କେବେବି ଖାଇନଥିବେ ଏହିପରି ସ୍ୱାଦିଷ୍ଟ ରସୁଣ ଚଟଣି
ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ଏକ ଏପରି ରେସିପି ଯାହାକୁ ଶୁଣିବା ମାତ୍ରେ ଆପଣଙ୍କ ପାଟିରେ ପାଣି ଆସିଯିବ । ସାଧାରଣତଃ ଖାଇବା ସମୟରେ ଆଚାର, ପାମ୍ପଡ଼ କିମ୍ବା ଚଟଣି ମିଳିଗଲେ ଖାଦ୍ୟର ସ୍ୱାଦ ଦୁଇଗୁଣା ହୋଇଯାଇଥାଏ । ଏହି ସ୍ୱାଦ ଆହୁରି ଅଧିକ ବଢ଼ିଯାଇଥାଏ ଯେତେବେଳେ ଚଟଣି ରସୁଣର ହୋଇଥାଏ । ସାଧାରଣ ଖାଦ୍ୟ ବ୍ୟତୀତ ଆପଣ ଏହାକୁ ସ୍ୟାଣ୍ଡୱିଚ ଓ ବ୍ରେଡ ସହିତ ମଧ୍ୟ ଖାଇପାରିବେ । ତାହେଲେ ଆସନ୍ତୁ ଜାଣିବା କିପରି ପ୍ରସ୍ତୁତ କରାଯାଇଥାଏ ରସୁଣରେ ଏହି ସ୍ୱାଦିଷ୍ଟ ଚଟଣି ।
ରସୁଣ ଚଟଣି ପାଇଁ ଆବଶ୍ୟକୀୟ ସାମଗ୍ରୀ
ରସୁଣର କିଛି ପାଖୁଡା, ବାଦାମ ୩ ଚାମଚ, ଶୁଖିଲା ନଡ଼ିଆ ଖଣ୍ଡ ୩ ଚାମଚ, ଲଙ୍କା ପାଉଡର ଏବଂ ଲୁଣ ସ୍ବଦାନୁସାରେ
ଏହାସହ ପଢନ୍ତୁ ସ୍ୱାସ୍ଥ୍ୟପାଇଁ ଏତେମାତ୍ରାରେ ଲାଭଦାୟକ ହୋଇଥାଏ ଚଟଣୀ, ଜାଣିଲେ ଆପଣ ମଧ୍ୟ ହୋଇଯିବେ ଆଶ୍ଚର୍ଯ୍ୟ
ପ୍ରସ୍ତୁତି ପ୍ରଣାଳୀ
ରସୁଣ ଚଟଣି ବନାଇବା ପାଇଁ ପ୍ରଥମେ ରସୁଣରୁ ଚୋପାକୁ ଭଲଭାବେ ଛଡାଇ ଦିଅନ୍ତୁ । ଏହାପରେ ଗ୍ୟାସରେ ଏକ ପ୍ୟାନ ବସାଇ କମ ଆଞ୍ଚରେ ଏହି ରସୁଣକୁ ଭାଜନ୍ତୁ । ଏହା ଟିକିଏ ସୁନେଲି ରଙ୍ଗ ହେଲେ ତାକୁ କାଢି ସେଥିରେ ବାଦାମ ପକାଇ ଦୁଇ ମିନିଟ ପର୍ଯ୍ୟନ୍ତ ଭାଜନ୍ତୁ । ଆଉ ତାପରେ ବାଦାମକୁ କାଢି ନଡ଼ିଆକୁ ମଧ୍ୟ ଅଳ୍ପ ଭାଜିଦିଅନ୍ତୁ । ସବୁକିଛି ଭାଜି ସରିଲା ପରେ ତାକୁ ଏକ ପାତ୍ରକୁ କାଢି ଥଣ୍ଡା କରିଦିଅନ୍ତୁ । ଶେଷରେ ମିକ୍ସର ଗ୍ରାଇଣ୍ଡରରେ ଏହି ସବୁ ପକାଇ ସେଥିରେ ନିଜ ଖାଇବା ଅନୁସାରେ ଲାଲ ଲଙ୍କାଗୁଣ୍ଡ ଓ ଲୁଣ ପକାନ୍ତୁ । ଏବେ ଏହି ସବୁକୁ ପେଷି ଦିଅନ୍ତୁ । ଏହାକୁ ଟିକିଏ ଦର ଦର ଖଣ୍ଡ କରି ପେସନ୍ତୁ ଯାହାଦ୍ୱାରା ଏହାର ସ୍ୱାଦ ଆହୁରି ଭଲ ଆସିବ । ଆପଣ ଚାହିଁଲେ ଏଥିରେ ଧନିଆପତ୍ର ମଧ୍ୟ ଆଡ଼ କରିପାରିବେ । ବର୍ତ୍ତମାନ ପ୍ରସ୍ତୁତ ହୋଇଗଲା ଆପଣଙ୍କର ସ୍ୱାଦିଷ୍ଟ ରସୁଣ ଚଟଣି ।
