କରୋନା ଭାଇରସ ଏବେ ବିଶ୍ୱରେ ଆତଙ୍କ ସୃଷ୍ଟି କରିଥିବା ବେଳେ ଏଥିରେ ଶତାଧିକ ଲୋକଙ୍କ ମୃତ୍ୟୁ ଘଟିଲାଣି । ହେଲେ କରୋନା ଭାଇରସ୍ରେ ଆକ୍ରାନ୍ତ ଜଣେ ୧୦୩ ବର୍ଷର ମହିଳା ସୁସ୍ଥ ହୋଇ ଫେରିବା ଘଟଣା ସମସ୍ତଙ୍କୁ ଚକିତ କରିଛି ।
ମହିଳା ଜଣକ ଇରାନର ହୋଇଥିବା ବେଳେ ସେମ୍ନାନ୍ ୟୁନିଭରସିଟି ଅଫ୍ ମେଡିକାଲ ସାଇନ୍ସରେ ଚିକିତ୍ସିତ ହେଉଥିଲେ । କରୋନା ଭାଇରସ୍ରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା ଏ ହେଉଛନ୍ତି ଦ୍ୱିତୀୟ ବୃଦ୍ଧା ମହିଳା । ଏଥି ପୂର୍ବରୁ ଚୀନ୍ର ଜଣେ ୧୦୧ ବର୍ଷୀୟା ମହିଳା କରୋନାରେ ଆକ୍ରାନ୍ତ ହୋଇ ପୂର୍ଣ୍ଣ ଭାବେ ସୁସ୍ଥ ହୋଇଥିଲେ।
ପୂର୍ବରୁ ରୋଗାକ୍ରାନ୍ତ ଥିବା କିମ୍ବା ବୟସ୍କ ବ୍ୟକ୍ତିଙ୍କ ଠାରେ କରୋନାର ବିପଦ ଅଧିକ ପଡ଼ୁଥିବା ବେଳେ ୧୦୩ ବର୍ଷର ଏହି ବୃଦ୍ଧା ଜଣକ ସୁସ୍ଥ ହେବା ଏକ ଚମତ୍କାର ବୋଲି ଡାକ୍ତର ନେଭିଡ୍ ଡାନାୟୀ ପ୍ରକାଶ କରିଛନ୍ତି ।
ଚୀନ୍ରେ ଗତ ଜାନୁଆରୀରୁ ୧ କୋଟି ୧୦ ଲକ୍ଷ ଲୋକ କରୋନା ପାଇଁ ନଜର ବନ୍ଦିରେ ରହିଥିବା ବେଳେ ୮୦ ହଜାରରୁ ଅଧିକ ଲୋକ କରୋନାରେ ଆକ୍ରାନ୍ତ ହୋଇଛନ୍ତି । ଏବଂ ପ୍ରାୟ ୪ ହଜାରରୁ ଅଧିକ ଲୋକ କରୋନାରେ ମୃତ୍ୟୁ ମୁଖରେ ପଡ଼ିଛନ୍ତି ।