କରୋନା ଲକ୍ ଡାଉନ୍ କାରଣରୁ ଆଜିକାଲି ଦୂରଦର୍ଶନରେ ଅନେକ ପୁରୁଣା ଧାରାବାହିକ ପୁଣିଥରେ ପ୍ରସାରିତ କରାଯାଉଛି । ତେବେ ସେଥିମଧ୍ୟରେ ସବୁଠାରୁ ଚର୍ଚ୍ଚାରେ ରହିଛି ରାମାନନ୍ଦ ସାଗରଙ୍କ “ରାମାୟଣ” । ଏହା ପୁଣିଥରେ ପ୍ରସାରିତ ହେବାପରେ ଦର୍ଶକ ମାନଙ୍କର ସବୁଠାରୁ ପ୍ରିୟ ଧାରାବାହିକ ପାଲଟି ଯାଇଛି ଏବଂ ଏହାର ଟିଆରପି ମଧ୍ଯ ସବୁଠାରୁ ଉଚ୍ଚରେ ରହିଛି । ତେବେ ରାମାୟଣ ପୁଣିଥରେ ପ୍ରସାରିତ ହେବା ପରେ ଏଥିରେ ଅଭିନୟ କରୁଥିବା ଚରିତ୍ର ମାନଙ୍କର ଅଚାନକ ଚର୍ଚ୍ଚା ଆରମ୍ଭ ହୋଇଯାଇଛି । ଏଥିରେ ଭଗବାନ ଶ୍ରୀରାମଙ୍କ ଚରିତ୍ରରେ ଅଭିନୟ କରିଥିବା ଅରୁଣ ଗୋଭିଲ୍ ଓ ଲକ୍ଷ୍ମଣଙ୍କ ଚରିତ୍ରରେ ଥିବା ସୁନୀଲ ଲହରି ଏବଂ ମାତା ସୀତାଙ୍କ ଅଭିନୟ କରୁଥିବା ଦୀପିକା ଚିଖାଲିୟା ଆଜିକାଲି ଅଧିକାଂଶ ସମୟ ସୋସିଆଲ ମିଡ଼ିଆରେ ଆକ୍ଟିଭ ରହୁଛନ୍ତି ।
ନିକଟରେ ଦୀପିକା ଚିଖାଲିୟା ଟ୍ୱିଟରରେ ଏକ ଥ୍ରୋ ବ୍ୟାକ୍ ଇମେଜ୍ ସେୟାର କରିଛନ୍ତି । ତେବେ ଏହି ଫଟୋଟି ସେହି ସମୟର ଅଟେ ଯେତେବେଳେ ଦୀପିକା ଗୁଜୁରାଟର ଭଦୋଦରା ସିଟ ପାଇଁ ନିର୍ବାଚନ ଲଢୁଥିଲେ । ଏହି ଫଟୋରେ ତାଙ୍କ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଲାଲକୃଷ୍ଣ ଆଡଭାନୀ ବସିଥିବା ଦେଖିବାକୁ ମିଳିଛି । ସୋସିଆଲ ମିଡ଼ିଆରେ ଏହି ଫଟୋ ଏବେ ଭାଇରାଲ୍ ହେବାରେ ଲାଗିଛି ।
An old pic when I stood for election from baroda now called as Vadodara extreme right is our PM narendra modi ji nxt to hom was LK Advaniji and me and nalin bhatt in charge of the election @narendramodi @pmo#lkadvani##contest#election#ramayan pic.twitter.com/H5PsttaodC
— Dipika Chikhlia Topiwala (@ChikhliaDipika) April 12, 2020
ଏହି ଫଟୋକୁ ସେୟାର କରିବା ସହ ଦୀପିକା ଲେଖିଛନ୍ତି ଏକ ପୁରୁଣା ଫଟୋ ସେହି ସମୟର ଯେତେବେଳେ ମୁଁ ଭଦୋଦରା ପାଇଁ ନିର୍ବାଚନ ଲଢୁଥିଲି । ମୋ ସହିତ ଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଲାଲକୃଷ୍ଣ ଆଡଭାନୀ ଏବଂ ଇନଚାର୍ଜ ନଳିନୀ ଭଟ୍ଟ । ସୁଚନା ଅନୁଯାୟୀ ନବେ ଦଶକରେ ଦୀପିକା ବହୁତ୍ ଲୋକପ୍ରିୟ ଥିଲେ । 1991 ମସିହାରେ ସେ ଭାରତୀୟ ଜନତା ପାର୍ଟିର ଟିକେଟରେ ଭଦୋଦରା ଲୋକସଭା ସିଟ ପାଇଁ ନିର୍ବାଚନ ଲଢୁଥିଲେ ଏବଂ ଏଥିରେ ସେ ଜିତ ମଧ୍ଯ ହାସିଲ କରିଥିଲେ ।