କରୋନାରେ କାହିଁକି ଅଧିକ ଶିକାର ହେଉଛନ୍ତି ଆମେରିକାର ଲୋକେ ? ଜାଣନ୍ତୁ ଏହାକୁ ନେଇ କଣ କହୁଛନ୍ତି ଗବେଷକ
କରୋନା ପାଇଁ ଏବେ ସବୁ ସ୍ଥାନରେ ଆତଙ୍କ ଦେଖିବାକୁ ମିଳୁଛି । ଯେକେହି ବି ନିଜକୁ ଏହି ମହାମାରୀ କବଳରୁ ବଞ୍ଚାଇବାକୁ ଚାହୁଁଛି । ଆଜିକାଲି ଏହି ଭାଇରସ୍ ଉପରେ ବୈଜ୍ଞାନିକମାନେ ଲଗାତାର ରିସର୍ଚ୍ଚ ଜାରି ରଖିଛନ୍ତି । ଅନେକ ଗବେଷକ ଏହାର ଭ୍ୟାକ୍ସିନ ବନାଇବାରେ ଦିନରାତି ଏକ୍ କରିଦେଇଥିବା ବେଳେ ଗବେଷଣା ସମୟରେ ଏକ ନୂଆ ତଥ୍ଯ ସାମ୍ନାକୁ ଆସିଛି । ଏହି ତଥ୍ଯ ଅନୁଯାୟୀ ଅଧିକାଂଶ ଆମେରିକାନ-ଆଫ୍ରିକାନ୍ ଲୋକ ଅତିଶୀଘ୍ର କରୋନାରେ ପୀଡିତ ହେଉଛନ୍ତି । ଯେଉଁ କାରଣରୁ ଏହି ବେମାରୀରେ ମୃତ୍ୟୁବରଣ କରିଥିବା ଲୋକମାନଙ୍କ ମଧ୍ୟରେ 68 ପ୍ରତିଶତ କେବଳ ଆମେରିକାନ-ଆଫ୍ରିକାନ୍ ଅଟନ୍ତି ।
କଣ ରହିଛି କାରଣ
ଟପ୍ ସର୍ଜନ୍ ଜେରୋମ୍ ଏଡମଙ୍କ କହିବା ଅନୁଯାୟୀ ଏହି ଲୋକମାନେ ଅଧିକାଂଶ ଡାଇବେଟିସ, ଫୁସଫୁସ୍ ଏବଂ ହାର୍ଟ ରୋଗରେ ପୀଡିତ ଥାଆନ୍ତି । ସେଥିପାଇଁ ଏମାନଙ୍କ ଇମ୍ୟୁନ ସିଷ୍ଟମ ବହୁତ ଦୁର୍ବଳ ରହିଥାଏ ଯାହାକି କୌଣସି କୀଟାଣୁ ସହ ଲଢିବା ପାଇଁ ସକ୍ଷମ ହୋଇନଥାଏ । ଏହାସହିତ ସେ କହିଥିଲେ ଯେ ଆମେରିକାନ-ଆଫ୍ରିକାନ୍ ମାନଙ୍କୁ କରୋନା ଭାଇରସ୍ ପାଇଁ ସବୁଠାରୁ ଅଧିକ ବିପଦ ରହିଛି କିନ୍ତୁ ବର୍ତ୍ତମାନ୍ ପର୍ଯ୍ୟନ୍ତ ଏ କଥାକୁ ନେଇ କୌଣସି ପ୍ରମାଣ ମିଳିନାହିଁ । ସୁଚନା ଅନୁଯାୟୀ ଜେରୋମ୍ ଏଡମ ନିଜେ ଜଣେ ଆଫ୍ରିକାନ୍ ଅଟନ୍ତି । ସେ ଅଧିକାଂଶ ସମୟ ଆମେରିକାରେ ରହିଥାନ୍ତି ଏବଂ ସେ ନିଜେ ବ୍ଲଡ଼ପ୍ରେସର୍ ଓ ଆସ୍ଥମା ରୋଗରେ ପୀଡିତ ।
