ଲିଏଣ୍ଡର ପେସ୍ ଓ କିମ୍ ଶର୍ମା ପାଳିଲେ ଡେଟ୍ ଆନିଭର୍ସରୀ, ବିକିନି ପିନ୍ଧି ଟେନିସ୍ ଷ୍ଟାରଙ୍କ ସହ ଦେଲେ ରୋମାଣ୍ଟିକ୍ ପୋଜ୍
କିମ୍ ଶର୍ମା ଓ ତାଙ୍କ ପ୍ରେମିକ ତଥା ଟେନିସ୍ ଷ୍ଟାର ଲିଏଣ୍ଡର ପେସ୍ଙ୍କ ସମ୍ପର୍କକୁ ବର୍ଷେ ପୂରିଛି। ଏହି ଯୋଡ଼ି ସୋମବାର ଏକାଠି ରହିବାର ବର୍ଷେ ହୋଇଛି। ଏ ଅବସରରେ କିମ୍ ଲିଏଣ୍ଡରଙ୍କ ସହ ଏକ ସୁନ୍ଦର ଫଟୋ ଆଲବମ୍ ସେୟାର କରି ନିଜ ପ୍ରେମକୁ ଦର୍ଶାଇଛନ୍ତି।
ଏଥିରେ ଗୋଟିଏ ଫଟୋରେ ସେ ଲିଏଣ୍ଡରଙ୍କ ଗାଲକୁ କିସ୍ କରୁଥିବାର ନଜର ଆସିଛନ୍ତି। ସେହିପରି ଆଉ ଏକ ଫଟୋରେ ଲିଏଣ୍ଡର ତାଙ୍କ ଗାଲକୁ କିସ୍ କରୁଛନ୍ତି। ଏଥିରେ କିମ୍ ଓ ଲିଏଣ୍ଡର ଏକାଠି ବାହାରେ ପ୍ରକୃତିକୁ ଏନ୍ଜୟ କରୁଥିବାର ଦେଖାଯାଇଛି। ସେହିପରି ଆଉ ଏକ ଫଟୋରେ ଉଭୟେ ରୋମାଣ୍ଟିକ୍ ଡ୍ୟାନ୍ସ କରୁଥିବାର ନଜର ଆସିଛନ୍ତି। ଆଉ ଏକ ଫଟୋରେ କିମ୍ ବିକିନି ପିନ୍ଧି ଲିଏଣ୍ଡର ପେସ୍ଙ୍କ ବାହୁରେ ପେଜ୍ ଦେଉଥିବା ଦେଖାଯାଇଛି। ଏହି ଫଟୋର କ୍ୟାପ୍ସନ୍ରେ ସେ ଲେଖିଛନ୍ତି- ହାପି ଆନିଭର୍ସରୀ ଚାର୍ଲ୍ସ ୩୬୫ ଦିନ! ଖୁସି ଓ ଅନେକ କଥା ଶିଖିବାର ଖୁବ୍ ସୁନ୍ଦର ମୁହୂର୍ତ୍ତ। ମୋ ସହ ରହିଥିବାରୁ ଧନ୍ୟବାଦ। ଲଭ ୟୁ ଟୁ ବିଟ୍ସ।
View this post on Instagram
ସୂଚନାଯୋଗ୍ୟ ଯେ କିମ୍ ଓ ଲିଏଣ୍ଡର ପରସ୍ପରକୁ ଡେଟ୍ କରୁଥିବା ଖବର ଅଗଷ୍ଟ ୨୦୨୧ରେ ସାମ୍ନାକୁ ଆସିଥିଲା। ଉଭୟେ ଗୋଆରେ ଆଉଟିଂ କରୁଥିବା ଫଟୋ ଭାଇରାଲ ହୋଇଥିଲା। ତେବେ ଉଭୟେ ନିଜ ସମ୍ପର୍କକୁ ନେଇ ବେଶ୍ ଖୋଲା। ଏହି ଯୋଡ଼ି ପ୍ରାୟତଃ ଇନ୍ଷ୍ଟାଗ୍ରାମ୍ରେ ପରସ୍ପରର ଫଟୋ ପୋଷ୍ଟ କରିଥାନ୍ତି।
View this post on Instagram