କ୍ଲାସରେ ଛାତ୍ରୀଙ୍କୁ କାମୁଡ଼ିଦେଲା ସାପ ବାରମ୍ବାର କହିବା ପରେ ମଧ୍ୟ ଛାଡିଲେନାହିଁ ଶିକ୍ଷକ, ଶେଷରେ ଆଖିବୁଜିଦେଲା ୧୦ ବର୍ଷର ଝିଅ
କେରଳ ବାୟନାଡର ଏକ ସ୍ଥାନୀୟ ସ୍କୁଲରେ ସାପ କାମୁଡିବା ଦ୍ୱାରା ଜଣେ ୧୦ ବର୍ଷୀୟା ଛାତ୍ରୀଙ୍କର ମୃତ୍ୟୁ ଘଟିଛି । ସୂଚନା ଅନୁଯାୟୀ ଏସ ସେରିନ ନାମକ ଜଣେ ଛାତ୍ରୀ ପଞ୍ଚମ ଶ୍ରେଣୀରେ ପାଠ ପଢ଼ନ୍ତି । ଦିନ ପ୍ରାୟ ୩ଟା ବେଳେ ଛାତ୍ରୀ ଜଣକ ନିଜ କକ୍ଷରେ ବସିଥିବା ସମୟରେ ଏପରି ଘଟଣା ଘଟିଥିଲା । ମିଳିଥିବା ସୂଚନା ମୁତାବକ ସାପଟି କ୍ଲାସ ମଧ୍ୟରେ ଥିବା ଏକ ଗର୍ତ୍ତ ମଧ୍ୟରେ ଥିଲା ଏବଂ ଅଚାନକ ଛାତ୍ରୀ ଜଣଙ୍କୁ କାମୁଡି ଦେଇଥିଲା । ସେରିନଙ୍କ ସହପାଠୀ କହିଥିଲେ ଯେ ଏହି ଘଟଣା ଘଟିବା ମାତ୍ରେ ହିଁ ସଙ୍ଗେ ସଙ୍ଗେ ସେ ଶିକ୍ଷକଙ୍କୁ ଜଣାଇଥିଲେ କିନ୍ତୁ ସେ ଏହି କଥାକୁ ବିଶେଷ ଭାବେ ଧ୍ୟାନ ନଦେଇ ପାଦରେ ପଥର କିମ୍ବା କିଛି ଲାଗିଯାଇଥିବ କହି ଆଡେଇ ଦେଇଥିଲେ ।
ଶ୍ରେଣୀର ଅନ୍ୟଜଣେ ଛାତ୍ର କହିଛନ୍ତି ଯେ ଏହି ଘଟଣା ଘଟିବା ମାତ୍ରେ ହିଁ ସେମାନେ ଶିକ୍ଷକଙ୍କୁ କହିଥିଲେ ଯେ ସେରିନଙ୍କୁ ସାପ କାମୁଡି ଦେଇଛି ଏବଂ ତାକୁ ଡାକ୍ତରଙ୍କ ପାଖକୁ ନେଇଯିବା ଆବଶ୍ୟକ । ମାତ୍ର ଏକଥା ଶିକ୍ଷକ ଶୁଣିନଥିଲେ । ଘଟଣାର ପ୍ରାୟ ଏକ ଘଣ୍ଟା ପରେ ସେରିନର ପାଦ ନୀଳ ପଡିଯାଇଥିଲା ଏବଂ ସେତେବେଳେ ତାଙ୍କ ପିତା ସ୍କୁଲରେ ପହଂଚି ତାଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଇଥିଲେ । କ୍ଳାସର ଅନ୍ୟ ଜଣେ ଛାତ୍ରଙ୍କ କହିବା ଅନୁଯାୟୀ ସେରିନ ନିଜେ ମଧ୍ୟ ଶିକ୍ଷକଙ୍କୁ ବାରମ୍ବାର ଅନୁରୋଧ କରିଥିଲେ ଯେ ତାଙ୍କୁ ସାପ କାମୁଡି ଦେଇଛି ବୋଲି କିନ୍ତୁ ଶିକ୍ଷକ ତାଙ୍କ କଥାକୁ ମଧ୍ୟ ଧ୍ୟାନ ଦେଇନଥିଲେ ।
ଏହାସହ ପଢନ୍ତୁ ଦିନମଜୁରୀଆଠୁ ଆରମ୍ଭ କରି ପରିବାବାଲା ପର୍ଯ୍ୟନ୍ତ ପୋଲିସ ପୋଷାକପିନ୍ଧି କରୁଛନ୍ତି ଜୁଲମ, ଜାଣନ୍ତୁ ସମ୍ପୂର୍ଣ ଘଟଣା
ଏହି ଘଟଣାରେ ଜଣେ ଶିକ୍ଷକଙ୍କୁ ନିଲମ୍ବିତ କରିଦିଆଯାଇଛି ଏବଂ ମାମଲାରେ ଲଗାଯାଇଥିବା ଆରୋପକୁ ନେଇ ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି । ଅନ୍ୟପଟେ କେରଳର ଶିକ୍ଷାମନ୍ତ୍ରୀ ଏହି ଘଟଣାରେ ଦୋଷୀ ସାବ୍ୟସ୍ତ ହେଲେ ଦୋଷୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦେଇଛନ୍ତି ।
