ଆପଣ ନିଶ୍ଚିତ ରୂପେ ପନିପରିବା, ଆଳୁ ଆଦିରେ ପ୍ରସ୍ତୁତ କୋଫତା ଖାଇଥିବେ । ବିବାହ ଭୋଜି ମାନଙ୍କରେ ଏବେ ଏହା ଖୁବ ସାଧାରଣ ଡ଼ିସ ହୋଇଗଲାଣି । କିନ୍ତୁ କେବେ ଡାଲିରେ ପ୍ରସ୍ତୁତ ହୋଇଥିବା କୋଫତା ଖାଇଛନ୍ତି କିମ୍ବା ଚାଖିଛନ୍ତିକି । ଯଦି ନାଁ ତେବେ ଆସନ୍ତୁ ଆଜି ଜାଣିବେ ଡ଼ାଲି କୋଫତା ବିଷୟରେ । କେମିତି ଏହାକୁ ପ୍ରସ୍ତୁତ କରାଯାଏ ଏଥିପାଇଁ କଣ କଣ ସାମଗ୍ରୀ ଆବଶ୍ୟକ ଆସନ୍ତୁ ଜାଣି ରଖିବା ।
ଆବଶ୍ୟକୀୟ ସାମଗ୍ରୀ:
ଅଧା କପ ମୁଗ ଡାଲି
କିଛି ବିରି ଡାଲି
ଗୋଟେ ଚାମଚ ଅଦା ଛେଚା
୧ ରୁ ୨ ଟି କଂଚା ଲଙ୍କା
ଅଧା ଚାମଚ ଜିରା
ଗୋଟେ ଚୁଟକୀ ସୋଡା଼
ସ୍ୱାଦ ଅନୁସାରେ ଲୁଣ
ଛାଣିବା ପାଇଁ ତେଲ
ଗୋଟେ ପିଆଜ
୪ଟି ଟମାଟୋ
ଗୋଟେ ଚାମଚ ରସୁଣ
ଲଙ୍କା ଗୁଣ୍ଡ
କିଛି ଫୁଟଣ
୫ ରୁ ୬ ଟି ଭ୍ରୁଶୃଙ୍ଗ ପତ୍ର
ଗୋଟେ ଚାମଚ ତେଲ
ପ୍ରସ୍ତୁତି ପ୍ରଣାଳୀ:
– ୪ ରୁ ୫ ଘଣ୍ଟା ପାଇଁ ମୁଗ ଓ ବିରି ଡାଲିକୁ ବତୁରାଈ ଦିଅନ୍ତୁ ।
-ପାଣିକୁ କାଢି ଦିଅନ୍ତୁ । ଏବେ ଗ୍ରାଇଣ୍ଡରରେ ଡ଼ାଲି , ଅଦା, ଲଙ୍କା, ଲୁଣ କିଛି ପାଣି ଦେଇ ବାଟି ଦିଅନ୍ତୁ । ବଟା ଯେମିତି ଖଦଡିଆ ରହିବ ।
– ଏବେ ସେଥିରେ ଜିରା ଦିଅନ୍ତୁ । ବଟାକୁ ଏମିତି ମିଶାନ୍ତୁ ଯେମିତି ବଟା ହାଲୁକା ଲାଗିବ । ଏବେ ଏକ ପ୍ୟାନ ବସାଇ ସେଥିରେ ୬ ରୁ ୮ ଚାମଚ ତେଲ ଦିଅନ୍ତୁ । ଏବେ ସେଥିରେ କୋଫତା ଗୁଡିକୁ ଗୋଲଡେନ ବ୍ରାଉନ ରଙ୍ଗର ହେବା ପର୍ଯ୍ୟନ୍ତ ଛାଣି ଦିଅନ୍ତୁ । ଧ୍ୟାନରେ ରଖିବେ ତେଲ ଯେମିତି ମଧ୍ୟମ ଆଞ୍ଚର ଥିବ । ଆପଣ ଏହି ସମାନ ଭାବରେ କରିପାରିବେ ।
– ଏକ ପାତ୍ରରେ ସମସ୍ତ ମସଲାକୁ ମିଶାଇ କିଛି ପାଣି ଦେଇ ଏକ ଗ୍ରେଭି ପ୍ପ୍ରସ୍ତୁତ କରନ୍ତୁ । ଏବେ ଏହାକୁ ଉଚ୍ଚ ଆଞ୍ଚରେ ୪ ରୁ ୫ ମିନିଟ ପାଇଁ ଫୁଟାଇ ଦିଅନ୍ତୁ । ଏବେ ତାହାକୁ ଥଣ୍ଡା ହେବା ପାଇଁ ଛାଡି ଦିଅନ୍ତୁ । ଏବେ ଏହାକୁ ଏକ ହ୍ୟାଣ୍ଡ ଵଲେଣ୍ଡରରେ ବାଟି ଦିଅନ୍ତୁ ।
– ଆଉ କିଛି ପାଣି ଦେଇ ଫୁଟାନ୍ତୁ ଭଲ କରି ଫୁଟି ଆସିଲେ ଗ୍ୟାସ କମାଇ ଦିଅନ୍ତୁ ।
– ଏକ ପ୍ୟାନରେ ତେଲ ଦେଇ ଗରମ କରନ୍ତୁ । ସୋରିଷ ଦେଇ ଫୁଟାନ୍ତୁ । ଭୃସଙ୍ଗ ପତ୍ର ଦିଅନ୍ତୁ ।
-କିଛି ସମୟ ଚଳେଇଲା ପରେ ଟମାଟୋ ବଟାକୁ ଦେଇ ଦିଅନ୍ତୁ ।
– ଏବେ ସେଥିରେ ପୂର୍ବରୁ ପ୍ରସ୍ତୁତ କରାଯାଇଥିବା କୋଫତା ଦେଇ ଫୁଟାଇ ଦିଅନ୍ତୁ ।