ଆଜିର ସମୟ ଏମିତି ଚାଲିଛିଯେ ଟିକେ କଣ ଦେହ ଖରାପ ହେଲେ ହସ୍ପିଟାଲରେ ଚାହୁଁ ଚାହୁଁ ଲକ୍ଷ ଲକ୍ଷ ଟଙ୍କା ଉଡିଯାଉଛି । ଆଉ ଯଦି ଆପଣ କୌଣସି ହେଲ୍ଥ ଇନ୍ସୁରାନ୍ସ କରିନାହାନ୍ତି ତେବେ ତ କଥା ସରିଲା । ତେଣୁ ବୁଦ୍ଧିମାନ ଲୋକେ ଆଗୁଆ ଇନ୍ସୁରାନ୍ସ କରାଇ ଦେବା ହିଁ ଲାଭଦାୟକ । ଆଉ ଏନେଇ ସବୁଠୁ ଭଲ ସୁଯୋଗ ଦିଏ ଲାଇଫ ଇନ୍ସୁରାନ୍ସ କମ୍ପାନୀ ବା ଏଲଆଇସି । ଯେଉଁଥିରେ ଆପଣ ଇନ୍ସୁରାନ୍ସ କରି ନିଜ ଭବିଷ୍ୟତ ସିକ୍ୟୁର କରିବା ସହିତ ଏକ ଭଲ ମେଡିକାଲ କଭର ବି ପାଇପାରିବେ । ଏଲଆଇସି ଦ୍ୱାରା ଜାରି କରାଯାଇଥିବା ଏହି ଇନ୍ସୁରାନ୍ସ କଭରର ନାଁ “ଇଣ୍ଡିଆନ ଲାଇଫ ଇନ୍ସୁରାନ୍ସ ଆରୋଗ୍ୟ ରକ୍ଷକ ପ୍ଲାନ” ରଖାଯାଇଛି । ଏହି ପ୍ଲାନର ଅନେକ ଉପଦେୟତା ରହିଛି । ଏହା ହେଉଛି ଏକ ନନ ଲିଙ୍କଡ଼, ନନ ପାର୍ଟୀସିପେଟିଙ୍ଗ, ଇଂଡିଭିଜୁଆଲ ହେଲ୍ଥ ଇନ୍ସୁରାନ୍ସ ସ୍କିମ । ଏହା ରେଗୁଲାର ପ୍ରିମିୟମ ସହିତ ହିଁ ମିଳିପାରିବ । ତେବେ ଆସନ୍ତୁ ଏହି ପ୍ଲାନ ବିଷୟରେ ଡିଟେଲରେ ଜାଣିରଖିବା ।
ଏଲଆଇସିର ଏହି ସ୍କିମରେ ଫିକ୍ସଡ଼ ହେଲ୍ଥ ଇନ୍ସୁରାନ୍ସ ମିଳିପାରୁଛି । ଆପଣ କୌଣସି ମେଡ଼ିକାଲ ଏମର୍ଜେନ୍ସି ସମୟରେ ଏହାର ଲାଭ ନେଇପାରିବେ । ଏନେଇ କେତେ ଗୁଡିଏ ସର୍ତ୍ତ ରଖାଯାଇଛି । ୧୮ ରୁ ୬୫ ବର୍ଷ ବୟସ୍କ ବ୍ୟକ୍ତିମାନେ ହିଁ ଏହି ପଲିସୀର ଧାରକ ହୋଇପାରିବେ । କୌଣସି ପ୍ରକାର ମେଡିକାଲ କେଶ ସମୟରେ ଆପଣଙ୍କୁ ପୁରା ଖର୍ଚ୍ଚ ଦେବାକୁ ପଡିବ ନାହିଁ । ଇନ୍ସୁରାନ୍ସ କରିଥିଲେ ଏଥିରୁ ମିଳୁଥିବା ଅର୍ଥରେ ଆପଣ ଅନେକ ଲାଭ ପାଇପାରିବେ । ଆପଣ କିମ୍ବା ଆପଣଙ୍କ ପରିବାରର କେହି ଯଦି କେବେ ହସ୍ପିଟାଲରେ ଭର୍ତ୍ତି ହୁଅନ୍ତି ତେବେ ଅଧିକାଂଶ ଖର୍ଚ୍ଚ ଇନ୍ସୁରାନ୍ସ ଟଙ୍କାରୁ ହିଁ ଶୁଝିଯିବ ।
ଜଣାଇ ଦେବା ଉଚିତ ହେବକି ଏହି ପଲିସୀରେ ସ୍ୱାମୀ/ ସ୍ତ୍ରୀ , ବାପା- ମା, ପିଲାଙ୍କୁ ସାମିଲ କରିପାରିବେ । ଅର୍ଥାତ ଆପଣଙ୍କ ପୁରା ପରିବାର ଏଲଆଇସିର ଏହି ପଲିସୀର ଲାଭ ନେଇପାରିବେ । ଯଦି ଆପଣ ଆରୋଗ୍ୟ ରକ୍ଷକ ପଲିସୀ ନେଉଛନ୍ତି ତେବେ ଆପଣଙ୍କ ପିତା ମାତା ୮୦ ବର୍ଷ ବୟସ ପର୍ଯ୍ୟନ୍ତ ଲାଭ ନେବା ସହ ପିଲାମାନେ ୨୫ ବର୍ଷ ବୟସ ପର୍ଯ୍ୟନ୍ତ ଏହାର ଫାଇଦା ନେଇପାରିବେ । ଆଉ ମଧ୍ୟ ଏହି ପଲିସୀର ଧାରକ ହୋଇଥିଲେ ଆପଣ କୌଣସି ପ୍ରକାର ଦୁର୍ଘଟଣା ବା ଆକସିଡେଣ୍ଟ ସମୟରେ ଲାଭ ପାଇପାରିବେ ।