ଦ୍ୱିତୀୟ ପର୍ଯ୍ୟାୟ ଲକ୍ଡାଉନ୍ ନେଇ ଆସିଲା କେନ୍ଦ୍ରର ନୂଆ ଗାଇଡ୍ଲାଇନ୍, ଅତ୍ୟାବଶ୍ୟକ ସେବା ଛାଡି ଅନ୍ୟ ସମସ୍ତ ଚଳାଚଳ ଉପରେ ରୋକ୍
ନୂଆଦିଲ୍ଲୀ : ଦ୍ୱିତୀୟ ପର୍ଯ୍ୟାୟ ଲକ୍ଡାଉନ୍ ନେଇ ଆସିଲା କେନ୍ଦ୍ରର ନୂଆ ଗାଇଡ୍ଲାଇନ୍ । ଅତ୍ୟାବଶ୍ୟକ ସେବା ଛାଡି ଅନ୍ୟ ସମସ୍ତ ଚଳାଚଳ ଉପରେ ରୋକ ଲଗାଯାଇଛି । ଆସନ୍ତୁ ଜାଣିବା ନୂଆ ଗାଇଡ୍ଲାଇନ ଅନୁସାରେ କେଉଁ ସେବା ଜାରି ରହିବ ଏବଂ କେଉଁ ସେବା ଉପରେ ରୋକ୍ ଲଗାଯିବ ।
ନୂଆ ଗାଇଡ୍ଲାଇନ୍
– ଅତ୍ୟାବଶ୍ୟକ ସାମଗ୍ରୀ ପରିବହନ ଜାରି ରହିବ
– ଘରୋଇ ଓ ଅନ୍ତରାଷ୍ଟ୍ରୀୟ ବିମାନ ଉଡ଼ାଣରେ ରୋକ୍
– ଟ୍ରେନ୍, ବସ୍ ଓ ମେଟ୍ରୋ ସେବା ବନ୍ଦ ରହିବ
– ସମସ୍ତ ଶିକ୍ଷାନୁଷ୍ଠାନ, କୋଚିଂ ସେଣ୍ଟର ମଧ୍ୟ ବନ୍ଦ ରହିବ
– ସମସ୍ତ ହୋଟେଲ, ରେଷ୍ଟୁରାଣ୍ଟ ବନ୍ଦ ରହିବ
– କୃଷି କାର୍ଯ୍ୟ ଉପରେ କୌଣସି କଟକଣା ନାହିଁ
– କୃଷି ସମ୍ବନ୍ଧୀୟ ସମସ୍ତ କାମ ଆରମ୍ଭ ହେବ
– ମତ୍ସ୍ୟ ପାଳନ ଉପରେ କଟକଣା ନାହିଁ
– ସାମାଜିକ, ରାଜନୈତିକ ଓ ଧାର୍ମିକ କାର୍ଯ୍ୟକ୍ରମ ବନ୍ଦ
– ଧାର୍ମିକ ସ୍ଥଳୀରେ ଜନସାଧାରଣଙ୍କୁ ପୂଜାପାଠ ମନା
– ମାସ୍କ ପିନ୍ଧିବା ବାଧ୍ୟତାମୂଳକ, ମାସ୍କ ନପିନ୍ଧିଲେ ଜରିମାନା
– ବାହାରେ ଛେପ ପକାଇଲେ ଜରିମାନା ଦେବାକୁ ପଡ଼ିବ
– ଅନ୍ଲାଇନ୍ ସପିଂ ଉପରେ କୌଣସି କଟକଣା ନାହିଁ
– ସିନେମା ହଲ୍, ଜିମ୍, ସପିଂ ମଲ ବନ୍ଦ ରହିବ
– କୌଣସି ପ୍ରକାର ଖେଳ ଆୟୋଜନ ହୋଇପାରିବ ନାହିଁ
– କୋଇଲା ଖାଦାନରେ କାମ ଆରମ୍ଭ ହେବ
– ଆୟୁଷ ସମେତ ସମସ୍ତ ସ୍ୱାସ୍ଥ୍ୟ ସେବା ଜାରି ରହିବ
– ଗାଁରେ ସଡ଼କ ନିର୍ମାଣ କାର୍ଯ୍ୟ ଆରମ୍ଭ ହେବ