ଆବଶ୍ୟକୀୟ ସମାଗ୍ରୀ
- କଞ୍ଚା କଦଳୀ ୪ ଟି
- ବେସନ ୨ ଚାମଚ
- ଅଦା ରସୁଣ ପେଷ୍ଟ ୨ ଚାମଚ
- ପିଆଜ ୧ ଟି
- ଟମାଟୋ ୨ ଟି
- ସୋରିଷ ବଟା ୧ ଚାମଚ
- ହଳଦୀ ଗୁଣ୍ଡ
- ଲଙ୍କାଗୁଣ୍ଡ
- ଧନିଆ ଗୁଣ୍ଡ
- ତେଲ
- ଧନିଆପତ୍ର
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ପ୍ରଥମେ କଦଳୀକୁ ଚୋପା ଛଡ଼ାଇ ଧୋଇ ଲମ୍ବା ଲମ୍ବା କରି କାଟି ଦିଅନ୍ତୁ । ତାପରେ ସେଥିରେ ଦୁଇ ଚାମଚ ବେସନ, ଲଙ୍କାଗୁଣ୍ଡ, ହଳଦୀଗୁଣ୍ଡ, ଧନିଆଗୁଣ୍ଡ, ଲୁଣ ଓ ଅଳ୍ପ ତେଲ ଦେଇ ଭଲଭାବେ ଗୋଳାଇ ଦିଅନ୍ତୁ । ଏବେ ଏକ ପ୍ୟାନରେ କିଛି ତେଲ ଗରମ୍ କରି ସେଥିରେ କଦଳୀକୁ ପକାଇ ଭଲଭାବେ ଭାଜି ଦିଅନ୍ତୁ । ବର୍ତ୍ତମାନ ଆଉ ଏକ କଡ଼େଇରେ ତେଲ ଗରମ୍ କରି ସେଥିରେ ପିଆଜ ପେଷ୍ଟ ଓ ଅଦା ରସୁଣ ପେଷ୍ଟ ପକାଇ ଭାଜନ୍ତୁ । ତାପରେ ସେଥିରେ ହଳଦୀଗୁଣ୍ଡ, ଲଙ୍କାଗୁଣ୍ଡ, ଧନିଆ ଗୁଣ୍ଡ ଓ ଲୁଣ ପକାଇ ଭଲଭାବେ କସନ୍ତୁ । ଭଲଭାବେ କଷି ହୋଇଗଲା ପରେ ସେଥିରେ ଟମାଟୋକୁ ପେଷ୍ଟ କରି ପକାଇ ଦିଅନ୍ତୁ ବର୍ତ୍ତମାନ୍ ଏଥିରେ ସୋରିସ ବଟା ପକାଇ ଦିଅନ୍ତୁ । ଅଳ୍ପ ସମୟ କଷି ସେଥିରେ ପାଣି ଦେଇ ଦିଅନ୍ତୁ । ତରକାରୀ ଫୁଟି ଆସିଲେ ସେଥିରେ ଫ୍ରାଏ କରି ରଖିଥିବା କଦଳୀକୁ ପକାଇ ଦିଅନ୍ତୁ । ଶେଷରେ ସେଥିରେ ଧନିଆପତ୍ର ପକାଇ ଓହ୍ଲାଇ ଦିଅନ୍ତୁ । ଏହାକୁ ଆପଣ ଗରମ୍ ଗରମ୍ ଭାତ ଓ ରୁଟି ସହିତ ଖାଇ ପାରିବେ ।