କାଲି ଆଶ୍ବସ୍ତି, ଆଜି ପୁଣି ତାତି; ୮ଟା ୩୦ ସୁଦ୍ଧା ତାଳଚେରରେ ୩୭.୨ ଡିଗ୍ରୀ ରେକର୍ଡ
କାଲି ଆଶ୍ବସ୍ତି, ଆଜି ପୁଣି ତାତି । ସକାଳୁ ୩୭ ଡିଗ୍ରୀ ଟପିଛି ପାରଦ । ୮ଟା ୩୦ ସୁଦ୍ଧା ତାଳଚେରରେ ସର୍ବାଧିକ ତାପମାତ୍ରା ୩୭.୨ ଡିଗ୍ରୀ ରେକର୍ଡ କରାଯାଇଛି । ଆଉ ୨୪ ଘଣ୍ଟା ଭୀଷଣ ଗ୍ରୀଷ୍ମଲହରୀ । ଆଜି ପାଇଁ ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।
ଭୁବନେଶ୍ୱର (କେନ୍ୟୁଜ): କାଲି ଆଶ୍ବସ୍ତି, ଆଜି ପୁଣି ତାତି । ସକାଳୁ ୩୭ ଡିଗ୍ରୀ ଟପିଛି ପାରଦ । ୮ଟା ୩୦ ସୁଦ୍ଧା ତାଳଚେରରେ ସର୍ବାଧିକ ତାପମାତ୍ରା ୩୭.୨ ଡିଗ୍ରୀ ରେକର୍ଡ କରାଯାଇଛି । ଭବାନୀପାଟମାରେ ୩୬.୨, ବଲାଙ୍ଗିରରେ ୩୫.୪, ମାଲକାନଗିରିରେ ୩୫ ଓ ଝାରସୁଗୁଡ଼ାରେ ୩୪.୮ ଡିଗ୍ରୀ ରେକର୍ଡ କରାଯାଇଛି । ଆଉ ୨୪ ଘଣ୍ଟା ଭୀଷଣ ଗ୍ରୀଷ୍ମଲହରୀ । ଆଜି ପାଇଁ ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି ।
ଆସନ୍ତାକାଲି ପାଇଁ ୬ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଗତକାଲି ଅପରାହ୍ଣରେ କାଳବୈଶାଖୀ ବର୍ଷା ଯୋଗୁଁ ତାତିରୁ ସାମାନ୍ୟ ଆଶ୍ବସ୍ତି ମିଳିଥିଲା । ୫ତାରିଖରୁ କାଳବୈଶାଖୀ ପ୍ରଭାବ ବଢ଼ିବା ସହ ତାତି କମିବ । ପୂର୍ବାନୁମାନ କରିଛି ଭୁବନେଶ୍ବର ପାଣିପାଗ କେନ୍ଦ୍ର । ୬ ଓ ୭ତାରିଖରେ ସାରା ରାଜ୍ୟରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି ।