ଆସନ୍ତା ମାସରୁ ମହଙ୍ଗା ହେବ ଟିଭି, ଫ୍ରିଜ ଏବଂ ଏସି, ୧୦-୧୨ % ବଢିଯିବ ଦାମ୍
ଯଦି ଆପଣ ଟିଭି, ଫ୍ରିଜ୍, ଏସି କିମ୍ବା ଲାପଟପ୍ କିଣିବାକୁ ଚିନ୍ତା କରୁଛନ୍ତି, ତେବେ ଏହି ମାସରେ ହିଁ କିଣନ୍ତୁ କାରଣ ଆସନ୍ତା ମାସରୁ ଏଗୁଡ଼ିକର ମୂଲ୍ୟ ବୃଦ୍ଧି ହେବାକୁ ଯାଉଛି । କମ୍ପାନୀଗୁଡିକ କହିଛନ୍ତି ଯେ, କ୍ରମାଗତ ଭାବେ ଦ୍ରବ୍ୟ ମୂଲ୍ୟ ବଢିବା ସହ ଏବଂ ଅତ୍ୟାବଶ୍ୟକ ଉପାଦାନର ଅଭାବ ହେତୁ ସେମାନଙ୍କ ଉପରେ ବୋଝ ପଡୁଛି । ଆଉ ଏହି ବୋଝକୁ ହାଲୁକା କରିବା ପାଇଁ ଦାମ୍ ବଢାଯିବ। ଅନ୍ୟପଟେ ୱାର୍କ ଫ୍ରମ ହୋମ ସହ ଅନଲାଇନ କ୍ଲାସ ଯୋଗୁଁ ଲାପଟପର ମୂଲ୍ୟ ମଧ୍ୟ ବୃଦ୍ଧି ପାଇଛି ।
୨ ମାସର ଲକଡାଉନ ପରେ ବ୍ୟବସାୟୀମାନେ ପୁଣି ଥରେ ଦୋକାନ ଖୋଲିଛନ୍ତି, ତେଣୁ ଗ୍ରାହକଙ୍କୁ ବଡ଼ ରିହାତିର କମ୍ ବିକଳ୍ପ ମିଳିବ । ଚଳିତ ବର୍ଷ ଜାନୁୟାରୀ ଆରମ୍ଭରୁ ଟିଭି, ଫ୍ରିଜ୍, ଏସି ଏବଂ ଲାପଟପ୍ ପରି ସାମଗ୍ରୀର ମୂଲ୍ୟ ବୃଦ୍ଧି ପାଇଛି। ଆଉ ଆସନ୍ତା ମାସରୁ କମ୍ପାନୀଗୁଡିକ ପୁଣି ୧୦ ପ୍ରତିଶତ ମୂଲ୍ୟ ବୃଦ୍ଧି କରିବାକୁ ଯୋଜନା କରୁଛନ୍ତି । ମୂଲ୍ୟ ବୃଦ୍ଧି ପଛରେ କମ୍ପାନୀଗୁଡିକ ଅନେକ କାରଣ କହିଛନ୍ତି ।
ଉଦାହରଣ ସ୍ୱରୂପ, ମାଇକ୍ରୋପ୍ରୋସେସର ଏବଂ ପ୍ୟାନେଲ ପରି ଅତ୍ୟାବଶ୍ୟକ ଉପାଦାନଗୁଡ଼ିକର ଅଭାବ, କଞ୍ଚାମାଲ ଏବଂ ତମ୍ବାର ମୂଲ୍ୟରେ ବୃଦ୍ଧି ହେବା ସାଙ୍ଗକୁ ଆମଦାନୀ ଉପରେ ନିର୍ଭରଶୀଳତା ହ୍ରାସ କରିବା ପାଇଁ କଷ୍ଟମ୍ ଡ୍ୟୁଟିର ବୃଦ୍ଧି ହେତୁ ମୂଲ୍ୟ ମଧ୍ୟ ବୃଦ୍ଧି ପାଇଛି।
