ମୁମ୍ବାଇ : ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ଝିଅ ଇଶା ଅମ୍ବାନୀଙ୍କ ବିବାହର ମାହୋଲ ପୁରା ଜମିବାରେ ଲାଗିଛି। ଏନେଇ ଉତ୍ସବମୁଖର ହୋଇ ଉଠିଛି ଉଦୟପୁର ସହର। ଇଶା ଡ଼ିସେମ୍ବର ୧୨ ତାରିଖ ଦିନ ଆସନ୍ଦ ପରିମଲଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ଗତକାଲି ତାଙ୍କର ସଂଙ୍ଗିତ୍ ଶେଷ ହୋଇଥିବା ବେଳେ ଏନେଇ ଅନେକ ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଟ୍ରେଣ୍ଡ କରୁଛି। ଭାଇରାଲ ହେଉଥିବା ଏକ ଭିଡ଼ିଓରେ ଇଶାଙ୍କ ପିତାମାତା ମୁକେଶ ଅମ୍ବାନୀ ଏବଂ ନୀତା ଅମ୍ବାନିଙ୍କୁ ଡ଼୍ୟାନ୍ସ କରୁଥିବା ଦେଖିବାକୁ ମିଳିଛି। ଏଥିରେ ସେ ଶାହାରୁଖ ଖାନଙ୍କ ଫିଲ୍ମ ଜବ ତକ୍ ହୈ ଜାନ୍ ର ଟାଇଟେଲ ଗୀତରେ ନାଚୁଥିବା ନଜର ଆସିଥିଲେ।
ଇଶାଙ୍କ ବିବାହରେ ସାମିଲ ହେବା ପାଇଁ ଦେଶବିଦେଶରୁ ଅନେକ ଭିଭିଆଇପିଙ୍କ ସହ ୫୦୦ଟି କମ୍ପାନିର ସିଇଓ ଆସି ଉଦୟପୁରରେ ପହଞ୍ଚିଛନ୍ତି। ଏହି ସମାରୋହରେ ଆମେରିକାର ହିଲାରୀ କ୍ଲିଣ୍ଟନଙ୍କ ସହ ଦେଶର ବିଭିନ୍ନ ବର୍ଗର ରାଜନୈତିଜ୍ଞ, ବଲିଉଡ଼ କଳାକାର, ଗାୟକ ତଥା ବିଭିନ୍ନ ପ୍ରସିଦ୍ଧ କଳାକାରଙ୍କ ସହ ୧୮୦୦ ଅତିଥି ସାମିଲ ହୋଇଛନ୍ତି।
ତେବେ ଗତ କାଲିର ସମାରୋହରେ ନୀତା ଅମ୍ବାନି ମନ ଖୋଲି ପୁଅ, ଝିଅ ଏବଂ ସ୍ବାମୀଙ୍କ ସହ ବିଭିନ୍ନ ବଲିଉଡ଼ ଗୀତରେ ନାଚୁଥିବାର ଦେଖିବାକୁ ମିଳିଥିଲା।