଟା ସୁବିଧା ଶେଷ ହେବା ପରେ ଗ୍ରାହକଙ୍କୁ ୧ ଏମବିପିଏସ ସ୍ପିଡ଼ର ଇଣ୍ଟରନେଟ ସୁବିଧା ମିଳିବା ଆରମ୍ଭ ହୋଇଯିବ । କିନ୍ତୁ କେବଳ ଲାଣ୍ଡଲାଇନ ବା ବ୍ରଡ଼ବ୍ୟାଣ୍ଡ ବ୍ୟବହାରକାରୀଙ୍କୁ ହିଁ ଏହି ସୁବିଧା ମିଳିବ । କମ୍ପାନୀର ଟୋଲ ଫ୍ରି ନମ୍ବର ସାହାଯ୍ୟରେ ଆପଣ ଏହି ନୂଆ ପ୍ଲାନ ବିଷୟରେ ଅଧିକ ତଥ୍ୟ ପାଇପାରିବେ ।