ଟେଲିକମ କ୍ଷେତ୍ରରେ ଚାଲିଥିବା ଏହି ଉତ୍ଥାନ ପତନ ମଧ୍ୟରେ ଭୋଡାଫୋନ ଆଇଡ଼ିଆ ନିଜର ତାରିଫ ପ୍ଲାନର ଦର ବଢାଇବ ବୋଲି ଘୋଷଣା କରିଛି ।ଭୋଡାଫୋନ ଆଇଡ଼ିଆ ପକ୍ଷରୁ ଜାରି କରଯାଇଥିବା ଏକ ସୂଚନାରେ କୁହାଯାଇଛି ଯେ କମ୍ପାନୀ ଡିସେମ୍ବର ୧ ତାରିଖ ଠାରୁ ତାରିଫ ପ୍ଲାନର ଦର ବଢାଇବାକୁ ଯାଉଛି । ଯାହାର ସିଧାସଳଖ ପ୍ରଭାବ କମ୍ପାନୀର ପ୍ରାୟ ୩୭ କୋଟି ଗ୍ରାହକଙ୍କ ଉପରେ ପଡିବ ।
ଯଦିଓ କମ୍ପାନୀ ବର୍ତ୍ତମାନ ପର୍ଯ୍ୟନ୍ତ ଏହା ଘୋଷଣା କରିନାହିଁ ଯେ କେତେ ପ୍ରତିଶତ କିମ୍ବା କେତେ ଟଙ୍କା ବୃଦ୍ଧି ହେବ କିନ୍ତୁ ଏହା ନିଶ୍ଚିତ ଭାବେ କହିଛି ଯେ ସାରା ଦୁନିଆ ତୁଳନାରେ ଭାରତରେ ଡାଟାପ୍ଲାନ ବହୁତ ଶସ୍ତା ରହିଛି । ଏପରିସ୍ଥଳେ କମ୍ପାନୀ ଡାଟାପ୍ଲାନର ଦର ବୃଦ୍ଧି କରିବା ପାଇଁ ନିଷ୍ପତ୍ତି ନେଇଛି ।
ସୂଚନା ଅନୁଯାୟୀ ଭୋଡାଫୋନ ଆଇଡ଼ିଆ ସମୟୋଯିତ ସଫଳ ରାଜସ୍ୱ(AGR)ର ପେମେଣ୍ଟକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନେଇଛନ୍ତି । ଯେଉଁଥିରେ ସୁପ୍ରିମକୋର୍ଟ କମ୍ପାନୀକୁ ୯୦ ଦିନ ମଧ୍ୟରେ ୪୪,୨୦୦ କୋଟି ଟଙ୍କା ପରିଶୋଧ କରିବା ପାଇଁ ନିର୍ଦ୍ଦେଶ ଦେଇଛି । ଏହି ବିଷୟକୁ ନେଇ ଦୂରସଂଚାର ବିଭାଗ ଓ ଟେଲିକମ କମ୍ପାନୀ ମଧ୍ୟରେ ଦୀର୍ଘଦିନ ଧରି ବିବାଦ ଲାଗିରହିଛି । ଏପରି ଦାୟର ଗଣନା ପାଇଁ ବ୍ୟବହାର କରାଯାଉଥିବା ମେଥଡକୁ ଆଧାର କରି ମାର୍କେଟ ଆନାଲିଷ୍ଟସ ଟେଲିକମ ଡିପାର୍ଟମେଣ୍ଟକୁ ଏଭଳି କହିଛି । ଯଦି ଭୋଡାଫୋନ ଆଇଡିଆର ଏଜିଆରରେ ବୃଦ୍ଧି ଘଟେ ତାହେଲେ କମ୍ପାନୀର ସମସ୍ୟା ବୃଦ୍ଧି ପାଇବ ।
ଏହାସହ ପଢନ୍ତୁ ଖୁବ ଶୀଘ୍ର ବନ୍ଦ ହୋଇପାରେ ଦେଶର ବଡ ଟେଲିକମ କମ୍ପାନୀ, ୭୦ କୋଟି ଗ୍ରାହକଙ୍କ ଉପରେ ପଡିବ ପ୍ରଭାବ
ଆଇସିଆଇସିଆଇ ସିକ୍ୟୁରିଟିଙ୍କ କହିବା ଅନୁଯାୟୀ ଭୋଡାଫୋନ ଆଇଡ଼ିଆ ଏଜିଆର ସମ୍ବନ୍ଧିତ ୪୪,୨୦୦କୋଟି ଟଙ୍କାର ଶୁଳ୍କ ପରିଶୋଧ କରିବାର ଥିଲା । ଏଥିମଧ୍ୟରେ ଆନାଲିଷ୍ଟ କଲରେ ସୁଧ ଓ ଜରିମାନା ମଧ୍ୟ ସାମିଲ ରହିଛି । ଭୋଡାଫୋନ ଆଇଡିଆର ଏହି ଅନୁମାନ ୧୮ ପ୍ରତିଶତ ଏବଂ ୧୨.୫ ପ୍ରତିଶତ ଡିଫରେନ୍ସିଆଲ ରେଟ ଉପରେ ଆଧାରିତ ।